رواية "احببت كاره النساء " الفصل الثامن عشر 18 - بقلم ♥El DoØod♥

الحلقه الثامنة عشر
من رواية " أحببت كاره النساء "

ورنت هنا علي اسر وادت الموبيل لمازن
مازن : واطيه
هنا : ميرسي

عند اسر

كان قاعد بيلف وبدور في الاوضه لحد ما لقي هنا بترن عليه
اسر : الو
مازن: ازي حضرتك يا بشمهندي انا مازن
اسر : مازن !
خير يا مازن
هنا كويسه هي جرالها حاجه
ما تنطق ساكت ليه
مازن بتوتر: متقلقش
هنا كويسه احنا بس حصل معانا حاجه انهارده ولازم اقولك عليها
اسر : خير؟
مازن بتوتر : انا وهنا...انا وهنا اتجوزنا
اسر بغضب : نعم يا خوياااا
مازن بسرعه : اسمعني بس ده انقاذ موقف والله
اسربعصبيه  : يا سلام !
انقاذ موقف !
طب اتفضل قول الموقف
مازن حكي باسر ح كل اللي حصل بالتفصيل
اسر وبدأ يهدي : يعني الموضوع فيه فريده هانم
مازن: ايوة
بس هي اكيد مش هتسكت ف ده كان لازم يحصل لو مكنتش اتجوزتها كانت هتجوزها حسام
اسر : اولا انا اسف يا مازن
انا اتعصبت عليك في الاول لاني فهمت الموضوع غلط
ثانيا هو تصرف مناسب للموقف ويا ريت تبلغوا دكتور زيدان بالموضوع والف مبروك يا سيدي
مازن:حاضر هنبلغه والله يبارك فيك هنا بتسلم عليك بس هي بتاكل محشي مش فاضيه😂😂
اسر : يا خونه
طالما محشي يبقي اكيد عند طنط جودت مش كده
مازن: بالظبط كدا 😂
اسر : طب ابقوا سبولي صباعين كده لحد ما ارجع
صوت هنا من بعيد : مفيش كلته كله
اسر : حاسب يابني علي نفسك احسن تاكل منك ايد ولا رجل
مازن: والله انا مش عارف هي تحولت كده ازاي😂😂
اسر : ضمنت انك لبست يا معلم واتكتب الكتاب
الله يكون في عونك
مازن: علشان تدعولي بس😂
اسر : هههه ربنا معاك
سلملي عليها وعلي طنط جودت واسيبك بقي تلحقلك صباعين
سلام
مازن: سلام😂
قفل مازن
اسر : بقي كده يا فريده هانم
لا ولسه معرفتيش اني اتجوزت بنت فاروق الفارس
بس انا لازم الايم الامور مع حلا
مينفعش نفضل كده ده هيبقي عقبه كبيره لينا وفرصه من دهب ليهم اممممممم انا لازم احل المشكله ديه
وطلع وراح علي اوضة حلا وخبط
فضل يخبط وهي مردتش
هي توقعت انه هيخبط شويه ويمشي  
وفجأه لقتو بيفتح الباب عليها
اتخضت
حلا ودموعها علي خدها : اييه انت أزاي  تدخل عليا  كده
اسر : انتي تغلطي وكمان تتقمصي طب اعملك ايه مش فاهم
بخبط علي واحده في الاوضه مبتردش حاجه من الاتنين يا جرالها حاجه يا نايمه
وكده او كده لازم اخش اطمن
حلا بعصبيه: اغلط؟؟؟. غلطت ف ايه انا ال رميت تهم ومستنش رد انا ال طعنت ف شرفي كأني 24 ساعه مع رجاله
اسر بهدوء : اه يا حلا انتي غلطتي
غلطتي لما عندتي معايا من غير اي سبب مقنع غلطتي لما انتي ادتيلي فرصه ان افكر فيكي بالطريقه ديه
وانتي اكتر واحده عارفه اني بكره الستات واظنك مجربه قبل كده
حلا بدموع: بس انا اصلا معملتش حاجه  انت ف امر واقع انا مراتك  يعني المفروض متفكرش فيا كده اصلا انا كنت رايحه عشان استلم شغلي ومكنتش فاكره اصلا انه بيشتغل هناك انا مديتوش رقمي اصلا
اسر : امال جابه منين
حلا: والله ما اعرف ممكن يكون جابه من السيفي بتاعي ف المستشفي
اسر : علي العموم انا مكنتش جي ارغي في كل الرغي ده
انا كنت جي اتكلم في حاجه اهم
حلا: حاجه ايه
اسر : الدنيا حولينا بتتعقد اكتر واكتر وطبعا خنقنا الكتير ده فرصه هايله يخليهم ينجحوا في اللي هما عايزينه
فاحنا نعمل معاهدة سلام
حلا: معاهده سلام؟ ازاي
اسر : كلامي يتسمع من غير عناد وانا هثق فيكي وفي كلامك
حلا:  بس انت حاجات كتير اوي بتبقي متحكم فيها زي حوار شغلي
اسر : وانا موثقتش في ست زي ما هثق فيكي
حلا:وانا موافقه بس...
ولسه هتكمل بصت علي  ايده لقتها مجروحه
حلا: ايه داااا ايدك مالها
اسر بص علي ايده : تقريبا انجرحت من ازاز الطربيزه
حلا: طب استني لحظه
وقامت فتحت دولابها  
وجابت علبه الاسعافات وبدات تعمله ايده
حلا: لو سمحت بعد كده مش ناقصين جروح انت لسه ماخفتش اصلا
اسر : لو مفيش عناد يبقي مفيش جروح
حلا :  خلاص مفيش عناد بس انت كمان مفيش عصبيه
اسر : لا طبعا معرفش
احنا اتفقنا ان يبقي في ثقه
العصبيه ديه جزء مجزء مني
حلا:  متتعصبش عمال علي بطال يا اسر
اسر : هحاول
علي العموم شكرا
واسيبك ترتاحي
تصبحي علي خير
حلا: وانت من اهله
وطلع اسر وحلا كانت مرهقه جدا ونامت
علي طول

عند هنا ومازن

خلصوا غدا وقعدوا يتكلموا عن اللي حصل في المكلمه
مازن : وبس كده
انتو كنتوا خايفين من ايه بقي مش فاهم
ده طلع محترم وتقبل الامور بهدوء ولما حس انه اتعصب اعتذر
هنا بزهول : متأكد ان ده اسر اخويا
مازن : اه والله
جودت: لا لا لا انت شكلك سرك باتع
اسر يبقي هادي ويعتذر كمان  
هنا: هي القيامه هتقوم ولا ايه
مازن : يا حول الله يا رب هو لا كده عاجب ولا كده عاجب
هنا:اصل انت مش فاهم اسر عامل ازاي اسر عصبي جدا
مازن : والله حاسس انك بتتعملي مع اسر غير اسر اللي اتعملت معاه
علي العموم حصل خير ولا هتوزعوا قرص ولا غيره
واروح انا بقي عشان الحق اغيظ سياده اللواء قبل ما ينام
تصبحوا علي خيييير
هنا: وانت من اهله لما توصل طمني عليك
مازن : حاضر يا حبيبتي
سلام عليكم
جودت: وعليكم السلام
مع السلامه

مشي مازن و روح ودخل لباباه
مازن: مساء الخير
شاكر : مساااء النوور
حمد الله علي السلامه
فينك من الصبح
مازن: والله يا بابا حصل حاجه لا كانت علي البال ولا علي لخاطر
شاكر : ارغي
مازن بدا يحكي لباباه كل ال حصل
وفي نص الكلام
شاكر : اه يا سافل يا واطي ياعديم الاصل
مازن : استني بس يا بابا
اصل.....
شاكر : بلا اصل بلا فصل بقي بتاكل محشي من غيري يا عديم التربيه
مازن : نعم !
شاكر : نعم الله عليك يا اخويا
مازن : يعني مش زعلان علشان اتجوزت من غيرك لكن زعلان علشان كلت محشي من غيرك
شاكر : اه
مازن : بابا انا داخل انام
تصبح علي خير
شاكر : طبعا كلت المحشي وحليت وتقلت وعايز تنام
مازن بمرح : بطنااااااي هتنفرج حرااااام همووووت
شاكر وهو بيدربه علي دماغه وبيشده عشان يحضنه : الف الف مبروك يا بني
ربنا يتمملكوا علي خير ويبعد عنكوا الست اللي اسمها فريده ديه
مازن : يارب يا بابا
انا داخل انام  عايز حاجه
شاكر : شكرا يا حبيبي
تصبح علي خير
مازن : وانت من اهله

عند  حلا

قلقت حلا ف نص الليل حست بحركه غريبه  ف الاوضه  قالت يمكن بيتهيئلها
الحركة تكررت تاني
قامت حلا بسرعه طلعت من الاوضه وجريت علي اوضه  اسر وخبطت
اسر صحي مفزوع علي صوت الخبط وقام فتح الباب
اسر بخضه : في ايه
حلا بخوف شديد: فيه حركه غريبه ف الاوضه انا خايفه اوي يا اسر
وحضنته ودفنت راسها ف صدره وبدأت تعيط
اسر : طب اهدي اهدي انا هروح اشوف في ايه
وراح جاب المسدس بتاعه وكان هيتحرك لكن حلا وقفته
حلا: لا يا اسر لا مش هتروح ف حته انا خايفه لا مش هتسيبني وتمشي مليش دعوه
وكانت عنيها مليانه دموع
اسر: خلاص اهدي
بصي انتي تيجي معايا وتخليكي بره الاوضه
حلا: لا يا اسر بلاش والنبي انا خايفه
اسر : امال هنسيب الشخص ده في البيت كده
خليكي هنا احسن علي ما ارجع ومتطلعيش بره الاوضه
حلا بدموع : طيب
ودخلت حلا الأوضه ووربت الباب عشان تسمع
وبعد شويه رجع اسر
دخل اسر اوضته حلا وفعلا حس بحرك بسيطه في الاوضه
اسر : any one herd
Haaay I see you
اسر بصدمه بعد ما شاف مين في الاوضه
اسر : what
عند حلا
كانت قاعده قلقانه وعماله تفرك وتروح وتيجي في الاوضه لحد ما دخل عليها اسر
حلا بخوف: ها لقيت مين مين ال كان ف الاوضه

________
يا تري مين اللي كان في الاوضه
وهل حسام هيسكت علي اللي حصل فيه
نكمل الحلقه اللي جايه
مستنية ارائكم