رواية "احببت كاره النساء " الفصل الخامس 5 - بقلم ♥El DoØod♥

الحلقه الخامسه
من روايه " أحببت كاره النساء "

تاني يوم
عند مازن
صحي مازن علي صوت المنبه
قفله و قام اتوضي وصلي فرضه ونزل
كان والده قاعد بيقرأ الجريده
مازن: صباح الخير يا سيادة اللواء
شاكر: صباح النور يا بشمهندس
ايه نموسيتك كانت كحلي امبارح ولا ايه؟
مازن: اه
موضوع الجواز ده منحس معايا اوي
شاكر: ليه!
هنا موافقتش ولا ايه؟
مازن: لا هي مدتش قرار اصلا
شاكر: امال
مازن: اخوها عامل حداثه جامده ومش هعرف افتحه في الموضوع
وانا كلها شهر وهخلص الامتحانات وبعدها علي طول هسافر
شاكر: وانت هتعمل ايه؟
مازن: هاروح ازوره في المستشفى
واقوله علي اللي حصل ما بيني وبين هنا في الجامعه وان قصدي كله جواز
علي الاقل يبقي عنده فكره
زي ما بيقولوا
نص العمي ولا العمي كله
شاكر: ههههههه
ياعيني علي الحلو لما تبهدله الايام
مازن: ههههههه
انا هطلع بقي اغير هدومي واطلع علي المستشفي
شاكر: ماشي يا بني
ربنا معاك
مازن: يا رب

عند اسر

كان اسر قاعد علي السرير بيفكر
شويه والباب خبط
اسر: ادخل
دخل مازن وفي ايده بوكيه ورد
مازن : سلام عليكم
اسر : وعليكم السلام
مين حضرتك؟
مازن : انا مازن شاكر زميل الانسه هنا في الجامعه
اسر بصدمه : هنا !
خير
مازن قعد جنب اسر علي الكرسي وحط بوكيه الورد علي الطربيزه
مازن : الف سلامه علي حضرتك
وان شاء الله شده وتزول
اسر: الله يسلمك
شكرا
خير
كنت عايز حاجه
مازن : انا عارف يا بشمهندس انه مش وقته الكلام ده لكن....
قطعه اسر بعصبيه : انطق قول عايز ايه من هنا اختي؟
مازن بخضه : والله ابدا ما عايز منها حاجه
مازن وحاول يهدي من الخضه
مازن : انا اعرف الانسه هنا من سنه ٣ بحكم اننا في كليه واحده لكن والله ما كلمتها ولا هي كلمتني
ماعدا انهارده
اسر في دماغه : معقول كلام سالي مظبوط
مازن بيكمل : انا روحتلها بعد المحاضرات في الكافيه واعترفتلها بحبي ليها
اسر بغضب : نعم !
مازن بسرعه : نفس الي هي عملته
لكن والله انا قصدي شريف
انا كنت عايز اتجوزها وحولت اوصل كتير لحضرتك لكن معرفتش فأضطريت اقول للانسه هنا
اسر بأرتياح : يعني الموضوع كله جواز
مازن : اه
اسر : الله لا يريح قلبك يا شيخ
وقعت قلبي
مازن : ملكش حق يا بشمهندس
ده الانسه هنا مثال للادب والاخلاق
وتبقي ادتني كنز لو وفقت علي الجواز
اسر : هكلمها في الموضوع ده وبعد كده هرد عليك
مازن بفرحه : تمام
ربنا يخليك لينا يا بشمهندس
والف سلامه عليك مره تانيه
اسر بابتسامه : الله يسلمك
مازن : اسيبك عشان ترتاح
وادي رقم تليفوني علي الطربيزه
سلام عليكم
اسر : وعليكم السلام
طلع مازن من عند اسر مبسوط

عند هنا

صحيت هنا من النوم وكانت مدايقه جدا لعدم وجود اخوها وسطهم في البيت
قامت اتوضت وصلت وغيرت هدومها ونزلت راحت عند اسر
وصلت هنا المستشفى
ركنت العربيه وطلعت
وهي طلعه لمحت مازن
لكن مازن كان راكب عربيه ومشي
هنا: هو ده مازن ولا انا بيتهيألي
اكيد بيتهيألي هو ايه اللي هيجيبه هنا
طلعت هنا وخرجت علي الباب
اسر: ادخل
دخلت هنا
هنا بسعادة: السلام عليكم يا احلي اخ في الدنيا
اسر بابتسامه: وعليكم السلام يا ست هنا
هنا: ها اخبر صحتك ايه دلوقتي
اسر: الحمد لله
هنا: الحمد لله
هنا لمحت الورد الي جنبه
هنا: اش اش اش
مين اللي جبلك الورد الشيك ده
اسر بطريقه: حبيبة القلب
هنا: وسعت منك ديه
هههههههههه
اسر بهزار : برا يا هنا
اصل انا مش ناقص
مش هيبقي عيني والمرارة
هنا: هههههههههه طب طب استني
كنت عايزاك في موضوع
اسر: خير
هنا بدأت تحكيله كل اللي حصل في الجامعه مع مازن
هنا: بس ودا كل ال حصل امبارح
اسر : طيب ما انا عارف كل ده
هنا: عارف!!!
منين؟
اسر : مازن جالي انهارده وحكالي علي الي حصل وطلب ايدك مني
هنا اتصدمت وفي نفس الوقت خايفه من ردت فعله
هنا:بس انا والله يا ابيه اديته اسم المستشفي عشان بس يحل عني عشان ميكلمنيش ف الجامعه وانت عارف اني مبكلمش حد
انا ا انا مكنتس اعرف ا انو هيجي و.......
اسر : بس بس بس انا مش مدايق انه جه المستشفي
هنا: امال؟
اسر : بالعكس احترمته واحترمت اختي انها مدتوش فرصه حتي انه يتكلم معاها
هنا: بس يا ابيه يعني دا واحد مجنون حد يجيي ليك وهو عارف انك تعبان اصلا
اسر : اقلعي المسك ده يا هنا ده انا اخوكي
بزمتك مش فرحانه انه جه
هنا ارتبكت: م ما ما ما هو اصل يا ابيه
يعني كان حتي يعني يستني لما تخرج من المستشفي
اسر : انتي تعرفي عنه ايه ياهنا
ومن غير لف ولا دوران
هنا بكسوف : اللي اعرفه
انه اسمه مازن شاكر في اخر سنه هندسه وبيطلع علي طول من الاوائل ومن المرشحين للسفر في بعثات علميه للخارج ده طبعا
لو فضل محافظ علي مكانته بين الاوئل اخر سنه
اسر : ده انتي متابعه اخباره بقي
هنا بسرعه : ابدا والله
ده اللي انا بسمعه يعني
اصله مشهور ما بين الطلبه لنشاطه وجدعنته وتفوقه في الدراسه
اسر : طيب تمام
هنا بتردد : و وانت يعني ايه ايه رايك يا ابيه
اسر : انا طبعا رفضت
انتي لسه بتدرسي
هنا: ايه!!
وسكتت شويه
واكملت بخيبه امل خلاص: اللي تشوفه يا ابيه
اسر ضحك : ههههههههه
والله وكبرتي يا هنا وعايزه تتجوزي وتسيبينا
علي العموم يا ستي انا سبتها مفتوحه والقرار حاليا يرجعلك
هنا انكسفت ووشها جاب الوان
هنا: ا انا مينفعش اخد قرار الا لما انت تخف وتبقي كويس
ساعتها نبقي نفكر سوي
اسر : انا لسه قدامي موال علي ما اسفر واعمل العمليه واخد الجلسات وارجع يبقي فيها شئ طويل
انا عايز قرار حالا
هنا بكسوف : خلاص يا ابيه
حضرتك خلي حد يسال عليه ولو كدا يعني يبقي رأيك هو المهم عندي
اسر : متأكده
حتي لو رفضت
هنا بخضه وصوت عالي نسبيا : نعم !
هنا حاولت تلم نفسها : اقصد يعني هو حضرتك ممكن ترفض!
اسر : هههههه ايه هتكليني يا هنا
علي العموم متخافيش ياستي انا مبدأيا شبه موافق
هنا حست انها لو قعدت اكتر من كده ممكن تقلب طمطايه من كتر الكسوف : طيب يا ابيه
انا همشي عشان عندي مذاكره وهاجيلك بكره ان شاء الله
اسر : ماشي يا حبيبتي
خلي بالك من نفسك
هنا: حاضر متقلقش عليا مبمشيش من غير البودي جارد ال كنت مخليه يرافقني كل حاجه زي ما هي مفيش حاجه اتغيرت♥
اسر : انا واثق من اختي ده مفيش شك فيه
هنا: يلا ارتاح انت انا ماشيه سلام
اسر : مع السلامه
مشيت هنا وحس اسر بالملل فقرر انه يدايق حلا وطلب من الممرضه تنادي لها

عند حلا

كانت حلا مرهقه جداا بسبب اللف علي المرضي من اول اليوم وقله النوم فسندت راسها علي المكتب ونامت ومفيش ربع ساعه والباب خبط
حلا بتعب: ادخل
الممرضه : دكتوره حلا
المريض اللي في اوضه... طالب حضرتك
حلا بتزمر: شكلي مش هخلص
خلاص روحي انتي يا نهاد وانا هروحله
الممرضه : حاضر
وقامت بتعب وراحت عند اسر و خبطت علي الاوضه بتاعته
اسر: ادخل
دخلت حلا
حلا: الممرضه قالت انك طالبني
خير
اسر برخامه : مش عارف كده حاسس اني زهقان وملان كده
حلا: ايوا يعني انا اعمل ايه مش فاهمه
اسر بمكر: الله مش الدكتوره بتاعتي
اتصرفي
حلا بعصبيه مكبوته: حضرتك انا دكتوره مش اراجوز
اسر بغضب مكتوم معتقدا انها تقصد تجرحه : يعني انتي لو كنتي اراجوز كنت هشوفك اصلا
حلا بندم علي الكلمه: انا مقصدتش حاجه بس انا مش فاهمه ايه المطلوب مني دلوقتي
اسر : الدكتور زيدان
هيجي امتي المستشفي
حلا: بكره ليه
اسر: اول ما يجي تقوليله ان بشمهندس اسر الرفاعي عايز يقبلك
مفهوم
حلا: حاضر اقدر امشي بقا ولا ايه
اسر : اتفضلي
حلا طلعت برا ورجعت مكانها حطت راسها علي المكتب ونامت بتعب

عند هنا

روحت هنا البيت وكانت فريده قاعده مع صحابها
اول ما دخلت هنا
فريده : اهي هنا جت اهي
تعالي يا هنا
جت هنا نحيتهم مطره: مساء الخير
سهير : تؤ تؤ تؤ يا فيري
معقوله ديه بنتك
ايه اللي هي لبساه ده
ده مش علي الموضه
ناهد : ولا ايه اللي انتي لبساه علي راسك ده
تؤ تؤ تؤ
مش ممكن تكون ديه بنت فيري ابو العزم
فريده : قوليلها يا سهير
احسن هي مش بتسمع كلامي ومشيه ورا اخوها
هنا بعصبيه: ياريت محدش يتدخل ف حياتي الوحيد ال ليه التدخل ف حياتي هو اخويا اسر
غير كداااا ياريت كل واحد يخليه ف حاله
وسابتهم وطلعت
فريده : اووووف غبيه زي اخوها
وكملت فريده هزار وكلام مع صحابها وهنا طلعت اوضتها ورمت شنطتها علي الارض وقعدت تعيط
هنا: يا رب يشفيك يا اسر يا رب
انا مليش غيره يا رب

_____________

يا تري فريدة هتوافق علي مازن
ولا هيبقي ليها رأي اخر
ومين دكتور زيدان ده
ويا تري دوره ايه في قصتنا
نكمل الحلقه اللي جايه
مستنين ارئكم