رواية "احببت كاره النساء " الفصل السادس عشر 16 - بقلم ♥El DoØod♥

الحلقه السادسة عشر
من رواية " أحببت كاره النساء "

حلا : انا مش عارفه اخد قرار
اللي كان بيحصل فيك واللي كان هيحصلي مخليني بجد خايفه
اسر : والله هو الموضوع بقي معقد جدا
بس انا رأي ان قرار الجواز ده سليم
في مصلحتنا اننا نبقي مع بعض لان انتي لوحدك هتوهي وانا لوحدي هنهار
حلا: الصراحه انا عمري ما شوفت عمي ومعرفش طريقة تفكيره
لكن مدام انتوا شايفين ان ده انسب حل انا موافقه
اسر بتنهيده راحه : تمام جدا
حلا : لكن انا من حقي اعرف في ايه وايه اللعبه اللي دخلت فيها ديه وليه دخلتها
اسر : كل حاجه في وقتها احسن
واكيد هتعرفي كل حاجة
لكن مش دلوقتي
المهم
انا هخرج بكره من المستشفي وهنتجوز بعده
حلا: علي طول كده
اسر : ايوة طبعا مفيش وقت
حلا: طيب
تصبح علي خير
اسر : وانتي من اهله
نام اسر بعد طول تفكير ازاي هيطلع هو وحلا من الورطه ديه
و حلا قعدت كتييير تفكر علي ما راحت ف النوم
تاني يوم
صحيت حلا و بدأت تجهز الحاجه علشان يخرجوا
ووضبوا الحاجه وكان اسر طالب عربيه بسواق وخدهم روحهم الفيله ودخلوا الفيله حلا كانت بتتاملها ب اعجاب وبعدين بصت لاسر
حلا: هو انا اوضتي فين عايزه اطلع ارتاح
اسر شاور علي اوضه : ديه
حلا: تمام
وانت كمان ارتاح علشان انت لسه مخفتش تماما
اسر : تمام
اطلعي انتي ومتشغليش بالك
حلا: طيب
وطلعت حلا اوضتها غيرت هدومها وفضلت قاعده علي السرير تفكر

عند هنا

هنا صحيت الصبح وكانت قاعده بتذاكر للامتحانات موبايلها رن
ولقت فريده بترن عليها استغربت
هنا: الو
فريده : هنا الحقيني
انا...انا م.ش احم احم احم
هنابفزع: ماما مالك
والخط اتقفل
هنا جريت علي العربيه وخلت السواق يوديها الفيله بتاعتهم ودخلت بسرعه تشوف مامتها
هنا بخضه : مااامي ما...
اتفجأت هنا بوجود حسام ووالده ومامتها قاعده معاهم وفي راجل قاعد في النص بيان عليه انه شيخ
هنا: يعني انتي كويسه اهو؟ امال جايباني علي ملا وشي ليه
فريده : تعالي هنا يا حبيبتي
ده فايز بيه وده حسام ابنه
هنا: انا مش فاهمه حاجه انتي لما رنيتي عليا كنتي تعبانه
فريده : ههههههه
ديه حجه عشان اجيبك للمفاجأه الكبيره
هنا: مفاجأه ! مفاجأه ايه
فريده : حسام طالب ايدك للجواز وانا موافقه
وقررنا نكتب الكتاب انهارده
هنا بعصبيه: نعمم
جواز مين انا مخطوبه انتي مش واخده بالك ولا ايه
فريده : خطوبه !
هو اللي ما بينك وبين مازن ده تسميه خطوبه
هنا: اة خطوبه وجواز
وانا مش موافقه علي الجوازه ديه
ولسه هنا هتمشي
حسام بسرعه وقف قدامها
هنا بعصبيه: وسع من قدامي يا بتاع انت
حسام : مش هوسع وهنكتب الكتاب دلوقتي
هنا: كتب كتاب ايه انتو مجانين دا علي جثتي
وجريت طلعت
وسابتهم افتكرت ان ف اوضه اسر فيه تليفون ارضي جريت بسرعه دخلت الاوضه بتاعت اسر وكتبت رقم مازن بسرعه
ف الاثناء دي طلعت فريده وراها تدور عليها
عند هنا
مازن: الو
هنا: مازن الحقني انااا...... ولسه هتكمل
أمها شدت منها السماعه ورمتها
هنا بعصبيه: انتي عملتي ايه سيبيني ف حالي بقاااا
فريده : فكرك يعني الباشا بتاعك هيعرف يعمل حاجه انا امك وادري بمصلحتك
وهتتجوزي حسام يعني هتتجوزي حسام
هنا: انا بكرهك
انا مش هتجوزه يعني مش هتجوزه
فريده : مش بمزاجك
وشدتها ونزلت بيها
فريده : يلا نكتب الكتاب
هنا: مش هتجوزه لا
فريده : مش بمزاجك
وبدأ المأذون يجهز ورق كتب الكتاب
وهنا كانت قاعده تعيط مش عارفه تعمل ايه
وفجاه الباب فضل يرزع
فتحت الخدامه بسرعه
لقت مازن قدامها
هنا اول ما لقيت مازن جريت عليه
هنا: الحقني يا مازن عايزين يجوزوني حسام بالغصب
مازن: مين عايز ايه ؟
هنا: فريده هانم عايزه تجوزني حسام بالغصب
مازن : الكلام ده صح يا سحس
حسام: اة طبعا صح مش قلتلك يا مازن هنا بتاعتي
مازن : طب وريني هتتجوزها ازاي
حسام: ايه ال هتجوزها ازاي ما تقولي حاجه يا فريده هانم
فريده : انا امها وانا موافقه علي الجوازه ديه
هنا: وانا مش موافقه اتجوزه انا حرررره
مازن: بس كده
هي مش قابله مش من حقكوا تجوزوها غصب عنها
لكن مينفعش حضرت المأذون يجي من غير ما ننفعه
اكتب كتبنا يا شيخ
المأذون : لكن يا ابني .........
مازن : ملكنش اكتب ياشيخ
المأذون بخوف من لهجة مازن : هل تقبلي الزواج من مازن شاكر
هنا بسعاده : نعم أقبل
فريده: يعني ايييه علي جثتي
مازن : معايا مسدس مرخص في العربيه تحبي اجيبه لحضرتك يعني اسرع من السكاكين والكلام الفارغ ده
هنا كانت هتموت علي نفسها من الضحك لكن مسكت نفسها بالعافيه
وفريده هانم كانت منغاظه جدا ومش عارفه تتصرف ازاي
قعد مازن وهنا والشبخ بدأ يكتب الكتاب
حسام: لا يا مازن لااا مش هسيبك تاخدها مني
قام مازن مسكه اداله بالبوكس
مازن بتريقه: ابقي خلي ننوس عين ابوه ميتكلمش تاني
وتمت إجراءات كتب الكتاب
وهنا أصبحت مرات مازن رسمي
مازن : مش عارف اشكر حضرتك ازاي علي حفلة كتب الكتاب الظريفه ديه يا طنط
ميرسي
كان نفسي اقعد معاكوا لكن لازم نروح انا ومراتي
يلا يا هنا
سلام يا....ياحماتي
مازن خد هنا وخرجوا بره القصر
فايز بعصبيه : ايه ده يا فريده
فريده بغضب : انت بتسألني
معرفش
كل اللي اعرفه ان ابنك معرفش يملي عين بنتي
ويلا غوروا بره كلكم ومتورنيش وشك ولا وش ابنك الا لما تكون ظبط كل حاجه
فايز : انتي اللي معرفتيش تسيطري علي ولادك لانك غبيه
وبكره هندمك يا فريده علي الكلام ده لكن الاول احل المصايب ديه
يلا يا حسام بلا قرف
خرج فايز وحسام وفريده فضلت قاعده مش طايقه نفسها بدل ما تعطل الجوازه سرعتها

عند هنا ومازن

ركبوا العربيه واتحركوا وفجأه هنا انفتحت في الضحك
هنا : هههههههههههه مش ممكن ههههههههههههه لا لا لا مش قادره هموووت هههههههههه
مازن: فيه ايه؟
هنا : انت مشوفتش منظر فريده هانم كان عامل ازاي
مازن : ههههههههه لا شفت
بس كل اللي غيظني ومأثر في نفسيتي اني كتبت كتابي ببجامة البيت
هنا : هههههههههههه
ومغيرتش ليه
مازن : عشان اجي القيكي بقيتي مراته وبدل ما البس بجامه البس البدله الحمراء
هنا : بعد الشر
بس بردوا مش قادره انسي منظرها وانت بتقولها يا حماتي يا عيني ديه ممكن تموت من الحسره
مازن بص لهنا بسعاده : علي فكره انتي ضحكتك حلوه اوي
هنا بكل ثقه : طب ما انا عارفه
ده نص شباب مصر وقعوا في غرامي بسب الضحكه ديه لكن هوي النفس بقي نعمل ايه
مازن بغيره:وفرحانه ان نص شباب مصر وقعوا ف غرامك
هنا بمرح : طبعا يابني هو انا اي حد ولا ايه
ده انا هنا الرفاعي علي سن ورمح
مازن: طب اشوف حد يبصلك تاني يا هنا
هنا : لا اللي هيبصلي كتير
اركن انت بس واتفرج
مازن بعصبيه: طيب يا هنا لو حد بصلك انتي هتشيلي الليله فوق دماغك
هنا : بقي اهون عليك تزعلني
مازن برومانسيه : للاسف متهونيش عليا
هنا بمرح : طب انا جعااااان
مازن: ما تيجي تاكيليني احسن يا هنا 😂 تعالي نروح نتغدي برا يا ستي
هنا : لا طنط جودت عامله شويت محشي انما ايه كنت قاعده علي صوبعي
تعالي نروح نتغدي معاها وبالمره نحكلها عن اللي حصل
مازن:😂😂😂محشي حاضر بينا علي مدام جودت😂
وغيروا مسار العربيه لعند جودت

________________
يا تري ايه ردت فعل اسر لما يعرف باللي حصل
وهل حسام هيسكت علي اللي حصل ده ولا لا
نكمل الحلقه اللي جايه
مستنية ارئكم