رواية "احببت كاره النساء " الفصل السابع عشر 17 - بقلم ♥El DoØod♥

الحلقه السابعه عشر
من روايه " أحببت كاره النساء "

عند حلا واسر
حلا كانت قاعده في الاوضه شويه و حد خبط علي الباب
حلا قامت حطت طرحه علي دماغها 
حلا: اتفضل
دخل اسر
اسر : مساء الخير
حلا: مساء النور
اسر : قومي غيري هدومك وانزلي عشان نتغدي ونلخق السفاره
حلا: السفاره؟ ليه
اسر : عشان نتجوز
حلا: دلوقتي احنا العصر
اسر :اه المحامي اتصل بيه وقالي ان كل الاوراق جاهزه
حلا : طب بسرعه كده ده انا لسه عارفه الموضوع امبارح مش قولنا بكره
اسر ؛ مفرقتش ده جواز عشان المصلحه العامه مش جواز حب وعتيزين وقت نتعرف بيه علي بعض
يلا بسرعه عشان منتأخرش
وسبها وطلع وقفل الباب وراه
حلا بعصبيه: بني ادم معندوش دم مغرور
ودخلت خدت دوش وطلعت لبست ونزلت
كان هو قاعد مستنيها علي السفره
حلا: انا جاهزه
اسر : قعدي اتغدي الاول وبعد كده نتحرك
حلا: لا ميرسي مش عايزه اتغدي
اسر : اللي يريحك
وبدا ياكل
حلا راحت قعدت علي الكنبه مستنياه
وكانت متعصبه جدا
اسر خلص اكل بكل برود وخد علاجه وقام
اسر : يلا
حلا مشيت ف صمت وركبوا العربيه وراحوا السفاره  
وتمت كل الاوراق وبقت حلا مرات اسر رسمي
وبعدين طلعوا من السفاره وركبوا العربيه ومشيوا
حلا ببرود: انا هروح المستشفي
اسر : ليه
حلا: عندي شغل
اسر : شغل ايه
حلا: شغل وخلاص انت ناسي اني دكتوره
اسر : لا انتي اللي ناسيه ان كل شغلك هنا انا وبس ومن لحظة خروجي من المستشفي انتي ملكيش شغل هناك
حلا: بس انت بقيت كويس وانا من حقي اقدم اوراقي واشتغل هنا هما اصلا عرضوا عليا اشتغل معاهم
اسر : وانا مش موافق
حلا: نعم يعني وانت مالك اصلا انا هروح يعني هروح
اسر : انا جوزك يا هانم
ومفيش شغل هنا لما نبقي نطلق ابقي هببي اللي تهببيه
حلا: جواز مصلحه وبس وعلي الورق وبس يبقي ملكش دعوه بتصرفاتي
اسر بعصبيه : وعلشان الزفت المصلحه ديه بقولك مفيش شغل
عجبك اهلا وسهلا مش عجبك عندي استعداد اكسرلك رجلك عشان تبقي اقامتك هناك في المستشفي
حلا بعصبيه: بقولك ايه مش انا ال تعمل معاها كده تمام   شغل خدوهم بالصوت ليغلبوكم مش معايا
اسر وبسرعه جنونيه اتحرك بالعربيه وكان هيعمل كذا حادثه
حلا بخوف: انت مجنون براحه شويه
اسر : مش انتي عايزه تروحي المستشفي هوديهالك بس بطريقتي
حلا: عايز تموتنا براحه
اسر : يبقي احسن
حلا بدموع: حرام عليك براااااااااحه
اسر : مفيش شغل
حلا بدموع: خلاص خلاص مفيش شغل براحه بليز
اسر وقف العربيه فجأه وكانت حلا هتنخبط لولا انه مسكها
اسر : كلمتي متتكررش مرتين مفهوم
حلا دموعها نزلت ف صمت ومردتش عليه ودورت وشها
اسر مد ايده ومسح دمعها
اسر : متعيطيش
حلا  بعياط: ابعد عني ومتقربليش
اسر : انتي اللي بدأتي
مترجعيش بقي تعيطي
حلا: انا ال بدات ها انا ال زعقت الصبح لما طلعت تكلمني وانا ال عاملتني ببرود ساعه ما خلصت لبس ونزلت وانا ال  بدات عصبيه صح انا ال بعمل كل ده
اسر : اه انتي اللي بتسألي اسأله غريبه انتي اللي مردتيش تفطري انتي اللي غاويه تعاندي وخلاص
ولا هو مطلوب مني اقعد ادادي واحيل فيكي زي الاطفال
حلا بتريقه: ياه انا طلعت وحشه للدرجادي وسكتت شويه  واكملت
حلا :لو سمحت روحني
اسر حرك العربيه بدون كلام وروح علي البيت
حلا دخلت الفيله وطلعت اوضتها بسرعه ورمت نفسها علي السرير وفضلت تعيط وكانت مخنوقه دخلت اخدت شور وغير هدومها ونزلت قعدت تتفرج علي التليفزيون وشويه واسر نزل يعمل شغله علي الاب
لقت حلا رقم غريب بيرن عليها
حلا: الو
فهد: الو دكتوره حلا انا دكتور فهد
حلا : اة أهلا وسهلا يا دكتور
فهد: عامله ايه
حلا: الحمد لله كويسه
فهد ب توتر: الحقيقه انا كنت عايز أقابلك علشان عايزك ف موضوع
حلا اتوترت وبصت لأسر بنظره خاطفه ودورت وشها
حلا: انا اسفه جدا يا دكتور بس مش هقدر ادي لحضرتك  معاد لاني الحقيقه مشغوله اوي الفتره دي
فهد: خلاص مره ثانيه نتكلم ونحدد معاد
حلا: ان شاء  الله
فهد: لا اله الا الله خدي بالك من نفسك
حلا  ب استغراب شديد: ان شاء الله
محمد رسول الله مع السلامة
وقفلت حلا الخط ولاحظت ان اسر كان متابع المكالمه كلها
اسر : مين ؟
حلا بتوتر: دا دا  دكتور  فهد
اسر : ودكتور زفت بيتصل ليه
حلا:  هو يعني كان عايز يقابلني
اسر : يقبلك ؟!
ليه بقي ان شاء الله
حلا: معرفش مقاليش حاجه والله
اسر : اتصلي بيه واديهولي
حلا بقااا
حلا: ليه؟
اسر : يمكن يكون في مشاكل ولا حاجه في علاجي وعايز يتكلم معاكي بخصوصها
اتصلي بيه خليني اطمن
حلا: ح حاضر
وفتحت موبايلها واتصلت على الرقم
وادته الموبايل
اسر : الو
فهد ب استغراب من الصوت:الو
مين معايا
مش دآ رقم دكتوره حلا
اسر : اه
انا بشمهندس اسر يا دكتور
فهد: اها ازيك يا بشمهندس
اسر : تمام
خير
كنت عايز تقابل دكتوره حلا ليه
في اي مشاكل في العلاج او حاجه
فهد:لا لا العلاج تمام انا كنت عايزها ف موضوع شخصي
اسر : خير
لو في حاجه اقدر اساعدك بيها انا تحت امرك
فهد: ف الحقيقه انا كنت عايز اكلمها اني اكلم حد من اهلها عشان عايز اطلب ايدها
اسر : نعااااام !
فهد: ايه فيه حاجه ولا ايه
اسر بعصبيه : اه فيه
في ان مدام حلا تبقي مراتي يا دكتور ويا ريت متتصلش عليها تاني والا هيبقي اسود يوم في عمرك
انت فاهم
فهد بصدمه : مراتك؟ انا اسف جدا مكنتش اعرف مع السلامه وقفل بسرعه
حلا كانت مصدومه جدا وف نفس الوقت خايفه من ال هيحصل
قفل اسر و بصلها بعصبيه
اسر بغضب مكتوم وهو بيخبط علي الطربيزه بأيده يكسر الازاز وعور ايده : بقي واضح قدامي سبب اصرارك انك تشتغلي في المستشفي ديه
حلا اترعبت  : انا .....
اسر بعصبيه : اخرسي
انتي لازم تفهمي انك علي زمة راجل وغصب عن عينك لازم تحترميه لما نبقي نطلق ابقي دوري ولفي علي الرجاله  برحتك
انتي فاهمه
حلا  اتصدمت من الكلام ال قاله
حلا بدموع وزعيق:انت ازاااااي تفكر كده الف علي ايه ان كنت انت عرفت ناس زباله ف مش كلهم زباله حرام علييك كفايه افتري بقااا
اسر بعصبيه: تقدري تحطلي تفسير لاصرارك علي الشغل ومكلمت الزفت ده ليكي
ولا اقولك متحطيش حاجه
انتي اساسا مش فارقه معايا كل اللي يهمني هو شكلي ومنظري قدام الناس هتقلي منه هقل منك هتحفظي عليه هنفضل حبايب طول الفتره الهباب ديه
وسبها وطلع علي اوضته
حلا طلعت اوضتها
فضلت تعيط انه ازاي يفكر كده اصلا وانه بني ادم معندوش دم
وفضلت حابسه نفسها وبتعيط

اسر دخل أوضته  بعصبيه  
فضل يلف ف الاوضه ويفكر
قلبه: ازاي تقولها كده مكنش ينفع انت عارف ان هي مش زي سالي ولا زي فريده هانم 
عقله: كلهم صنف واحد امال ايه تفسير انها كانت مصره تروح المستشفي
قلبه: هو انت اديتها فرصه تبرر اتهاماتك هي اهتمت بيك ف فتره تعبك وانقذتك من الموت وف الاخر تتعامل معاها كده
عقله: يوووه بقا المفروض اعمل ايه يعني
قلبه: تعتذرلها
عقله: مستحيل

عند  هناومازن

وصلت هي ومازن عند جودت 
  ودخلو ومازن كان ماسك ايدها.
هنا: مساء الخير يا ماما
جودت : مساء النور يا حبيبتي
اهلا اهلا ازيك يا مازن
مازن  : ازي حضرتك يا مدام جودت
جودت : تاني هتقولي مدام
اتفقنا علي ايه
مازن : حاضر يا ماما
جودت : ايوه كده
هنا : ماااامااا
انا جعاااانااااااة
جودت : يا خرابي هتكليني
وانت طبعا يا مازن هتاكل معانا
هنا : طبعا
ده انا طول الطريق عماله اجري في ريقه وقوله المحشي ولا ريحة المحشي ولاصوابع المحشي لحد ما كان هيرميني من العربيه
مازن بمرح: فعلا انا كنت علي وشك
جودت : ههههههه
طب يلا ان هحط الاكل بسرعه اهو 
خشوا اغسلوا اديكوا ووشكوا من التراب علي ما احط الاكل
هنا : حاضر
ودخلو  غسلوا ايدهم وقعدوا علي السفره
مازن : يامييييي
تسلم ايدك يا ماما الاكل تحفه ده انا هروح اغيظ سيادة اللواء
جودت : هههههههه بالهنا والشفا
هنا : الحق بقي استمتع بالأكل يومين قبل ما نتجوز لاني وبلا فخر مبعرفش اطبخ ولا اعمل اي حاجه في المطبخ غير سندوتشات الجبنه والقهوه
مازن : اوباااااا
ايه ده انا ليه حاسس اني لبست في حيطه
هنا وهي بتخبطه فب كتفه : انت تطول تلبس فيها
غيرك اتمني كتير واديك شفت بنفسك
مازن : متفكرنييييش
جودت : صحيح يا ولاد انتوا كنتوا فين
وليه يا هنا مبلغتنيش انك ماشيه
في حاجه
هنا بصت لمازن : الصراحه يا ماما هو احنا كنا عايزين نبلغ حضرتك بحاجه
جودت : خير يا ولاد
مازن : انا وهنا اتجوزنا
جودت بصدمه : ايه ! اتجوزتوا ؟!
هنا: ما هو اصل............
وحكتلها كل حاجه
جودت : حسبي الله ونعم الوكيل
فريده ديه مش ناويه تنهد بقي
بس يا ولاد لازم يبقي اسر عنده علم باللي حصل
هنا: انا عايزه اقوله بس بصراحه خايفه من رد فعله
مازن : انا حاسس اني بترمي في وش المدفع
هنا:  حاسس مش متاكد
كلمه انت بس وربنا يتولاك برحمته الوسعه وانا هتابع ف صمت واحكيله انت انا ااخاف 😂😂😂😂 والله كنت طيب يا مازن😂😂
جودت : متخفش يابني هنبقي نوزع قرص كل اسبوع
مازن : ايه يا جدعان ده انا هكلمه في التليفون بس
هنا: ما هو هينطلك من التليفون😂
مازن : طب رنيلي عليه ودعوتكوا معانا
ربنا يستر
هنا: حاضر
ورنت عليه وادت الموبيل لمازن
مازن : واطيه
هنا : ميرسي

_____________
يا تري اسر هيعمل ايه مع حلا
وردت فعله لما يعرف ان هنا اتجوزت
نكمل الحلقه اللي جايه
مستنية ارئكم