رواية "احببت كاره النساء " الفصل التاسع 9 - بقلم ♥El DoØod♥

الحلقه التاسعه
من روايه " أحببت كاره النساء "

تاني يوم

عند اسر ف المستشفي

الباب خبط

اسر كان نايم وصحي علي صوت الخبط
اسر بنعاس: ادخل
دخلت فريده
فريده : صباح الخير
اسر بصدمه: فريده هانم !
فريده: كويس انك عرفت صوتي
عايز تجوز اختك واحد متعرفش اصله وفصله كويس
اسر: وحضرتك بقي تعرفي اصله وفصله
فريده: مدام مش من مستوانا يبقي اصله وفصله مش مهم
اسر: ومين قال انه مش من مستوانا
حضرتك؟
فريده بارتباك:ايوا ان
ا انا امها وانا ال اقرر
اسر بعصبيه: ياااه لسه فكره دلوقتي انك امها
فينك من زمان
انا خدت قرار هنا ومازن هيتجوزوا واللي عنده اعتراض يخبط دماغه في الحيط
فريده باستهزاء : وريني هتجوزهم ازاي وانت اعمي
اسر قام من علي سريره بغضب: بكره تشوفي يا فريده هانم ازاي مازن وهنا هيتجوزوا وهيجيبوا اولاد و يقولولي يا خالو
فريده بتريقه: قصدك خالو الاعمي
سلام يا اسر
فريده مشيت وسابت اسر شيطان من غيظه
و من عصبيته بدا يكسر ف كل حاجه
الممرضه دخلت حولت تهديه لكن معرفتش راحت جري علي اوضه حلا
وتدخل بسرعه علي الاوضه من غير ما تخبط
الممرضة: الحقي يا دكتوره حلا
حلا بفزع: ايه فيه ايه؟
الممرضة: المريض اللي في الاوضه..... جن جنونه وعمال يكسر في كل حاجة في الاوضه
حلا اول ما سمعت كدا جريت علي اوضه اسر ودخلت
حلا: اسر اسر أهدا فيه ايه
اسربعصبيه : اطلعي برااااااا
حلا: طيب ممكن تهدا
ومسكته من ايديه
حلا: مينفعش ال انت بتعمله دا
اسر بغضب: وهو ايه اللي ينفع ها هو ايه اللي ينفع
حلا: ال ينفع انك تهدا ونتكلم ب العقل
اسر بعصبيه: وهو العقل يقول ان اللي بيحصل ده طبيعي
حلا:ايه ال حصل بس فهمني
اسر بعصبيه : وانتي مالك اساسا
اطلعي برااااااا
حلا وهي بتحاول تهديه وتقيد حركته: مش هطلع انا الدكتوره بتاعتك ومينفعش اشوفك ف الحاله دي واطلع
اسر فقد اخر حصون المقاومه
ووقع من طوله
حلا اتخضت مبقتش عارفه تعمل ايه
وفجأه لقت نفسها بتحضنه عشان تسنده وتحطه علي السرير
بس مقدرتش
اسر بكسره: انا مش عارف انا عملت ايه عشان يحصل فيا كدا ام مبتحسش وخاينه واب ساب الحمل كله علي اكتافي وف الاخر الخاينه ال كنت متجوزها تدبرلي الحادثه انا تعبت انا بتعاقب علي ايه ليه بيحصلي كل دا لييييييييه
حلا ربتت علي ضهره بحنان
حلا: كل حاجه بتحصلنا عشان نتعلم منها ربنا بيحطنا ف اختبارات علشان يختبر مدي صبرنا وانت اكيد هتصبر وهتنجح ف الاختبار ال ربنا حطك فيه
اسر فاق ووعي انه في حضنها
بعد عنها بسرعه
اسر بلخبطه: ا انا انا مكنتش اقصد انا كنت .....
حلا: تعالي اسندك للسرير
ساعدته حلا وقعدته علي السرير
وادته حقنه مهدئه ونام بعدها علطول

عند مازن

صحي مازن من النوم واتوضي وصلي وكان قاعد علي السرير بيراجع علي شوية حاجات
شويه والباب خبط
مازن: ادخل
دخل شاكر
شاكر: صباح الخير يا بشمهندس
مازن: صباح النور يا بابا
شاكر: اتأخرت امبارح بره قولت انام انا ونبقي نتكلم اصبح
ها عملت ايه مع اخو هنا
مازن بسعاده :وافق الحمد لله
بس عايز نعمل الخطوبه قبل سفره
شاكر: طبعا يا ابني حقه
وانت متسفرش الا لما يرجع
مازن: اكيد يا بابا مش هسيب هنا لوحدها
شاكر بابتسامة وهو بيطبط عليه: ربنا يسعدكم يا حبيبي يا رب
مازن: يا رب يا بابا
في الوقت ده باب الاوضه خبط
مازن: ادخل
دخل الخادم
عم مسعد: في حد مستني حضرتك بره يا بشمهندس مازن
مازن: مين
مسعد: واحده اسمها فريده هانم
مازن:طيب انا طالع اشوف مين دي يا عم مسعد
بعد اذنك يا بابا
شاكر : اتفضل يا بني
طلع مازن لقي ست في منتهي الشياكه والرقي
مازن: السلام عليكم
فريده بتبصله من فوق لتحت: انت مازن شاكر بقا
مازن: ايوه يا فندم
مين حضرتك
فريده: انا فريده هانم
مامت هنا
مازن: اهلا وسهلا بحضرتك يا هانم
خير
ممكن اعرف سر الزياره المفاجأه ديه
فريده: بص انا مبحبش الف وادور انا من الاخر مش قابله بيك مينفعش انت تناسبنا
هنا عايزه حد من مستواها يحافظلها علي فلوسها
وانت عمرك ما هتبقي من مستواها
ف أبعد عنها احسن
مازن: بس مظنش ان ده رأي هنا هي كمان
فريده: لو دا مش راي هنا مكنتش جيتلك
هي بس اتحرجت تقولك
مازن بصدمه وحزن: اذا كان كده فانا فعلا هبعد عنها
شرفتي يا هانم
فريده مشيت وسابته وهي مبسوطه انها نجحت

عند هنا

هنا صحيت من النوم قامت خدت دوش ولبست مستنيه مازن
اتاخر
نص ساعه
ساعه
مازن مجاش خالص
نزلت هنا واخدت السواق وراحت الكليه تسال عليه قالولها مجاش
محضرتش ولا محاضره وطلعت علي المستشفي عند اسر

عند اسر

كان اسر سرحان في اللي حصل وخايف لفريده تأذي مازن او هنا
وافتكر اد ايه حلا كانت حنينه معاه انهارده
قطع سرحانه صوت الباب بيخبط
اسر بصوت مش مسموع : استر يا رب انا مش ناقص
اسر : ادخل
هنا:صباح الخير يا ابيه
اسرباستغراب : صباح الخير يا هنا
انتي مروحتيش الجامعه ولا ايه
هنا بحزن :صحيت الصبح كان المفروض مازن هيعدي عليا بس مجاش روحت اسال عليه ف الجامعه لقيته مراحش ومش معايا رقمه ومش عارفه اوصله
اسر: وانتي مالك زعلانه كده ليه
يمكن يكون راح عليه نومه ولا حاجه
هنا: اصل هو قايلي امبارح ومأكد عليا انه هيجي هو يعني يا ابيه حضرتك معاك رقمه!!
اسر: لا
استني
اه معايا انا اديته للدكتور زيدان
روحي خدي منه الرقم
هنا:بجد طيب انا هروح اخده منه اكلمو وارجع
اسر: اه ياجذمه
بقي انتي جيه عشان حبيب القلب مش عشان تزورني
حقك يا عم
الله يسهلك يا عم مازن
هنا: هو انا اقدر بردوا
رجعالك والله هكلمه وجايه
وطلعت من غير ما تسمع رد
راحت عند دكتور زيدان المكتب
زيدان : اتفضل ادخل
هنا: صباح الخير يا انكل
زيدان: اهلا اهلا بعروستنا
اتفضلي
هنا دخلت
هنا: انكل معلش كان ابيه اسر قالي ان رقم مازن معاك ممكن لو مع حضرتك تديهولي
زيدان: اه يا حبيبتي معايا وطلع ورقه من المكتبه
اهو ده الرقم
هنا: شكرا يا انكل عن اذن حضرتك
وطلعت من الاوضه بسرعه مسكت الرقم وكتبته علي موبايلها ورنت

___________

يا تري ايه اللي هيحصل
وكده تبقي نهاية قصة هنا ومازن
ولا ديه البدايه
نكمل الحلقه اللي جايه