رواية "احببت كاره النساء " الفصل الثامن 8 - بقلم ♥El DoØod♥

الحلقه الثامنه
من روايه " أحببت كاره النساء "

طلع دكتور زيدان من عند حلا وراح علي مكتبه
وطلع رقم مازن
وكتب الرقم علي الموبايل
واتصل
زيدان : سلام عليكم
مازن : وعليكم السلام
زيدان : بشمهندس مازن؟
مازن : ايوه يا فندم
مين حضرتك؟
زيدان : انا الدكتور زيدان
قريب البشمهندسه هنا واعتبر والدها
مازن بتوتر  : اااه
اهلا وسهلا يا دكتور
خير
زيدان : فى الحقيقه هو اسر اخو هنا كان عايز يقابلك
مازن : يقبلني !
طب يحب اجيله امتي؟
زيدان :  ياريت انهارده او بكره ب الكتير اوي
مازن : انهارده الساعه ٣ كويس؟
زيدان : اة يكون تمام جدا
مازن : في المستشفي ......
مظبوط ؟
زيدان : مظبوط
مازن : تمام يا فندم
زيدان : مع السلامه
مازن : سلام
قفل مازن مع الدكتور زيدان 
مازن في سره : ربنا يستر

عند هنا
راحت هنا عند اسر المستشفى خبطت عليه ودخلت
هنا:  عامل ايه دلوقتي؟
اسر : هنا
الحمدلله يا حبيبتي
انتي ايه اخبارك مع فريده هانم
هنا: متقلقش بعرف اسلك معاها المهم شفت ال حصل امبارح
اسر : خير
هنا حكتله كل ال حصل وال عمله مازن
هنا: بس هو دا كل ال حصل
اسر بخبث : بس مازن راجل
ولا انتي ايه رايك
هنا بتوتر:اه
اقصد يعني هو اتصرف صح وساعدني يعني
في الوقت ده دخل زيدان
زيدان : اهلا بشمهندستنا الصغيره هنا
هنا: انكل زيدان ازي حضرتك.
زيدان  :الحمد لله يا حبيبتي
بص زيدان لاسر
زيدان  : البشمهندس جي الساعه ٣
اسر : تمام يا دكتور
زيدان : اسيبكوا انا بقي واروح اشوف شغلي
وخلينا نشوفك يا هنون
هنا: حاضر يا انكل
طلع زيدان من الاوضه
ورجعت هنا بصت لاسر : بشمهندس مين يا ابيه ال جاي!
اسر : ده بشمهندس عندي معاه شغل مهم
هنا: اة طيب ماشي 
قولي انت بقي عامل ايه دلوقتي في جروحك دي وحددت هتسافر امتي ولا لسه؟
اسر : محددتش يوم معين
لكن في خلال اسبوع ان شاء الله هسافر
هنا: طب انا لازم اجي معاك مش هسيبك لوحدك
اسر : مش وقته الكلام ده يا هنا
في حاجه اهم
هنا: ايه الاهم
اسر : الشغل اللي هعمله مع البشمهندس اللي جي
هنا: شغل ايه يا ابيه ال هتعمله مع مهندس ومهم اوي فهمني ما انا كمان ف هندسه وربنا😂😂😂
اسر : 😂😂😂 هتفهمي كل حاجه لما يجي
ده انتي عنصر مهم جدا في ال مشروع
هنا :عنصر مهم!
انت بتتكلم ب الالغاز
ماشي ادي الساعه قربت علي ٣ اما اشوف بقا ايه حوار المشروع ده
اسر : دلوقتي نشوف
هنا: طيب
وبعد شويه خبط الباب
هنا: اتفضل
دخل مازن
مازن : السلام عليكم
اسر :وعليكم السلام
مازن : ازيك با بشمهندسه هنا
هنا بصدمه : بشمهندس مازن !
انا تمام الحمد لله
اسر : اتفضل يا بشمهندس 
قعد مازن في الكرسي اللي جنب السرير وهنا قعدت علي السرير جنب اسر
مازن:  اخبار صحتك ايه دلوقتي يا بشمهندس؟
اسر:  تمام الحمد لله
الاسبوع اللي جاي ان شاءالله هسافر عشان العمليه
مازن:  ان شاء الله ترجع لنا بالسلامه
اسر:  وطلبي منك لحد ما ارجع انك تاخد بالك من هنا
مازن بغباء: ها مش فاهم قصدك
اسر:  هههههه انا موافق علي جوزك انت وهنا
مازن: بجد يعني انت وافقت اني اتجوز هنا
اسر:  ايوه
هنا باعتراض:  بس......
مازن بخيبه امل: بس ايه!!!  هو انتي مش موافقه!!
هنا: مقصدش بس
انت هتسافر بعد الامتحانات
وانا مش هعمل خطوبه قبل ما يرجع اسر من بره
اسر: لا يا هنا هنعمل خطوبه قبل ما اسافر
هنا:  لا يا ابيه
انت مش هترضي تيجي
انا مش هعمل خطوبه من غيرك
اسر: لا يا هنا لازم تعملي خطوبه مش هسيبك ف مصر لوحدك وان كان علي سفر مازن انا هكلم رئيس الجامعه يأجله لحد ما ارجع دا طبعا لو مازن مش هيتدايق
مازن: لا اتدايق ليه ما لازم فعلا واحد فينا يكون معاها
هنا:  خلاص نعمل الخطوبه تبقي في وجودك
اسر: هحضر ازاي يا هنا وانا يا دوبك اصلا غاصب الدكتوره عشان اسافر بعد اسبوع اقولها كمان همشي من المستشفي
هنا:  تقصد حلا
سيبها عليه
ديه حلا طيبه خالص
بس وافق انت بس
اسر: لو وافقت انا موافق
وكان ف سره ضامن ان حلا هترفض
هنا:  اذا كان كده يبقي اوكي
مازن:  اسمحلي بقي يا بشمهندس اخد خطبتي ونخرج
اسر بهزار: من اولها
عموما ماشي يا سيدي بس متاخرهاش برا
مازن:  عنيه
بعد اذنك احنا بقي عشان منتأخرش
اسر: اتفضل
مشيت هنا ومازن وركبوا العربيه
مازن:  ها تحبي نروح فين؟
هنا:  المكان اللي هنعمل فيه الخطوبه
مازن: طيب حابه نعملها فين
هنا: روح علي العنوان ده...........
مازن: حاضر
راح مازن علي العنوان اللي ادتهوله هنا
مازن:  ده العنوان مظبوط؟
هنا:  ايوه
مازن:  بس انا مش شايف اي قاعات هنا
هنا:  انزل بس وانا هفهمك كل حاجه
مازن:  ماشي
نزل مازن وهنا
وراحت هنا نحيت باب فيلا ورنت الجرس
شويه وفتحت الخدامه
الخدامه:  هنا هانم
يا اهلا يا الف مرحب
هنا:  اهلا بيكي يا داده
صوت امرأه من جوه:  مين يا مهجه
مهجه:  الست هنا يا جودت هانم
جودت بسعادة:  طب دخليها بسرعة
مهجه:  اتفضلي يا هانم
هنا بصت لمازن:  اتفضل
دخلت هنا ومعاها مازن ولقوا ست في منتصف اوائل عقدها الخامس تجلس علي كرسي متحرك
جريت عليها هنا وحضنتها
هنا:  ماما جودت
وحشتيني اوي
جودت:  وانتي اكتر يا حبيبتي
اخبارك ايه واخبار اسر؟
هنا:  انا الحمدلله لكن اسر
جودت بحزن:  سمعت يا بنتي
ربنا يشفيه
هنا:  يا رب
جودت وبصت علي مازن:  مش هتعرفينا يا هنا
هنا: دا مازن يعتبر خطيبي
وديه ماما جودت يا مازن مرات بابا الله يرحمه وتعتبر مامي التانيه
مازن:  فرصه سعيده يا فندم
جودت بسعاده: انا اسعد
مع اني متعزمتش علي الخطوبه
هنا: لسه يا ماما والله معملتش خطوبه
  ازاي اعمل من غير ما تحضري  وبعدين انا مقرره يعني بعد اذنك نعمل الخطوبه ف الفيله هنا
جودت بسعاده: طبعا موفقه
ده الفيلا ليها الشرف انها تشهد علي حفل خطوبة هنا الرفاعي
يا سلام هو احنا اي حد ولا انت ايه رايك يا بشمهندس
مازن بابتسامة: طبعا مفيش شك في كلام حضرتك يا طنط
جودت:  طنط! 
بلاش طنط خليها ماما
ده لو مش هتضايق
مازن:  لا طبعا
ده ليا الشرف يا ماما
هنا:انا حبيت تكوني انتي اول حد تعرفي ونحدد معاكي كمان اليوم بتاع الخطوبه
جودت: اليوم اللي يرحكوا
هنا: ايه رايك يا مازن
مازن: انا بشوف يوم الخميس يكون كويس
هنا:امممم ماشي
ايه رايك يا ماما
جودت: علي خيرت الله
الف مبروك يا ولاد
ربما يتمملكوا علي خير
هنا: الله يبارك فيكي يا ماما انا هقوم بقا امشي وهجيلك بقي بكره
جودت: ماشي يا حبيبتي
خالي بالك منها يا مازن
مازن:  حاضر يا ماما
ديه في عنيه
جودت:  ربنا يسعدكم يا ولاد
مازن:  يارب
هنا:  سلام يا ماما
جودت:  مع السلامه
مشيت هنا ومازن وركبوا العربيه
مازن: ممكن اسأل سؤال
هنا: اتفضل
مازن: هي مامتك فين؟
هنا: ف البيت ليه؟
مازن: ههه غريبه يعني
تسيبي بيتك وتعملي الخطوبة في بيت مرات باباكي وتبقي هي اول وحده تعرف بالموضوع قبل مامتك
مش غريبه بردو
هنا: عشان انا مبحبش ماما
مازن:  نعم! 
اقصد يعني ليه
هنا: حوار طويل اوي يا مازن هحكيهولك بعدين
مازن:  اوك
زي ما تحبي
ووصولوا البيت
هنا:انا هنزل بقا
سلام
مازن:  مع السلامه
هبقي عدي عليكي بكره عشان نروح الكليه
هنا: ما انا معايا السواق
مازن: يا ستي ريحيني
هنا: حاضر مع السلامه
مازن:  سلام
ودخلت  البيت
كانت فريده قاعده بتعمل بديكير
فريده: حمدالله علي السلامه
هنا ببرود: الله يسلمك
فريدة: كنتي فين؟
هنا: ميخصكيش
ال من حقهم يسالوني هو ابيه اسر ومازن وبس
فريده: مين مازن ده؟
هنا: اوووه نسيت اقولك انا خطوبتي انا ومازن يوم الخميس اللي جاي
ابقي تعالي
فريده:  نعم!
هنا: ايوا زي ما سمعتي كدا
فريده:  ده لا يمكن يحصل ابدا
واخوكي عارف بكده
هنا: ايوا عارف وموافق
ولا يمكن يحصل دا بقي ميهمنيش وهيحصل وهتجوز مازن
فريده:  ويطلع ايه سي زفت ده كمان؟
هنا: قلتلك ميخصكيش انتي خليكي برا حياتي ملكيش دعوه بيا
وهنا سابتها وطلعت
فريده بعصبيه: ماشي يا هنا
اما نشوف مين سي مازن ده

_____________

يا تري فريده هتعمل ايه عشان توقف الجوازه ديه
ويا تري هتنجح مستنية توقعاتكم للبارت الجاي
نكمل الحلقه اللي جايه واسفة ع التاخير
مستنية ارائكم