رواية احببت قاصر الفصل الخامس عشر 15 - بقلم يوستينا سعد

نور بغضب: إيه اللي أنتو عاملينه ده وماسكينه كده ليه؟ ابعدوا عنه. حسن: نور، إحنا كنا في عيد ميلاد وفهد تقل في الشرب، فجينا نروحه عشان مينفعش نسيبه لوحده كده. نور: طيب، شكرًا على المساعدة. امشوا بقى. حسن: طيب، نطلعه أوضته الأول وهنمشي. حسن طلع هو والبنات أوضته، ونور بتبصلهم بقرف. حسن: يا ريت تخلي بالك منه. نور بابتسامة تبين غمزاتها: شرفتونا، مع السلامة. نور طلعت عند فهد، قلعتله الساعة والشوز، وغطته ونامت جنبه.

تاني يوم الصبح. فهد بنعاس: لا، بس بطل والله، فورتيكا. نور بصوت عالي: فهددددددد! فهد قام مفزوع: هو انتي؟ نور: آه يا خويا، أنا. فهد: هو إيه اللي حصل امبارح؟ نور: حسن قالي إنك تقلّت في الشرب. فهد: والله ما في حد موديني في داهية غيري. نور: طيب، يلا ننزل نفطر. فهد: يلا. نزلوا يفطروا. نور: أنا عايزة أطلق. فهد بصدمة: إيه؟ نور: آه، زي ما سمعت. فهد: طيب، ليه؟

نور: كده، كفاية كذب لغاية كده. إنت مبتحبنيش ولا عايزني، يبقى نربط حياتنا ببعض ليه؟ فهد: مش هطلقك. نور: بس أنا مش عايزة أكمل معاك. فهد بغضب: وأنا مش هطلقك، وقولت اللي عندي. نور بصوت عالي عكس اللي جواها: يعني إيه مش هتطلقني يا فهد؟ فهد سابها وطلع قفل الأوضة، ونور طلعت أوضته. نور بغضب: الو، يبابا. صقر: إيه يا نور، في إيه؟ نور: أنا عايزة أقابلك. صقر: ماشي، هبعتلك السواق يجيبك. نور: تمام.

نور حضرت شنطة وحطت هدومها وحاجتها، ونزلت. فهد كان واقف في البلكونة وبيشرب سجاير بغضب. فهد بغضب: نوووور، اقفي عندك، رايحة فين؟ نور مردتش عليه. فهد نزل بسرعة يلحقها، بس السواق كان مشي. فهد بغضب: قسماً بالله ما هسيبك، ولو رجعتي هخليكي تشوفي أسود أيام حياتك، وهعرف يعني هعرف رايحة فين. فهد طلع لبس بسرعة وخرج.