رواية أحببت قاسي الفصل الأول 1 - بقلم مادونا عماد

استيقظت بطلة قصتنا وهي حور. حور: بنت جميلة جدا، محجبة، طيبة القلب، بتشتغل طبيبة، عمرها 25 سنة. قامت حور وقفزت على الأرض بنشاط واتجهت للدولاب وأخرجت ملابسها، عبارة عن بلوزة بيضاء، وبنطلون أزرق واسع، وطرحة بيضاء. دخلت إلى الحمام للاستعداد للذهاب إلى عملها. بعد وقت، خرجت حور من غرفتها ونزلت المطبخ. جهزت الفطار ونظرت إلى ساعتها. حور: هي روان لسه مصحتش؟ هتتأخر على الجامعة.

ملأت جردل بالماء البارد ودخلت غرفة روان، ثم سكبت عليها الماء البارد. روان بفزع: ااععع! بغرررررق! الحقوني! انفجرت حور من الضحك على شكل روان. روان بغيظ: في حد بيصحي حد كدة؟ حور وهي بتجري خارج الغرفة: مش أنا عملتها، يبقى في. روان: لا والله.. باردة. نظرت روان إلى نفسها وإلى الماء على السرير وضحكت. ثم اتجهت إلى الدولاب وأحضرت ملابس لها. روان: بنت جميلة جدا، وهي أخت حور، بتدرس في كلية صيدلة، عمرها 19 سنة.

خرجت روان من الحمام ونظرت إلى صورة والديها المتوفين بحزن. روان: النهارده أول يوم ليا في الجامعة. حققت حلمك يا بابا ودخلت كلية صيدلة. حور من خلفها: صباح الخير. يلا يا قمر، جهزت الفطار، تعالي افطري عشان متتأخريش. روان: صباح النور.. حاضر. وهما بيفطروا، قالت روان بتوتر: أنا متوترة عشان النهارده أول يوم ليا في الكلية. حور: متقلقيش يا حبيبتي، انتي بتحبي جامعتك وهتحققي حلم بابا الله يرحمه إن شاء الله. روان: الله يرحمه.

حملت روان كتبها وحقيبتها. روان: طيب، أنا همشي. حور: استني، هشيل الفطار وهجي أوصلك بعربيتي. روان بابتسامة: ماشي. *** في مكان مجهول. مجهول1: هتنفذ اللي قولتلك عليه النهارده. مجهول2: تمام يا زعيم. مجهول1: مش عايز ولا غلطة، انت عارف إنك أكتر واحد بثق فيك. مجهول2: متقلقش. *** في جامعة الصيدلة. أوقفت حور سيارتها أمام جامعة روان. حور: خلي بالك من نفسك. روان: حاضر. باي. حور: باي. نظرت روان حولها إلى الجامعة بابتسامة كبيرة.

دخلت الكافيه وجلست. بعد دقايق، جاءت إليها بنت وجلست جوارها. رفعت روان نظرها لتلك الفتاة باستغراب. الفتاة بمرح: معلش على الدخلة دي، بس أنا معرفش حد هنا، وانتي شكلك لسه سنة أولى زي. روان هزت رأسها بابتسامة. الفتاة بمرح: ده إحنا نبقى صحاب بقى. روان بضحك: أكيد. انتي اسمك إيه؟ الفتاة: أنا مريم، وانتي؟ روان: وأنا روان. الفتاة: تعالي ندخل المحاضرة عشان منتأخرش. روان: ماشي، يلا. *** في المستشفى.

كانت حور تعمل بتركيز في مكتبها. فجأة، دخلت إليها ممرضة بهلع. الممرضة: الحق يا دكتورة حور، في حالة خطر. حور: جهزي غرفة العمليات بسرعة. الممرضة وهي تغادر: حاضر، حاضر. بعد ساعة من التعب والتوتر، خرجت حور من غرفة العمليات بإرهاق. أهل المريض أسرعوا إليها بأسئلة عديدة. حور: اهدوا لو سمحتم، المريض كويس، وكمان شوية هيتنقل غرفة عادية، تقدروا تشوفوه بعدها. أهل المريض: شكراً يا دكتورة. حور بابتسامة: على إيه، ده واجبي. عن إذنكم.

تركتهم ودخلت مكتبها مرة أخرى. فتحت الباب وانصدمت لما شافت...