رواية أحببت قاسي الفصل الخامس 5 - بقلم مادونا عماد

ركبوا السيارة مع محمد وذهبوا إلى منزل عائلة مريم. دخلت روان مع مريم إلى البيت. منال بسعادة: أهلاً أهلاً يا روان، وحشتيني. روان حضنتها: إزيك يا خالتو، عاملة إيه؟ منال: الحمد لله يا بنتي. روان: عايزة أشوف حور. منال: خديها يا مريم غرفة حور. مريم: حاضر، تعالي معايا. *** في مخزن قديم. دخل سليم بخطوات ثابتة. أشار إلى محمد: فوقه. محمد جاب جردل مياه وسكبه على أمين. أمين: آآآه. سليم: قولي كل حاجة من الأول، ومتفكرش تكدب.

أمين بتوتر: أقول إيه؟ محمد ضربه بوكس في وشه. أمين بخوف: خلاص هقول، هقول. سليم طلع موبايله وصوره فيديو. أمين: خالك جمال هو السبب في كل حاجة. أبوه كتب كل حاجة لأخته نورا (أم حور) ، وهو لما عرف مسكتش ودبر ليهم حادثة. بوظ فرامل سيارة جوز أخته وماتوا. وأمك خدت البنات عندها وربتهم. وهما اختاروا يعيشوا لوحدهم لما كبروا. سليم: طب وأبويا مين قتله؟ أمين: جمال كان زارع عنده شخص بيسرق فلوس يوسف (أبو سليم)

من غير ما يعرف. جه يوم وبدأ يشك إن الصفقات بتخرب وبيخسر كتير. جمال خاف إنه ينكشف، قرر إنه يقتله. بعتني له عشان أنا إيده اليمين وخلاني أحط له سم في القهوة. بس للأسف دخل علينا أبو حور وشافني وأنا معاه وهو مرمي على الأرض. كان واقف زي المشلول من الصدمة. أخده وروحت عند جمال. هدده طبعاً إنه لو قال حاجة هيأذي بناته. وفهمك إن اللي قتل أبوك هو جوز خالتك وهو اللي كان بيسرق أبوك. أنا دلوقتي حكيتلك كل حاجة. هتسبني أمشي؟

سليم ضحك: أسيبك أنا بالفيديو ده. أوديكم في ستين داهية كلكم يا ولاد الـ... *** جمال بصدمة: إنت بتقول إيه؟ رجل: زي ما بقولك، سليم عرف كل حاجة! جمال: لازم حور تبقى في إيدينا عشان نضمن إنه مش هيقدر يعملنا حاجة. سليم: مش هتلحق يا جمال. جمال بخوف: سليم! انسحب أحد رجال جمال من وسطهم بخفة وخرج من الباب الخلفي لتنفيذ خطة ما. *** عند البنات. روان: أنا امتحاناتي قربت ومحتاجة شوية كتب، هنزل أجيبهم. حور: وأنا محتاجة لبس جديد.

مريم بحماس: خلاص خلينا ننزل نشتري كل اللي محتاجينه. حور: يلا، أنا أصلاً زهقانة وعايزة أخرج. *** سليم: إيه، حور اتخطفت؟؟؟