رواية احببت خاطفي الفصل التاسع 9 - بقلم رحمة محمد

الشخص 1 بضحك: هتبقا ليلة فل متخافيش يقمر. الشخص 2: محدش هيعرف يخدك مننا. البنت بدموع: سبوني امشي الله يخليكوا. وفجأة عربية خبطتهم من الجنب. بيبصوا عليها، كان أياد. البنت أول ما شافته حست بالأمان. الشخص 1: مين ده؟ مشي بسرعة بالعربية، بس أياد بقى أسرع منه وعدى عربيتهم. الشخص 2 بضحك: كمل يبني شكله مجنون. وقف أياد قدام عربيتهم لغاية ما وقفت العربية. نزل الشخصين من العربية. الشخص 2: يلا ياشاطر شيل عربيتك، عايزين نعدي.

أياد وقف قدام عربيته ولابس النظارة وباصص ليهم بلامبالاة. الشخص 1: انت أطرش ولا إيه؟ شيل الزفتة دي. أياد: _الشخص 2 اتعصب أوي وقرب من أياد، ولسه هيضربه بالبوكس. أياد ضربه بالرجل في بطنه، وقعوا على الأرض. الشخص 1 اتخض بس جري على أياد، ولسه هيضربه. أياد بعد عن العربية، فجأة اتخبط في العربية. وأياد لف وخبط دماغه في العربية ووقع على الأرض. البنت لما شافتهم واقعين على الأرض نزلت من العربية وجريت على أياد، حضنته وعيطت.

أياد من كتر الصدمة وقف ومقدرش يتحرك ولا يتكلم. البنت بدموع: شكراً جداً ليك، انت أنقذت حياتي. الناس دي كانت خاطفاني بجد، مش عارفة أقولك إيه. شكراً. (حضنته جامد وعيطت أكتر) أياد رفع إيده بتردد وحضنها: اهدي، متخافيش، أنا معاكي، اهدي. البنت عياطها زاد وبقى جسمها يترعش. أياد: متخافيش، محدش هيقدر يعملك حاجة. فجأة البنت بطلت تعيط. أياد بيبعدها عشان يشوفها، لقاها اغمى عليها.

كانت ملامحها حلوة، فضل ثواني سرحان فيها. وبعدين فاق من شروده وشالها، نامت في العربية وركب هو كمان ومشي. أدهم بتوتر: براحة ياندي، الأكل مش هيطير. ندي وهي بتاكل: بعوض عن العياط اللي عيطته. أدهم بتوتر: ندي براحة عشان... ولسه هيكمل كلامه، ندي فضلت تكح جامد كأنها بتتخنق. أدهم خاف عليها أوي وراح جاب لها ميه: اشربي بسرعة. ندي شربت: الحمد لله، شكراً ي كبير. أدهم بصدمة: يخربيتك، انتي بلعتي. ندي بستغراب: بلعت إيه؟

أدهم وهو بيدور في الأكل: ي مفجوعة، أعمل إيه دلوقتي. ندي بستغراب أكتر: بلعت إيه ي أدهم، مش فاهمة. أدهم براحة: لقيتو. ندي: لقيت إيه ي أخينا؟ أدهم بابتسامة ومد إيده ليها: دا كان خاتم، شكله حلو أوي. ندي بابتسامة: الله، حلو أوي. أدهم بفرحة: بجد عجبك؟ ندي: أوي، بس انت أهبل، حد يحط الخاتم في الأكل؟ أيوااااااا، قول كدا بقا، انت عايز تخلص مني. أدهم بضحك: قولت أبقى رومانسي، بس فشلت بجداره. ندي بضحك: يكفيك شرف المحاولة.

أدهم: تتجوزيني؟ ندي بصدمة: إييي؟ أدهم بابتسامة: تتجوزيني ي ندي. وقام وقف ووقفها قدامه ونزل على ركبته ورفع إيده اللي فيها الخاتم ليها. أدهم: موافقة تتجوزيني؟ ندي ابتسمت بفرحة وهزت راسها بالإيجاب. وأخدت الخاتم: موافقة. أدهم قام وقف وشدها لحضنه: بحبك. وقاطعهم دخول أياد وهو شايل البنت: استغفر الله العظيم، جيت في وقت غير مناسب. ودخل بالبنت الأوضة. أدهم بستغراب: مين دي؟ أياد

وهو بينيمها على السرير: معرفش، شوفتها في عربية وكانت عايزة مساعدة. قالت إنهم كانوا خاطفينها واغمى عليها. أدهم بستغراب: وانت خايف ليه؟ هما كانوا خاطفينها هي ولا خاطفينك؟ ندي ضحكت جامد. أياد: بس ي بت. (وبص لأدهم) وبس، انت كمان ولا أقولكم برا. يلا كلنا. وطلعوا كلهم من الأوضة. أدهم: نعمل الفرح امتى بقا؟ أياد بفرحة: بجد خلاص هتتجوز؟ أدهم بص لندي بابتسامة: أيوا... بكرا كويس. ندي وأياد بصدمة: إييي؟

أدهم بابتسامة: كنت عارف أنه مناسب جداً. يلا ي أياد، ورانا حاجات كتير. (وبص لندي وغمز) فستانك في الأوضة يقلبي. ومشي. أياد بص لبعض بصدمة. ندي: صاحبك ده مجنون. أياد: اتفق معاكي. وسمعوا صوت أدهم بينادي على أياد وهو ماشي. بعد فترة طويلة، أدهم وأياد رجعوا ولقوا ندي والبنت قاعدين بيضحكوا بصوت عالي. أياد بابتسامة: انتي صحيتي؟ ندي: اسمها فرح. طلعت دمها خفيف أوي ي أياد.

(فرح بنت كانت عايشة في دار الأيتام لحد ما كبرت وخرجت. كانت عايشة مع صحابها. والشخصين دول شافوها وعجبوهم. فركبوه في العربية غصب عنها، وأياد أنقذها.) عدى اليوم وجه وقت فرح أدهم وندي. كانوا بيرقصوا مع بعض، وأدهم شالها ولف بيها بفرحة كبيرة: بحبك ي كل حياتي. ندي بكسوف: وأنا كمان بحبك. أياد كان قاعد مركز مع فرح أوي وقرب منها. أياد: ترقصي معايا؟ فرح بابتسامة: ماشي. وقامت معاه، وكان يوم حلو عليهم أوي. عدى سنة.

ندي كانت جايه من برا هي وفرح وجريت على أدهم حضنته. ندي بفرحة: أنا حامل. أدهم: بجد؟ فرح بابتسامة: لسه جايين من عند الدكتور. أدهم حضن ندي أوي وكان مبسوط جداً. أياد قرب من فرح: طب إيه، مش هترضي عليا بقا؟ فرح ضحكت: ماشي. أياد: بحبك. فرح بابتسامة: بحبك. أياد حضنها ولف بيها. تمت الرواية كاملة.