رواية أحببت خائناً الفصل الأول 1 - بقلم دعاء زينة

=يأنسة أنتي يأنسة -بكف إيدي وشته على وشه ورفعت الكاب عن وشي. إيه يابن الكويسة شغل التلزيق ده؟ =إنت اتجننتِ يابت؟ -بصحصح من الغفلة اللي كانت فيها. هااا إيه في إيه؟ أنا فين؟ السواق: حضرتك في الميكروباص يأنسة، وبقالنا ساعة بنصحى فيكي عشان مكان نزولك جه. =بتثاءب. طيب طيب، لا مؤاخذة ياباشا، حقك عليا. كان كابوس الله لا يوريك. -ربنا يهديك. =هو أنا مجنونة ياعم إنت؟ -لا، أنا اللي مجنون وغلطان لأهلك كمان.

=طب وسع وسع، نزلني كده. جاتكوا الهم. -ونزلت ونزل معاها بنوتة زي القمر، هادية خالص. نادت لابسة دريس سماوي رقيق وخمار بنفس لون الدريس وبصوت رقيق خالص: =لو سمحتي. لو سمحتي. -اتلفت حواليها وعدلت الكاب على رأسها وشاورت على نفسها. =أناااااااا؟ -آه حضرتك. =بتستغراب. حضرتي؟ وماله؟ أؤمري. -حضرتك راحة شركة الخديوي جروب؟ =آه. خير؟ -احم. أصلي راحة هناك أنا كمان أقدم للوظيفة اللي قالوا عنها.

=طيب ربنا يوفقك ويوقفني معاكي، خير بقى. -بتوتر. كنت عايزة بس أدخل مع حضرتك لأني معرفش حد جوه. =في سرها. وده على أساس إني أبقى بنت صاحب الشركة. -هااا؟ حضرتك قولتي إيه؟ =بنفاذ صبر. قولت لو مبطلتيش تقولي حضرتك هرميكي قدام أتوبيس جماعي. ماشي؟ -بخوف. إيه؟ =بضحك. أهدي أهدي، أنا بهزر ياشيخة. بصي ياستي، أنا معنديش مانع. يلااا. -شكراً لحضرتك.

=بنفاذ صبر. يابنتي اتعاملي معايا عادي، بلاش احترامك الزايد ده. وبعدين إحنا صحاب من دلوقتي، أظن مفيش داعي للرسميات دي، ولا إيه؟ -هزت رأسها بمعنى آه. =طيب اسم الجميل إيه؟ -اسمي فيروز. وحضرتك... =بصت ليها تاني. -بضحك. وإنتي ياقمر؟ =أنا ياستي محسوبتك ليل. -اسمك حلو أوي. =إن شاء الله يخليهملك. 😊 وبعدين يلا ياأختي، هنقضيها سلامات ولا إيه؟ 🙄 فيه مقابلة وفيه ناس مستنية. لا ياهانم. -ضحكوا واتحركوا ودخلوا الشركة.

=ليل في سرها. ياخربيت جمال أمك. إيه ياخواتي البنات دي. طبعاً نسيت أعرفكم بالليل. بنت جدعة جداً، عايشة دور الولد شوية. شعرها غجري قصير باللون البرتقالي شبه شعر أميرة من أميرات ديزني (مش فاكرة اسمها الصراحة 😅، اللي يعرفه يقولي)

. بيطول بس هي دايمًا تقصه، وهي قصيرة ولبسها كله أوڤر سايز وعبارة عن غوامق. عيونها غريبة سيكا، هي عسلي بس لما بتفرح بتدي لون متناغم مع شعرها بشكل يسحر اللي قدامها. جدعة ووو بس كفاية عليها كده. لسه فيه ناس تانية. -بعد مادخلوا فيروز مسكت في ليل بخوف. =لا بقولك اجمدي كده، مش جايه مع بنت أختي. وراحوا مكتب الاستعلامات. -لو سمحتي ياوزة. الموظفة باستعلاء: أفندم. =الإنترفيو بتاع الناس الجديدة فين؟

الموظفة بنفس التكبر: في الدور الرابع مع أستاذ أمير. -وفجأة صوتها وطى أوي لما عدى من قدامها اللي يعد فتى أحلام الجيل بتوهان. =سامي. ياربى على ضيق التنفس. أمير إيه ياحلوة؟ الموظفة: مبدئيًا اسمي هنا، ده أولاً. ثانيًا قولنا أمير. سامي: بصوت عالي سيكا. والله كنت فاكرها أمير من اللي بيلزق. ياربى على العته. =هنا: إنتي اتجننتِ؟ -جات ليل ترد قاطعتها فيروز.

=خلاص يا ليل، حصل خير. وإنتي يأنسة، إحنا طبعًا متشكرين، بس مكنش ليه لازوم الخطأ. عن إذنكوا. -شدت ليل ومشيت. =ليل: 😳. مكنش له داعي إيه ياختي؟ فيروز: الخطأ إيه؟ غلطت ولا إيه؟ =ليل بعصبية: اسكتي الله يرضى عن والديكِ. معرفش شدّتيني ليه؟ كنت هأ... -قاطعتها فيروز. =والكاظمين الغيظ ياليل. -ليل: والكاظمين الغيظ وكل حاجة، إنما سهوكة البنات دي بتجيبلي ضيق تنفس وكرشة نفس. بعيد عنك وأنا صاحبة مرض.

فيروزة ضحكة: يس، خلاص. أنا أصلاً لو كنت سبتك كنت قضيتي عليه. =ليل بغيظ: ومين سمعك! ده أنا كنت هعمل من ودانها اللي شبه لباش كيري دي قطايف. فيروز باستغراب: استنى بس. =ليل: إيه؟ فيروز: إيه اللي طلعنا على السلم؟ هو مفيش أسانسير؟ =ليل: عجبك كده؟ كل ده من الكلام عن حفيدة علبة السجاير كليوباترا اللي برا دي. فيروز: ياستي خلاص حصل خير. -ومكملتش كلامها لما خبطت في شخص وقعت عليه النسكافيه. =مش تفتحِ يابن آدمة؟

فيروز بتوتر: أنااا... أنا آسفة والله. -والله ويفيدني بإيه أسفك دلوقتي؟ وبزعيق. هااا؟ =جات ترد فيروز قاطعتها بعصبية. -استني هنا. مبدئيًا كده أنتي متتأسفيش، فاهمة؟ ثم إن حضرتك اللي نازل من منحدر، فمن باب أولى إنك أنت اللي تاخد حذرك. =بيرفع حاجبه باستهزاء. وأنتي اللي هتعلميني الأولى إني أعمل إيه؟

-محدش كبير على العلم. ثم نظرة استهزاءك دي خليها لنفسك وأنت باصص في المراية. مش طايق نفاقك وكذبك والعك اللي بتعمله في حياتك. إنما نظرتك ليا متكونش غير احترام وبس، فهمت ياشخص؟ -وأخدت فيروز وطلعت. -فيروز متوترة جامد وشبه بتترعش. =ليل وقفت: فيروز حبيبتي أهدي. مش أي موقف بسيط هيكون سبب في إنك تتوتر بالشكل ده. وبعدين خلاص محصلش حاجة. واحد غلط واتأدب. إنسي بقى.

-مسحت فيروز دموعها وهزت رأسها استجابة لكلامها وكملوا طريقهم. وصلوا الدور المقصود ودخلوا. اتمشوا فيه يدوروا على مكتب أمير سامي. وفي طريقهم وقفت ليل فجأة. =فيروز: فيه إيه يابنتي؟ وقفتي ليه؟ -ليل: هش. -وقفت تسمع باهتمام. =أنا شايف إن مفيش فيها حاجة والموضوع بقى عادي. -والله؟ إزاي يعني؟ =يعني عادي. حوار التعامل مع إسرائيل بقى طبيعي دلوقتي. اللي مش طبيعي موقفك. -والله موقفي أنا اللي مش طبيعي لمجرد إني مش عاوز أي تعامل...

=اطبع مع اللي بيقتلوا إخواتنا وأولادنا وبيستبيحوا حرمة مساجدنا. -بإقناع. مين جاب سيرة التطبيع؟ بس ده مجرد تعامل وصفقات واكتساب خبرة. -وقطع كلامه الدخول العاصف لـ ليل. =ليل بمنتهى العصبية والغيرة الوطنية: والتعامل معناه إيه يا أستاذ؟ هااا؟ معناه لا يدل سوى على التوريط والخسة والندالة، على الخيانة. إني أبقى شايفهم بيقتلوا أهلي وبيستبيحوا حرمة أقصانا وأجي أنا أبقى حمامة السلام اللي بترفر، مش كده؟

وبعدين تعالى هنا، وهي البتاعة بنت إمبارح دي عندها خبرة إيه بقى عشان تكتسبها منها؟ هااا؟ أنا عايزة أقولك إن سكسوكتك اللي أنت فرحان بيها دي عمرها أكبر من عمرها ياحضرة. =إنتي اتجننتِ؟ إزاي تقتحمي المكتب من غير استئذان؟ فيروز: زي ما هنقتحم الحدود لو اتفتحت لينا من غير تفكير. زي ماجاتلك الجرأة إنك تتكلم مع تطبيع كيان صهيوني. -الموضوع دلوقتي مبقاش زي زمان. وإسرائيل مبقتش. =ليل

بعصبية وصوت عالي: ما اسمهااااااااش إسرائيل، اسمها فلسطين محتلاها إسرائيل. -باستفزاز. لا إسرائيل وعاصمتها أورشليم، شئتم أم أبيتم. =ليل بإفراط في العصبية والصوت العالي: مسمهاش إسرائيل، اسمها فلسطين. فيروز بحدة: وعاصمتها القدس الشريف، مهد الديانات. -ليل: ملتقى عين موسى ومسرى محمد ومهد كل جميل. =باستفزاز أكبر. مش أنا اللي بقول كده، دي الحكومات العالمية. مش أنا. -ليل التفت حواليها ومسكت ورق الصفقة قطعته ورمته في وشه.

=الحكومة دي لأو*اخ أشباهك من الخونة. مش لينا، كانت فلسطين وهى فلسطين وهتفضل فلسطين. فيروز: وكلمة كمان مش هتخرج من هنا حي، صدقني. =بصوت يشبه الرعد في حدته. ممكن أفهم إيه؟ -اللي حصل يافندم إن كنت بتناقش مع المدير التنفيذي للشركة في الصفقة الجديدة واقتحموا علينا المكتب بمنتهى الهمجية وقطعوا ورق الصفقة. =بص لـ ليل نظرة نارية. -ليل بعند وقوة: خلي عندك الجرأة وقولوا الصفقة هتم مع مين.

=على نفس الحالة والهدوء اللي هو فيه جاوب. حضرتك مع فرع من فروع شركة إسرائيلية في الخارج. وحضرتك أدرى الناس إن التعامل مع الكيان الإسرائيلي بقى أمر طبيعي. وأظن حضرتك شفت الدول اللي أعلنت صراحة وضع التعامل بشكل رسمي. الإمارات والبحرين وغيرهم كتير. =بهدوء. عصب ليل. وحضرتك شايف إن الموضوع عادي، مش كده؟ -عدل كرفتته وبنصر بص لـ ليل. =أيوه طبعًا يافندم. -والآنسات رأيهم إيه؟

=متخلفين يافندم. رجعين قال إيه هيدفنونى مكاني لو قولت إسرائيل تاني. -لف حواليه. امممم يعني تخيل كده لما البنات هيدفنوك. (وبنظرة نارية سمعت الشركة والشركات المجاورة) تخيل بقى عااااشور الخديوي هيعمل فيك إيه. وضربه لكمة واحدة بس، بس كانت كفيلة إنها تفقده الوعي تمامًا. =ليل بحماس: تسلم إيدك يا أبو الأبطال. -عاشور بص لها بصة مالهاش استدلال. =نوووور. -نور جات فورًا: أؤمر يافندم. =عاشور: نادى لخلف يجي يرمي الزبالة دول برة.

-نور: أؤمرك يافندم. =عاشور بنفس النظرة اللي من غير ملامح: إنتوا تعالوا ورايا. فيروز بهمس: على فين؟ =ليل بنفس الهمس: على جحيمك الأبدي ياوزتي. وضحكت 😅. فيروز بخوف: ليكي نفس تتضحكي؟ -ليل: ياسبحان الله قلبتي ليه على الفار المبلول؟ من شوية كنتِ هتقتلي وتتفديني كمان. =عاشور وقف بعد ما تحرك خطوتين وهو مديهم ضهره: مبحبش أكرر كلامي مرتين. يلااا.

-البنات اتفزعت واتحركت فورًا وراه ودخل مكتبه ودخلوا هما كمان. فك زرار البدلة وحدفه على الشماعة. وقعد على الكرسي. =عاشور بغرور: إنتوا مين وبتعملوا إيه؟ فيروز بتوتر: حضرتك احن... =ليل اركني يافيروز: أحنا مين؟ فأنا ليل وهي فيروز. وجانا ليه؟ عشان عندنا إنترفيو في شركة حضرتك. -عاشور: طب ومش المفروض فيه احترام خصوصية وبديهيات معروفة إن مينفعش اقتحام أماكن. وخصوصًا لو كانت مكاتب إدارية. وفي حاجة غير دي اسمها ضبط النفس.

=ليل بنظرة تفاخر وإنها عملت الصح: أولاً البديهيات دي في حاجة مالهاش علاقة بمواضيع حساسة زي فلسطين. وقدام قضيتها لا بنسأل نفسنا إحنا فين ولا بنعمل إيه. وأظن إن أنت نفسك خير مثال على كده. وأنك بمجرد ما تتحكالك اتتحكى وحطت مية خط تحتها اتخليت عن ثبات الانفعالي الرهيب اللي أنت فيه.

فيروز: إحنا مش أقل من حضرتك وطنية. وإذا كنت شايف إننا غلطنا فتبقى مشكلتك. إحنا معندناش مانع أبدًا نعمل بدل المشكلة ألف في سبيل إن حد يهين في مبدأنا. =عاشور بعدم فهم قصده. مبدأك؟ -ليل: أيوه مبدأنا. واللي فلسطين مش قضيته الأولى والأخيرة يبقى ملوش مبدأ. والخيانة ماهي إلا طبع فيه. فيروز: وإذا كنت شايف إننا غلطنا. =ليل: فإحنا ميشرفناش إننا نبقى جزء من شركتكو. -وجم يتحركوا. وقف بثبات وبنبرة جدية.

=عاشور: ماقولتش حد يتحرك لسه. -ليل: هو إحنا في مدرسة؟ =عاشور: بنفي. تؤتؤ. أنتي في دنيا الخديوي. والداخل فيها بمزاجه ميخرجش منها غير بمزاجي. عذراً فهى أجمل من سيحتل ذلك الصغير بين أضلعي⁦♥️⁩🥺