رواية احببت قمر الصعيد الفصل الأول 1 - بقلم حنين محمد حنون

= كيف يا جدي أتجوز من هنا؟ -يا ابني لازم تتجوز من هنا من الصعيد. = بس يا جدي أنا مش رايد أتزوج من الصعيد. -وه... لع هتتجوز من هنا ولا أنت عاجبك بنات البندر اللي أنت حايم وراهم اللي لسانهم متبري منهم. بنات هنا تقول حاضر ونعم وبس. وما تجدرش تفك خشمها بكلمة زيادة. = مش كل بنات البندر يا جدي صدقني. -أنا جولت اللي عندي اخترتلك العروسة وهتكتب عليها بكرة يا ولدي. = إيش اللي بتقوله يا جدي ده؟ لا طبعًا.

-خلاص يا ولدي يا تتجوز اللي أنا اخترتها يا أما اعتبرني موت ومالكش جد واصل. = لا يا جدي ما أقدرش عاد بعد موت أبوي وأمي أنت اللي فاضل لي يا جدي. خلاص هعمل اللي أنت رايده بس أنا حتى ما شفتهاش يا جدي. -هتشوفها لما تبقي مرتك وتكتب عليها. = طب هي موافقة من غير ما تشوفني. -وه جعدتك في بندر نسيتك عاداتنا ولا إيه عاد. أنت عارف الرأي رأي أبوها وهي ملهاش رأي. البنت حدانا لو تفكر ترفض نطخها بالنار ونداوي خبرها. جولت إيه عاد؟

رد بحزن: خلاص يا جدي اللي يرضيك أنا هأعمله. -عفارم عليك يا زين ما عملت. آسر يتصل بحبيبته. آسر: الو يا تارا. تارا بخبث: إيه يا روح تارا عامل إيه؟ آسر: الحمد لله، أنتِ عاملة إيه يا حبيبتي. تارا: الحمد لله يا حبيبي. ها كلمت جدك في موضوعنا؟ آسر بحزن: جدي عايز يجوزني من هنا وأنا ما أقدرش أرفض له طلب، أنتِ عارفة. تارا: يعني إيه يا أسوري هتسيبني أنت وتتجوز من الصعيد؟

آسر: لا يا حبيبتي، جدي بيقول إنها بتقول نعم وحاضر. أنا كده كده هطفشها وهخليها تطلب الطلاق. يا روحي أنا بحبك أنتِ، مش واثقة فيا؟ تارا بخبث: لا يا روحي. في حد ما يثقش في نفسه؟ أنت نفسي يا آسوري، كنت عايزة أطلب منك طلب يا روحي. آسر بحب: قولي يا روحي. تارا بخبث: في سلسلة دهب عجبتني قوي قوي يا أسوري وبصراحة عايزها. آسر: بس كده يا روحي، ابعتيلي صورتها وهتبقى عندك يا قلبي. تارا: حبيبي، متحرمش منك. يلا تاك كير يا بيبي.

آسر: وأنتِ كمان يا روحي. وقفل معاها. آسر: يا رب، أما نشوف اللي هيجوزها لي جدي دي هتبقى إيه. المهم آسر نام وصحى تاني يوم لبس ونزل راح مع جدو مع المأذون وكتب الكتاب وروح على البيت. الجد: مبروك يا ولدي، عشت وشوفتك متجوز قبل ما أموت. آسر: ربنا يديك الصحة وطولة العمر يا جدي، ما تقولش كده عاد. أنا اتجوزت عشانك أساسًا. الجد: لا يا ابني، مرتك محترمة وبنت ناس وأنا متأكد إنك تحبها.

آسر في نفسه: أنا ما بحبش غير تارا ومحدش غيرها. وبعدين رد: إن شاء الله يا جدي. الجد: طب يلا اطلع لعروستك يا ولدي. آسر طلع غرفته فتح الباب وأتأفاجئ. آسر: إيه ده، أنتِ مين يا صاروخ أرض جو أنتِ؟ هي: احم... أنا المفروض مراتك يعني. آسر: بتهزري OMG. أنا مراتي كده؟ لاده أنا أمي كانت راضية عني قبل ما تموت. وبعدين قال في نفسه: لا اجمد كده يا آسر، هي حلوة أه بس مستحيل تخون تارا. أنت بتحبها.

آسر: تمام، ممكن تيجي هنا تقعدي نتكلم شوية. هي: أكيد. قعدت على الكنبة وهو جنبها. آسر: احم... قوليلي بقى اسمك إيه؟ هي: قمر، اسمي قمر. آسر في نفسه: اسم على مسمى. وبعدين رد عليها: أنا بقى يا ستي آسر، وأنا أبقى دكتور. أنتِ مش متعلمة ولا متعلمة؟ قمر بحزن: كان نفسي بس أبوي ما رضاش، كان ممكن يقتلني لو روحت المدرسة. بس أنا كنت بأخذ دروس أونلاين على النت ومعايا شهادات إلكترونية من جامعات عالمية أمال.

آسر: واو. أنتِ حلوة قوي بجد، أنتِ حتى مع رفض والدك برضه قررتي تتعلمي بطريقة تانية. أنا بصراحة كده ما أعرفكيش، إيه رأيك نبقى أصحاب لحد ما نعرف بعض؟ قمر بهدوء: اللي تشوفه. آسر في نفسه: يخربيت هدوئك وجمالك يا شيخة. طب دي يهون عليا أطفشها إزاي؟ وبعدين قال: طب يلا قومي غيري هدومك وأنا هروح أغير في الحمام، اوكي. قمر: حاضر. آسر خد هدوم وراح غير وطلع لقاها قاعدة لابسة بيجامة بنص وتركت لشعرها العنان.

آسر بيكلم نفسه للمرة ال15: يا رب، أنا ليه متجوزتش واحدة وحشة؟ ليه؟ ليه يقع حظي في واحدة حلوة وكيوت زي دي.