رواية احببت قمر الصعيد الفصل الرابع عشر 14 - بقلم حنين محمد حنون

اسر بعصبية: مش عيب واحدة تقول لجوزها دكتور اسر. قمر بسخرية: جوزها قصدك طليقي. اسر: هو انتي ما تعرفيش اني رديتك ولا ايه يا حبيبتي. وبعدين مسك ايديها وماشي بها وهي بتحاول تبعد ايديها وفي نفس الوقت مش عايزة تعلي صوتها عشان ما تبوظش فرحة ريان. ريان لاحظ واتعصب ولسه قايم راح لؤي جاء وقال في ودنه: سيبهم ما تخافش هو ردها يعني مراته هما محتاجين يتكلموا مع بعض شوية هما الاتنين مدمرين من الفراق. لازم يتعاتبوا.

ريان: بس مش ممكن يأذيها. لؤي: مستحيل اسر بيحبها زي روحه. ريان: فعلاً قمر متدمرة ولازم يتعاتبوا. لؤي: يلا يا عريس افرح انت بقى. على الجانب الآخر اسر خد قمر بالعافية لحد ما وصلوا شقته ودخلها. قمر: انت ازاي تتجرأ يا دكتور اسر. اسر ساكت وباصص بس في عيون قمر. نظرات عشق اشتياق وعتاب وحب بس أكيد مش كره. قمر سكتت وفضلت هي كمان بصاله. اسر بصوت مبحوح ومليان اشتياق: وحشتيني. قمر دقات

قلبها علت جامد بس قالت: لا يا قمر اجمدي كده ما بيثقش فيكي. وردت بقوة وقالت: وحشتك انت كذاب انت حتى ما بتثقش فيا وفوق كل ده بتخوني. اسر: أنا بثق فيكي بس صدقيني الدم غلي في عروقي يوم ما شوفتك واقفة مع ريان. مقدرتش امسك نفسي وكمان حتى انتي مرضتيش تسمعيني حتى انتي مبتثقيش فيا.

قمر بعصبية: أثق فيك أثق فيك إيه بعد الصور اللي أنا شفتها ده انت بتخوني وعايزني أرجعلك لأ يا اسر فوق انت دلوقتي بتكلم قمر صاحبة شركة KM يعني مش قمر العبيطة اللي هتضحك عليها. اسر حط ايده على بوقها وما خلاهاش تكمل كلامها. اسر: اسمعيني وأنا هقولك كل حاجة ارجوكي لآخر مرة وحكالها حكاية الصور. اسر: والله صدقيني أنا عمري ما خونتك ولا هخونك. قمر بسخرية: وانت طالب مني بقى إني أصدق الكلام ده أنا مش عبيطة يا اسر.

اسر: قمر بصي في عيوني يا قمر أنا بكذب. قمر بصي. ورفع لها وشها بإيده لحد ما عيونهم التقت. قمر فضلت بصاله نظرات حب واشتياق وعتاب وهو كذلك. لحد ما فاقوا من شرودهم على صوت جرس الباب. اسر راح يفتح لقى تارا. اسر بعصبية: انتي يا حيوانة إيه اللي جابك هنا. امشي يلا غوري. تارا دخلت برضه من غير كلام. لقت قمر. اسر بعصبية: قولتلك امشي غوري من هنا يلا. تارا بهدوء: قمر. اسر. ممكن تسمعوني.

اسر: مش عايز أسمع من خلقتك ولا كلمة. يلا امشي من هنا يلا. تارا بترجي: اسر أرجوك. قمر من فضلك. هتكلم معاكم بس 5 دقايق. 5 دقايق بس. اسر مسكها بعصبية وبيحدفها برة. قمر: استني سيبها تتكلم. اسر سابها. تارا: شكرا أنا كنت عايزة أقولكم أنا ووالدتي اتوفيت من أسبوع واتحرمت منها جايز ربنا حرمني منها بسبب اللي أنا عملته وفرقتكم عن بعض وبعدتكم عن بعض. سامحوني.

قمر صدقيني اسر بيحبك وعمره ما خانك والصور دي اسر جالي لأنه هو شهم ويومها قولتله إن فيه حرامي ووالدي ووالدتي كانوا مسافرين وساعتها جابلي جاردات وروح على طول. قمر اسر بيحبك بجد ومن ساعة ما سبتيه وهو متدمر وبقى يسهر ويشرب وحالته متدهورة يا قمر. صدقيني. أنا آسفة يا اسر. أنا آسفة يا قمر. سامحوني. أنا فعلاً غلطت. معلش يا جماعة. أنا آسفة بس ربنا عاقبني وحرمني من والدتي سامحوني.

قمر مش مصدقة وبتلوم نفسها إزاي عملت كده في اسر. بعدين قمر بصت لاسر بمعنى سامح تارا خلاص. وقمر قربت من تارا. وقالت: خلاص مسامحينك يا تارا. البقاء لله. تارا: في حياتك الباقية بجد سامحتوني. قمر: أيوه. اسر: أيوه خلاص يا تارا. تارا: بجد مش عارفة أقولكم إيه ربنا يسعدكم يا رب. وبعدين تارا مشيت. اسر وقمر فضلوا باصين لبعض وبس والدموع مالية عيونهم هما الاتنين. لحظات من الصمت. من العتاب بنظرات العيون.

لحد ما قطع الصمت ده اسر وهو بيفتح دراعته لقمر. قمر جريت عليه حضنته. وهما الاتنين انفجروا في العياط. اسر: وحشتيني يا روحي. وحشتيني. قمر: وانت كمان يا حبيبي وحشتني جامد اوي يا اسر جامد اوي. اسر: آسف يا قمري آسف يا روحي لو كنت زعلتك. قمر: أنا اللي آسفة يا حبيبي. آسفة لو زعلتك. اسر: بحبك. قمر: بعشقك. قمر بحزن: اسر حبيبي هو انت فعلاً بقيت بتشرب. اسر

خرج من حضنها بحزن وقال: مكنتش بقدر أتحمل ألم الاشتياق يا قمري كنت بموت ألف مرة من الإحساس ده فكنت بحاول أنساه. قمر: اسر حبيبي أوعدني إنك خلاص هتبطل كل ده يا روحي. أنا خلاص معاك هنا. اسر حضنها: أوعدك يا قمري أوعدك. أهم حاجة انتي تبقي جنبي وبس يا روحي. تبقي جنبي وبس. قمر: وأنا عمري ما هسيبك يا حبيبي. عمري. اسر: بس إيه الجمدان ده يا قمري بقيتي سيدة أعمال جامدة.

قمر: آه شوفت بقى مش انت لوحدك اللي دكتور مشهور أنا كمان سيدة أعمال. اسر بضحك: وحد يقدر يقول حاجة برضه. قمر: وحشتني ضحكتك يا روحي. اسر بحب: انتي كلك وحشتيني يا قمري ضحكتك وهدوئك وحتى طبخك. قمر بضحك: طبخي؟ بقي هو ده اللي فاكره. اسر: انتي الشيف بتاعي. قمر بغرور: طبعاً. وقعدوا يضحكوا مع بعض لحد ما الجرس رن. قام اسر يفتح لقي لؤي وريان. لؤي: إيه يا برو هو من لقى أحبابه نسي أصحابه ولا إيه.

وبعدين ريان دخل شاف قمر: أيوه ولا إيه يا ست قمر. قمر: عيب يا زميكس هو أنا أقدر أنساك برضه. اسر بغيرة: نعم يا اختي انتي وهو. قمر بضحك على غيرته: صح يا اسر نسيت أقولك ريان هو اللي وقف جنبي السنة دي. ريان أخويا وإنسان بجد كويس جداً وعمره ما سابني لحظة. ريان: أكيد مش هسيبك مش أختي بقى. اسر بامتنان وحزن: شكراً بجد يا ريان أنا اللي كنت المفروض أبقى معاها بس ما كنتش جنبها. شكراً لأنك كنت معاها.

ريان: دي أختي يا اسر. وعلى الله تفكر تزعل أختي تاني. وأحب أقول لك بقى إنها بتحبك لا لا بتموت فيك صدقني خدها كلمة مني. اسر وهو موجه نظره لقمر: ما أنا عارف. لؤي: أنا من رأيي بقى نسيبهم يا إما اسر هيطردنا دلوقتي وأنا حاسة عايز يقول اطلعوا بره. ريان: وأنا كمان حاسس. اسر: بتفهموا اهو يلا سكة السلامة وخذوا الباب في إيديكم. لؤي: بقيت تطردنا بس ماشي يا عم همشي علشان خاطر قمر بس. ومشوا. قمر: اسر.

اسر بحب: وحشني اسمي وانتِ بتقوليه. نعم يا عيون اسر وروح اسر وقلب اسر. قمر بدموع: أنا لازم أقولك إني حقيقي عرفت قد إيه بحبك لما بعدنا. اسر بدموع على دموع قمر: وأنا يا روحي عرفت إني مش بحبك. أنا بدمنك يا قمري. بدمنك يا عيون اسر. قمر: بحبك. اسر: لا لا أنا كده اتعودت على الرومانسية دي بقى. قمر: قصدك يعني إني مش رومانسية يا اسر. اسر: هو أنا أقدر أقول حاجة بس يا عيون اسر. وبعدين باس إيديها وقال: ربنا يخليكي ليا يا قمري.

قمر: ويخليك ليا يا روحي. بعد مرور 5 سنوات. قمر: جاسر جاسر تعالي هنا. وقمر وقعت. قمر: آه. اسر طلع يجري أول ما سمع صوت قمر: قمر يا روحي مالك. قمر: مفيش كنت بجري وراء جاسر مش عايز ياكل. اسر: جاسر انت يا ولد. جاسر بطفولية: نعم يا بابي. اسر: معذب مامي ليه يا جاسر. جاسر: أنا مش عايز آكل ده أنا عايز شيبس. اسر: انت بتتكلم هيروغليفي ولا إيه يالا ابنك بيقول إيه يا قمر. قمر بضحك: بيقول مش عايز ياكل الأكل ده وعايز ياكل شيبس.

اسر مسكه من التيشرت بتاعه وقال: بقيت أبوك دكتور وعايز تاكل حاجات مش صحية. انت ابن مين يا ولد. جاسر: ابنك انت ومامي يا بابي انت نسيت ولا إيه. لما الكاتبة حنون خلتكم تسيبوا بعض من 5 سنين. اسر: حنون إلهي تقعي من فوق الكنبة يا حنون يا بت أم حنون دمرت حياتنا في البداية بس حبنا كان أقوى ورجعنا بقى بس انت إزاي عرفت. جاسر: وانت مالك وكمان انت بتشتم حنون ليه. اسر: دمرت حياتنا يا عم يالهوي لو أطولها بس.

قمر: خلاص بقى يا اسر مهما كان حنون الكاتبة برضه. اسر: ما هو ده اللي مصبرني عليها لولا كده كنت قتلتها. أنا بقى لازم أتكلم مش هسكت على إهانتي من اسر. حنون: استنوا كده يا جماعة سيبوني عليه يقتل مين المجنون ده طب ورحمة خالي حسن لأقتلك وأمحيك من الرواية يا اسر يا ابن أم اسر ده بيتحدى حنون قال. جاسر: اهدي كده بس يا حنون. حنون: أهدي إيه يا جاسر مش شايف أبوك خرجني عن شعوري إزاي. اسر: انت بتكلم مين يا جاسر.

جاسر: بكلم حنون يا بابي. اسر: حنون في عينك يلا كول وبطل هبل. وتعالوا نتفرج على فيلم. واسر أخد جاسر وقعده في حضنه وقمر قعدت في حضنه بيتفرجوا على فيلم. اسر: قمري. قمر: اممم. اسر: بحبك يا قمر الصعيد. قمر بضحك: انت لسه فاكر حكاية الصعيد دي. اسر: دي كانت أجمل حاجة حصلتلي. قمر بحب: بعشقك يا عيون قمر الصعيد. اسر: قمري. قمر: اممم. اسر: بحبك يا قمر الصعيد. قمر بضحك: انت لسه فاكر حكاية الصعيد دي. اسر: دي كانت أجمل حاجة حصلتلي.

قمر بحب: بعشقك يا عيون قمر الصعيد.