رواية احببت قمر الصعيد الفصل السادس عشر 16 - بقلم ميرال احمد

رقية: عارفة يا سما أنا مكنتش مطمنة لروحة إيهاب وأحمد عالقاهرة. سما: وأنا كمان، وخايفة عليهم. رقية: إن شاء الله يكون خير. عاوزة أجيبلك حاجة عشان أنا رايحة أنام. سما: لأ، أنا جاية معاكي. رقية وسما راحوا الأوضة فوق وناموا. وبالصبح فاقت سما ولبست هدومها زي ما متعودة ونزلت عشان تساعد قمر بالفطار. كان حازم قاعد مع قمر بالمطبخ وهو حاطط إيده حوالين وسطها ويبوسها. حازم: أنا هستنى كتير.

قمر: حازم ابعد عني عشان سما حتيجي وتساعدني عشان أجهز الفطار. حازم: مش قبل ما أعرف هو حيولد إمتى. قمر: لسه بدري، يلا يا حازم اتصل بإيهاب وأطمن عليه. حازم: أمرك يا قمر. حازم بعد إيده وطلع. ودخلت سما عند قمر وجهزوا الفطار. وبعد مدة وصل إيهاب وأحمد البيت ودخل إيهاب وطلع على أوضته. سما لحقت بيه وهو قفل الباب بنرفزة. سما: انت كويس يا إيهاب؟ إيهاب بنرفزة: لأ، أنا مش كويس خالص. مش عاوز أي حد، اطلعي بره.

كسر كل حاجة كانت بالأوضة. وسما كانت تحاول تهديه بس مفيش فايدة. أخد فازة وكان حيرميها بس سما مسكت إيده. سما: في إيه؟ إيهاب: في إيه؟ انت بتسأل عني ليه؟ أنا مش عاوز أي حد بالأوضة دي، اطلعي بره. ومسك سما من إيدها بقوة وفتح الباب وكان حيطلعها بس وقف وقفل الباب وقعد على السرير. سما أخدت كوباية ماية. سما: خد يا إيهاب، انت حتكون كويس. إيهاب: حكون كويس. أنا جبتها للصعيد تاني، سما. أنا مش عارف حعمل إيه دلوقتي. فين حازم؟

سما: حازم مش عارفة، بس هو كان بالمطبخ. إيهاب: طيب، أنا حرجع. إيهاب طلع من الأوضة وسما مكنتش عارفة حصل إيه معاه. ونزلت واتفاجأت من الست اللي جات البيت وكانت معاها ريهام ولابسة هدوم قصيرة. سما: انت مين؟ سعاد: دي ريهام يا حبيبة قلبي، انت مش كنتي... سما: أه، يعني انت سعاد؟ سعاد: لأ يا حبيبتي، قوليلي ماما سعاد. سما: الله يرحمها أمي، يعني أنا مستحيل أقولك ماما. والجربوعة دي اللي معاك مين؟

أه، أنا عرفت إنك كنت رقاصة، يبقى دي زيك. سعاد: فين ابني عشان يوقفك عند حدودك؟ سما: لأ يا سعاد، إيهاب بيحبني وحيكسر كل حاجة عشاني. ودي نصيحة مني إنك تاخدي الزبالة اللي جايباها معاك وتغوري من هنا. وقبل ما تكلم سما كلامها إيهاب صفعها قدامهم كلهم. سما وعيونها دامعة: إيهاب. إيهاب: اطلعي فوق بقولك. سما: لأ، مش حطلع عشان الست دي كمان لازم تطلع من البيت ده. إيهاب: وأنا مستحيل أطلع أمي من بيتي.

سما: يبقى عاوز مني أنا اطلع من بيتي؟ سما طلعت أوضتها فوق وكانت بتعيط. قمر ورقية لحقوها. دخلت واترمت على السرير. قمر قفلت الباب ورقية عطتها كوباية ماية. رقية: انت بتعيطي ليه؟ سما: مش كفاية اللي عملوه، هو إيه؟ قمر: هو بيحبك بس دي أمه يا سما، يعني لازم يهتم بيها. سما: والجر*بوعة اللي كانت لابسة هدوم قصيرة جاية ليه معاها؟ قمر: يمكن تكون ملهاش حد غير سعاد. سما: …