رواية احببت معاقا عقليا الفصل الثالث 3 - بقلم شروق السيد

شروق بغضب: إيه ده؟ إنت بتقول إيه؟ إزاي يعني؟ إنتوا ضحكتوا عليا أنا وإنتوا، وإنت اللي عامل فيها مجنون ده. والده بحزن: اهدى وافهميني، هو فعلاً دلوقتي مش بعقله. شروق بعدم فهم: آه، بقا دا اللي هو إزاي مجنون بس مش مجنون؟ والده بزهق: اهدى واسمعيني، جاسر اتعرض لصدمة كبيرة ودي اللي خلته يبقى كده. شروق: أيوه، اللي بتقوله ده بيقول إن هو ممكن يرجع طبيعي صح؟

والده بحزن: لفيت على دكاترة كتير بس مكنش بيتجاوب مع حد خالص، إنتِ أول واحدة ياخد عليكي. شروق بفرحة: أحلف؟ وحياة أبوك؟ يعني المتخلف ده ممكن يخف ويبقى عاقل؟ جوزي بقا يصلى العيد؟ بقيت عند جوزي أحلى من بتوع الروايات. والد جاسر بضحك: طيب اقعدي ياهبلة وفهميني هنعمل إيه عشان جاسر يرجع زي الأول تاني. شروق بتوتر: هو أنا ممكن أعرف إيه الصدمة اللي أثرت عليه بالطريقة دي؟ على الأقل عشان أعرف أعالجه. والده بتوتر: هو يعني بصراحة...

آآآه... هو بصي، أنا هحكيلك كل حاجة. جاسر كان متعلق بأمه جداً، هي توفت من خمس سنين بالظبط وجاسر وقتها صحته اتدهورت جامد. بقى يسهر كتير وبيشرب أكتر، لحد ما جه في يوم جالي اتصال بيقول إن ابني اتمسك في بار. روحت وخرجته واتكلمت معاه، بس اللي اكتشفته وقتها إن ابني ضاع مني وقتها. بس دي كل الحكاية. شروق: ده اللي هو إزاي يعني؟ يعني سبب الحالة اللي فيها جاسر هي وفاة مامته؟ والده بتوتر: آآآه، آه هو بالظبط.

شروق بشك: متأكد يا عمي؟ والده: آه طبعاً يا بنتي متأكد، هيكون إيه يعني. شروق: طيب جاسر كان بيشتغل إيه وقتها؟ احكيلي معلومات أكتر عنه. والده: جاسر كان متخرج من كلية الشرطة جديد، كان طايش مكنش بيهمه حد. بس حادثة وفاة والدته أثرت عليه، وكمان المشروب وصلته للحالة اللي هو فيها دي. شروق بشك: تمام يا عمي، ممكن توصلني أوضتي؟ شروق مع نفسها: ياترى إيه اللي وصل جاسر للحالة دي؟

أيوه، ممكن تأثير الصدمة، بس بيكون فترة مؤقتة مش بالطريقة دي. أكيد في حاجة أنا معرفهاش، لازم أعرف الحقيقة. والده: اتفضلي يا بنتي، دي أوضتك. شروق: شكراً يا عمي، بس مين اللي مع جاسر في الصورة دي؟ والده بتوتر: دي، دي... آآآه، كانت. شروق باستغراب: عمي، في إيه مالك؟ أكملت مع نفسها: معقول يكون البنت دي السبب في الحالة اللي وصلها جاسر وتكون حبيبته؟ لا لا مستحيل تكون حبيبته. والده باستغراب: إيه يا بنتي، روحتِ فين؟

شروق: معاك، بس أنا لازم أعرف كل حاجة عن جاسر عشان أحدد أنا هعمل هنا إيه. ......... : عايزة تعرفي إيه؟ شروق بصدمة: إيه الصوت ده؟ طلع منين؟ إيه ده يا عمي؟ إنت بتغير صوتك كده إزاي؟ ولا... ينهار أسود عليا، لأ يكون اتجننت. ......... : عاجبك صوتي أوي كده؟ شروق بصدمة: جااااسر.