رواية احببت معاقا عقليا الفصل الثاني 2 - بقلم شروق السيد

شروق بصدمة: يخربيتك انت إيه اللي جابك هنا. جاسر بطفولة: انتي عروستي صح وهتلعبي معايا. شروق في نفسها: يخربيت حلاوة أمك، إيه ده بس الحلو مبيكملش، طلع مجنون. جاسر بزعل: انتي مش عايزة تكوني عروستي. شروق بحنية: لا ياحبيبي، هكون عروستك، بس إيه رأيك تنزل تلعب تحت لحد لما أنزل. أوك. جاسر بطفولة: بس أنا عايز ألعب معاكي عريس وعروسة. شروق بشهقة: يخربيتك، إنت بتقول إيه، انزل يابني الله يسترِك، انزل ياحبيبي يلا.

جاسر بنبرة غريبة: أنا حبيبيك. شروق بلامبالاة: أيوه، انزل بقا. *** محمود (والد شروق) : يلا ياشروق، المأذون تحت. شروق بضجر: أوووف يارب نخلص. محمود: العروسة موجودة، اكتب ياشيخنا يلا. شروق بجمود: لحظة ياشيخنا، أنا عندي شرط. والد جاسر سريعا: وأنا موافق، كل اللي تطلبيه هيتنفذ. شروق بجمود: بعد كتب الكتاب مفيش فرح، هو كتب الكتاب مع الإشهار، يعني مش هقعد في البيت هنا دقيقة زيادة بعد ما أمضي على الورقة دي.

محمود بزعيق: انتي مجنونة ياشروق ولا إيه. شروق بجمود: ده اللي عندي، موافق هتجوزه ووقتها مش هتشوفني تاني ولا هدخل من باب البيت ده. محمود: أنا عارف راسك ناشفة، مانتي من الحاويين، موافق. شروق بصدمة: إنت مش هتمنعني وكده زي الأفلام، لا معلش عيد من الأول. محمود بضحك: اكتب ياشيخنا يلا. شروق بتمثيل: أهي أهي، بقا كده ياحودة بتبيعني، ماشي، بص يعني بص، أنا ماشية، هية ماشية ومش هتشوفني تاني. محمود: يلا ياشيخنا.

وتم كتب الكتاب وانتهى على جملة المأذون الشهيرة: "بارك الله لكما وبارك وعليكما وجمعا بينكما في خير". جاسر بفرحة طفولية: أهييه، عروستي هتيجي معايا صح، مش هتسبيني أبداً. شروق بدموع: اممم، هاجي معاك. محمود بحزن: أنا آسف، بس لما تعرفي أنا عملت كده ليه هتشكريني. شروق بدموع: هو أنا ينفع أحضنك، حاسة إني عمري مجربت الشعور ده. محمود بإبتسامة: تعالي حببتي.

جاسر بغضب طفولي: لا، عروستي هتحضني أنا بس، مش حد تاني. وجذبها من يدها ولم يدعها تصل لوالدها. شروق باستغراب: إيه يابني في إيه ياربي، هتخلع دراعي ياحبيبي، معنديش غيرة، سبني بقا أوووف. جاسر بتذمر: مش هتحضنيني، هتحضنيني أنا بس، انتي حبيبة جاسر بس صح. شروق: ماشي صح، بس سبني. جاسر بطفولة: أوعديني. شروق: ماشي، وعد، سيب إيدي بقا. وترك يديها. والد جاسر: حقك عليا يابنتي، بس هو... شروق: خلاص ياعمي، محصلش حاجة، يلا نمشي.

وغادروا معا. *** والد جاسر بتوتر: ياشروق يابنتي، أنا كنت عايز أتكلم معاكي شوية بخصوص جاسر. شروق باستغراب: في حاجة مهمة، وبعدين هو راح اختفى من أول موصلنا. والده: شوية وهيجي، بس لازم أتكلم معاكي. شروق: اتفضل. والده: بصراحة، أنا خبيت عليكي موضوع مهم بخصوص جاسر. شروق بقلق: في إيه. والده: بصراحة، جاسر مش مجنون.