رواية احببت معاقا الفصل الخامس 5 - بقلم جنى عبدالنبي

نرمينا بصدمة: أي، طب قولي، طب عرفت منين يا حسام، طب طب هو في مستشفى إيه، طب؟ حسام: انزلي بسرعة، هتلاقي عربية سودة قدامك، اركبيها بسرعة، ههه. نرمينا: حاضر، حاضر. حسام في نفسه: أخيرًا هشفي غليلي منك، وبعدين أنا ما أقدرش أكسر كلمة للباشا، دي فيها موتي، وما أقدرش طبعًا أخلي المعاق ده يتهني بيها. وبعد ما ركبت نرمينا العربية: السواق: بقولك يا عسل، بتحبي البرفيوم؟ نرمينا: آه طبعًا، بس ده علاقته إيه بالموضوع؟

وديني على المستشفى بسرعة الله يخليك. السواق: طب شمي ده بس. نرمينا: مش عاوزة أشم حاجة، ابعد. السواق: هتشمي غصب عنك. وبعد قليل كانت نرمينا قد غابت عن الوعي بفعل المخدر: السواق: غلبتني بس تستاهل بنت الـ... : هل أحضرت الفتاة؟ السواق: نعم سيدي، وأنا في طريقي للمخزن. : أحسنت. في مكان آخر بدأت نرمينا في استعادة وعيها: نرمينا: آه، أنا فين؟ : ما تخافيش، إحنا خدناكي بس عشان غرض وهترجعي مكانك تاني.

نرمينا: ما أنت لو راجل كنت فتحت عيني بدل ما أنت مغميها، شيل البتاعة اللي على عيني دي يا واد وأنا أقوم أديك قلمين يخرسوك. يا عرة الرجالة، يا زبالة، يا معفن. يلا يا موس من غير كومبيوتر. يا طفل من غير سكوتر. يا شاشة من غير عمود. يا لمبة من غير عمود. يا جثة من غير تابوت. يا شجرة من غير توت. يا سراحة من غير مراية. يا مية من غير كوباية. يا أيحة يا تلإيحة. يالي ملكش لازمة. يا رد الرد يا مصطبة من غير هد. يا سور من غير سد.

واللي يصبح بوشك لا يبيع ولا يتسب. يااا. (كنت حافظة تاني بس مش فاكراهم 🙂😂😂) : بس بس، إيه كل ده، بلعة راديو؟ وبعدين إنتي بتشتمي مين؟ نرمينا: حسام. : بس أنا مش حسام. نرمينا بصدمة: احيييه يا بو سوسو. بعد قليل: نرمينا: بقولك يا كابتن، إلا قولي هو فين إكرام المخطوف؟ : إكرام مخطوف إيه؟ نرمينا: يعني حلة محشي كده على صوبعين كفتة، وبعدين تجيب لي بيبسي وكده يعني. : يعني إنتي مخطوفة عشان تاكلي؟

نرمينا: يعني إنتو خاطفيني عشان تجوعوني؟ يعني ده اسمه كلام ده؟ طب. : بت انتي اسكتي، كلتي دماغ أمي، يخربيت رغيك. نرمينا بإستظراف: طب ماسبتش في دماغك حتة للتحلية، طب؟ : أنا ماشي عشان ما موتكيش، واللهي لولا إني جايلي أوامر إني ما أجيش جنبك كنت فرمتك. نرمينا: لا يامي يامي يامي، خاف يا عيد خاف يا عيد، تصدق يا واد اقشعر بدني، لا انتابتني القشعريرة. : أنت يا ابني يلي واقف برة، هاتلها تاكل يمكن تفصل. : أوامرك يا باشا.

في مكان آخر، في شركة المعمري جروب، رن هاتف محمود: محمود: الو، مين؟ مايك: معقول يا رجل، ألم تتعرف على صوتي؟ محمود: معذرة، ولكن لا أجد فرق بين صوتك وصوت الحمار. مايك بغضب: أقسم لك سأجعلك تندم يا محمود على كل ما تفعله، هذا ولقد بدأ العد التنازلي، احترس. و أووه، كدت أنسى، زوجتك العزيزة تبدو أجمل بكثير من الصور. محمود: ماذا فعلت بها؟ أقسم لك إن مسست منها شعرة سأجعلك تندم. مايك: سنرى. واغلق الخط. بعد قليل:

السكرتيرة: مستر محمود، الطرد ده جه لحضرتك. محمود: مين اللي بعته؟ السكرتيرة: الصراحة مش عارفة، بس الطرد فيه C.D. محمود: تمام، امشي انتي. السكرتيرة: أوك. محمود وهو بيحط الـ C.D في الاب توب: محمود بصدمة: نرمينا.