رواية احببت مجنونتي الفصل الثاني 2 - بقلم بشرى شريف

وقفنا لما حنين كانت ماشية على النيل واتخبطت في زين. جيه تاني يوم وحنين كانت بتتمشى على النيل ومرة واحدة اتخبطت في حد. حنين: بوجع...... اه ايه ده حيطة بشرية. وكملت بصدمة: حنين: بصدمة....... انت. زين: بصدمة........ انتي. حنين: بوجع......... اه انت ايه يا بني. زين: اسف يا ستي. حنين: اوكيه بعد اذنك. زين: طب استنى كده انتي اسمك ايه. حنين بصت ليه وقالت: حنين: ليه انت ها تصاحبني.

زين: خالص يا ستي طب دي تاني مرة اقابلك بس لو قابلتك تاني ها تقولي اسمك ايه. حنين بخبث: حنين: اوكيه. زين: اوكيه. وكل واحد مشي، وحنين راحت للبنات في الكلية. حنين: بت بت منك ليها. بشرى بخضة: في ايه يا بت وتروحي فين كده. ريم: كنتي فين يا بنتي. حنين قعدت وقالت: حنين: بس بس انا كنت على النيل. بشرى: حيوانة هو مش احنا بنروح مع بعض. ريم: ماهي جزمة. حنين: بس بس عايزة اقول ليكوا. ريم: ارغي.

حنين: مش انا قابلت الواد المز اللي انقذني. بشرى: اوبا وعملتي ايه. حنين حكت كل حاجة. ريم: طب قولتي له اسمك. حنين: لا طبعاً بس لو قابلنا بعض تاني هقوله اسمي. بشرى: اه طب ايه بقى. ريم: ما تيجي نروح الملاهي. بشرى: اشطا بس بعد المحاضرة. حنين: اه يا اختي اهم حاجة مستقبلنا. ريم: اه بس هي مش كان اسمها اختي. بشرى: لوكل. حنين: عوكل يا اختي عوكل. بشرى وريم وحنين ضحكوا. وفي شركة زين وتحديداً في مكتبه. ياسين: مالك يا بني.

زين: مافيش مايا عايزة اني اروح اتقدم ليها. سندس: بلاش بقى. زين: طب ها افكر. عمر بصدمة: بتهزر انت ها تفكر فعلاً. زين: اه في ايه. شريف: اصل كل لما نقول ليك كده بتزعق. زين: لا ها افكر. يلا كل واحد على شغله. الكل: ماشي. وخرجوا وزين قعد يفكر في حنين. وعدى اليوم وجه بالليل وكان اليوم ده عمر معزوم على الغدا عند شريف وفعلاً اتغدوا وبعد ما خلصوا اكل والكل قعدوا في الفرندة وبعد وقت من الضحك والهزار فون بشرى رن. بشرى: الو.

الشخص: مالك بتكلميني كده ليه. بشرى: عايز ايه. الشخص: طب ادخلي الاوضة بتاعتي. بشرى: ليه. الشخص: عايز اقول ليكي حاجة مهمة. بشرى: اوكيه. وقامت ودخلت واول ما دخلت الباب اتقفل وبشرى اتخضت وبصت لقيت الشخص اللي بيكلمها وجريت عليه حضنته. قاسم وهو بيشلها: عاملة ايه يا قلبي. بشرى: الحمد لله. قاسم: طب البسي وانا هستناكي هنا. بشرى: هوا. ودخلت الحمام وبعد وقت خرجت وهي لابسة. بشرى: يلا انا جاهزة. قاسم: اشطا يلا.

وخرجوا وبشرى راحت الفرندة. سناء: انتي رايحة فين كده. بشرى: رايحة مشوار مهم يا سوسو. سناء: دلوقتي. بشرى: معلش بقى يا سوسو. سناء: طب خدي معاكي شريف. بشرى: لا لا انا معايا حد ثقة. سناء: مين. وهنا طلع قاسم من ورا الحيطة. قاسم: انا يا سوسو. الكل بص ليه بستغراب. سناء قامت حضنته. سناء بحب: وحشني يا قاسم كل ده في المهمة. قاسم بحب: معلش يا امي اهم حاجة انتي عاملة ايه.

سناء: الحمد لله يا قلبي صح هو انت جيت ازاي يعني دخلت الفيلا ازاي. قاسم وهو بيغمز لها: عيب عليكي. سناء: ايوه يعني عملت ايه انا ماسمعتش صوت جرس. قاسم: نحن نختلف عن الاخرين انا جيت من البلكونة. سناء ضربته على قفاه وقالت: حرامي هو انت حرامي عشان تيجي من البلكونة. قاسم: الله بقى ما ده الطبيعي والمفروض انتي عارفة الصبح بقبض على تجار السلاح وكده وبالليل شغال حرامي. بشرى ضحكت. سناء: انا ها اغلب معاكم روحوا وما تتاخروش.

بشرى: اوكيه يا مامي يلا يا برنس. قاسم: انتي يا بت هو مين اللي علمك الكلام ده. بشرى: وانت مالك. قاسم: ماشي ماشي بس ياريت تبعدي عن اللي بيعلمك الكلام ده. بشرى: اه ان شاء الله. حنين: يلا يا بنت المحظوظة ها تخرجي. بشرى: نقي نقي عشان شوية و نرجع. قاسم: بصي لو العربية باظت ها نخرج برضوا. بشرى: ليه. قاسم: في حاجة مهمة لازم اجيبها وانتي اللي ها تعرفي تجيبهالي. بشرى: اوكيه يلا. وخرجوا وسناء قعدت. استووووب بقى نتعرف على دول.

سناء ام بشرى، وعلى الله يرحمه بتحب بنتها قوي عندها 47 سنة، عيونها بني، شعرها بني قصير، بشرتها بيضاء. قاسم اخو بشرى في الرضاعة عنده 23 سنة، بيحب بشرى قوي، مجنون زيها وهو وهي بيجننوا سناء، وابوه سافر من هو صغير ومامته ماتت واخته اللي كان بيعتبرها مامته اللي هي مريم ماتت وكمان صاحب عمره اللي هو علي مات، مش ناقص غير سناء وبشرى. عيونها زرقاء، شعرها بني، بشرتها بيضاء. نرجع للقصة. علا: انتي وافقتي كده عادي.

سناء: اه بشرى وقاسم عمرهم ما بعدوا عن بعض غير في المدرسة ولما دخل شرطة وفترة بس قاسم ديما هو وبشرى مجانين حتى وهما بيتخانقوا يعني الفترة اللي انتوا شوفتوا قاسم فيها كان بيعامل بشرى إزاي وهي كمان هنا كانوا متخانقين خناقة كبيرة وفترة كبيرة وده طبعاً بسبب حاجة مجنونة زيهم. حنين بضحك: اه عارفة. شريف بفضول وغيظ: ايه.

سناء: الخناقة كانت يوم الفرح بسبب ان بشرى كانت عايزة تتصور الأول مع علي ومريم بس قاسم رفض واتصور هو ومن هنا بدأت الخناقة وطبعاً كان في جنان كانوا كل شوية خناق على أتفه الأسباب زي كده حنين وعمر بس بقى هم الجنان أكبر وكانوا رافضين يتصالحوا. حنين بضحك: اه وبشرى ديما كانت بتشتم فيه. عمر بغيظ: اه تمام. أما عند بشرى وقاسم كانوا في محل دهب. بشرى: احنا هنا ليه.

قاسم: بصي يا ستي في واحدة معايا في الشغل وبكرة عيد ميلادها وعايز اجيب ليها حاجة حلوة كده. بشرى: اه ومين دي يا نمس. قاسم بضحك: نمس ماشي يا ستي دي بقى واحدة معايا في الشغل بس مجنونة قوي والله. بشرى: اشطا ها جي معاك بكرة. قاسم: اوكيه يلا بس نقي حاجة. بشرى: ده رقيق قوي وشكله حلو جدا. قاسم: فعلاً طب ها ناخد ده. وبعد وقت خلصوا ومشوا وجه تاني يوم وبشرى راحت مع قاسم عيد الميلاد ودخلوا. بشرى بخجل: ما تيجي نمشي. قاسم: طب نسلم.

بشرى: نسلم ونمشي. قاسم: مالك يا بت. بشرى: ما انت عارف اني بخاف من الأماكن الجديدة. وهنا قربت منهم بنت اسمها شهد. قاسم: كل سنة وانتي طيبة يا شهد. شهد: وانتي طيب وشكرا. قاسم: على ايه دي هدية بسيطة. شهد: مين دي خطيبتك. بشرى: اه. شهد: لايقين على بعض. قاسم: اممم ماشي يا ستي دي بشرى. شهد: بجد انتي بشرى ده بيحكي عنك كتير. بشرى: بالخير ولا بالشر. قاسم: والله بالخير هو انا اقدر احكي غير بالخير.

شهد: لا لا بالخير بس بجد انتوا لايقين على بعض انا لو ما كنتش عارفة انكم اخوات كنت قلت انك مراته. بشرى بصت ل قاسم وهي مضيقة عينها. قاسم: احم احم. شهد: تعالي معايا يا بشرى. بشرى: لا لا عشان تقعدي مع صحابك. شهد: لا انا ما عنديش صحاب تعالي. بشرى: اوك. وراحت معاها. استووووب نتعرف على اخر بطلة.

شهد خالد ضابطة، هي بنت مجنونة ومش باين انها ضابطة، هي دخلت الكلية دي عشان الانتقام لباباها لأنه كان ضابط ودخل عملية واتقتل في العملية دي غدر وهي عايزة تنتقم. نرجع للقصة. الحفلة كانت شكلها إنها لطفلة مش بنت كبيرة وشكل شهد كأنها بنت في ثانوي مش بنت كبيرة وكمان ضابطة. وعدى أسبوع وفي الأسبوع ده الثلاث بنات مجانين العيلة، بشرى وشهد بقوا أصحاب. وفي يوم الثلاث بنات كانوا بيمشوا على النيل وكان زين كمان بيتمشى واتقابلوا.

زين: اسمك ايه بقى. حنين بغيظ: وانت مالك. زين بغيظ: فيها إيه لما تقولي اسمك هو مش دا الاتفاق. حنين بغيظ: يا عم انا مش عايزة. زين بغيظ: على راحتك. ومشي زين. بشرى: إيه دا يا اختي. ريم: إيه القمر ده يا بت. بشرى: لا عيب كده يا بت لتكوني بتغيري. حنين: بس يا بت منك ليها. وعدى اليوم وجه تاني يوم والبنات راحوا الجامعة عشان يشوفوا ها يتدربوا فين وراحوا للعميد. العميد: بصوا انتوا التلاتة ها تروحوا شركة Design cool.

حنين: إيه دا دي شركة أخويا. العميد بتعب: ما أنا عارف أنا خلتكم هناك ومع بعض عشان هو يكون مسؤول عنكم أنا مش ناقص تروح شركة تانية كل شوية حد يشتكي منكم فهو يكون شايل المسئولية بتاعتكم وتنجحوا بقى. ريم: ليه هو انت كنت هتخلي كل واحدة منا في مكان. العميد بتعب: هو دا اللي انتي أخدتي من الموضوع. بشرى: وبعدين اللي يسمعك يقول إننا هنا بقى لنا كتير وبنسقط ده إحنا كل سنة بننجح ومن الأوائل. العميد: اه بس انتوا مش وش شغل.

حنين: شكرا شكرا يلا يا بنات. وطلعوا وهم بيضحكوا على اللي عملوه في العميد وروحوا البيت واستنوا لما شريف رجع هو وعمر وكانت ريم كمان هناك هي ومامتها. حنين: شيفو مش إحنا ها نشتغل معاكم. عمر وشريف: نعم. بشرى: في إيه العميد قال إننا ها نكون معاكم. شريف: لا طبعاً أنا أخوكم وممكن أنجحكم. ريم: ما هو دا المطلوب. عمر: إزاي.

حنين: بصوا العميد قال إنكم أحسن لأن محدش فيكم ها يتصل يشتكي مننا لأنك أخويا وكمان ها تنجحنا عشان نعدي السنة دي. شريف وعمر: عنده حق. بشرى: فككوا أهم حاجة إننا ها نروح بكرة. شريف بغيظ: ربنا يستر. ريم: تعالوا نشوف ها نعمل إيه. ودخلوا وعدى اليوم وشريف خد حنين وراحوا وبشرى قالت إنها ها تروح مع ريم اللي كانت رافضة تروح مع شريف. وشريف وحنين وصلوا وطلعوا. شريف: حنين استني هنا. حنين: حاضر. شريف: حنين أوعي تتحركي.

حنين: الله حاضر بقى. شريف: ربنا يستر. ومشي وبعد خمس دقايق حنين سكتت لا طبعاً واتمشت في المكان لحد لما وصلت عند باب كبير وفتحته ودخلت. زين بغضب: انتي إزاي تدخلي كدا. زين بصدمة: انتي. حنين بصدمة: انت.