رواية احببت مجرما الفصل السابع عشر 17 - بقلم روان ابراهيم

ملاك بسعادة: حازم! لكنها لم تكمل جملتها عندما رأت إنچي على قدم حازم وتطعمه في فمه. إنچي بدلع: كل يا بيبي، شكل مراتك مش مهتمية بأكلك. حازم بنفور: قومي يا إنچي وبلاش حركاتك القذرة دي. ثم ركض خلف ملاك الباكية. حازم بلهفة: ملاك، ملاك! اسمعي، يا ملاك استني. ثم أمسكها من يدها. ملاك ببكاء وهي تبعده: شيل إيدك يا حازم وروح كمل فطارك معاها. حازم وهو يحتضنها: بس يا هبلة، أروح أفطر معاها وملاك موجودة؟ هو دا ينفع برضه.

ملاك تبعده بشدة: أبعد يا حازم، أنا طالعة أنام وأنت كمل كلامك مع إنچي هانم. لكن حازم حملها مُتجهًا لغرفة الطعام. ملاك بصوت مرتفع: نزلني يا حازم، نزلنااااااااي. حازم بنظرة أسكتتها: مسمعش صوتك. ملاك بخوف بسيط: حاضر، سكت. عند إنچي: إنچي بِغل: بقا أنت تبعدني علشان واحدة زي دي يا حازم؟ دا أنا اللي مفيش راجل بيشوفني إلا لما يبقا ملهوف عليا. تيجي أنت وتبعدني عنك علشان عيلة زي دي؟

ولا بتفهم في اللبس ولا أي حاجة. كويس أوي إن أنا شوفتها وهي نازلة وروحت قعدت على رجل حازم علشان لازم تعرف إن حازم لإنچي ومحدش هيشاركها فيه. توقفت عن حديثها عند رؤيتها حازم يحمل ملاك وقادمًا نحوها. حازم بحاجب مرفوع: مالك يا إنچي؟ وشك جاب ألوان كدا ليه؟ إيه أول مرة تشوفي راجل شايل مراته؟ إنچي بغضب خفي: أكيد لاء يا حزومتي، ما أنت كنت بتشيلني قبل كدا فمجتش عليها. نظر حازم لملاك وجدها حزينة، لذلك:

حازم بتحدي: يوم ما شيلتك كنتي تعبانة يا إنچي، ولا نسيتي لما حالتك كانت خطيرة لما جيبتي أكل من برا وجالك حالة تسمم؟ فاضطريت أشيلك. لكن دلوقتي أنا شايل مراتي علشان تاكل جنبي. ضحكت ملاك بصوت مرتفع إلى حد ما لذلك الحوار القائم بين حازم وإنچي. حازم وهو يقترب من ملاك السعيدة: مبسوطة انتي كدا صح؟ ملاك بطفولة وضحك: اه صح. ثم ضحكت. إنچي بغل لنفسها: لما نشوف آخرتها مع الهانم اللي واكلة عاقله دي.

وأجلس حازم بجانبه الأيمن ملاك، وجلست إنچي أمامها. إنچي لحازم بدلع: ألا قولي يا حزومتي، أتجوزت فين وأزاي وأمتى وليه؟ معرفتش حد. حازم دون أن يعيرها اهتمام: أظن التفاصيل دي متخصكيش في حاجة. ثم لاحظ دموع من عين ملاك فأمسك يديها قبلها. ملاك وهي تسحب يدها وبخجل: احم، بس يا حازم. حازم بحنان: عنيا يا ملوكة. صحيح، نسيت أقولك إن الفستان حلو أوي عليكي. ملاك وهي تقف وتلف بفستانها: بجد يا حازم حلو عليا؟

حازم وهو يقبل يديها: كفاية إنك لابساه. ملاك بخجل وهي تبتعد: شكرا يا حازم، زوقك حلو أوي في الدريسات. إنچي بصدمة جعلتها تسعل: حا، حازم هو اللي جابلك الدريس؟ ملاك بثقة: أيوا طبعًا، حازم اللي جابهولي. حازم لملاك بحنان: لو أكلتي يا ملاك، فيلا بينا نروح مشوار. ملاك وهي تنهض: الحمدلله شبعت، يلا بينا. إنچي بفضول: حازم، أنتوا رايحين فين؟ لم يعيرها حازم أي انتباه وانطلق مع ملاك إلى... في أحد المولات الكبيرة:

حازم ببسمة: يلا يا ملاك، أنا عايزك تجيبي كل اللي نفسك فيه. ملاك بسعادة: هتختار معايا يا حازم؟ وظل حازم يختار أرقى الملابس لتلك الصغيرة بمختلف الألوان والأنواع، وبعض الملابس الطفولية التي جذبت انتباه ملاك بشدة، ثم خرجوا من المول و... خارج المول: ملاك بسعادة بالغة: أنا فرحانة أوي يا حازم، بس أنت جبتلي هدوم كتير أوووي وصرفت عليا كتير برضو، أردلك كل دا أزاي بقاا؟

حازم بحنان: مفيش حاجة تكتر عليكي يا ملاك، وبعدين فلوسي دي كلها ليكي. يعني أنتي أتمني وأنا أجيب، وترديلي كل دا بإنك تجتهدي في دراستك، اتفقنا؟ ملاك بفرحة: اتفقنا. ثم ضحكوا، وركبوا السيارة وفي طريقهم للقصر، ولكن... في الطريق: رأت ملاك محل آيس كريم وشردت معه، ولكن لاحظ حازم ذلك الشرود و... حازم ببسمة: بتحبي الآيس كريم يا ملاك؟ ملاك بطفولة: بحبه جدًا يا حازم، كنت بروح أنا وبابي ناكل آيس كريم مع بعض.

حازم بحنان: إيه رأيك تاكلي آيس كريم معايا أنا بقى؟ ملاك بتعجب: أنت هتاكل آيس كريم بجد؟! حازم بتأكيد: أيوا بجد، فيها إيه يعني؟ المهم تبقي مبسوطة. حازم للسائق: عم عبدو، اقف على جنب. وقفت سيارة حازم وسيارة الحرس خلفه. حازم لملاك: ملاك، خليكي انتي هنا وأنا هقول لفاروق يجيب الحاجة. ملاك باعتراض: لالالالا يا حازم، أنا بحب أجيب الآيس كريم بنفسي، تعالى ننزل سوا. حازم باعتراض: مينفعش يا ملاك.

ملاك بوجه طفولي: حازم بليز، مترفضش الطلب دا، خلاص خليك أنت هنا وأنا هروح أجيب الحاجة. حازم بقلق: لاء، مفيش نزول لوحدك. يلا بينا، أنا جاي معاكي. نزل حازم وملاك من السيارة، ونزل من سيارة الحرس فاروق. فاروق لحازم: خير يا حازم باشا، تؤمرني بحاجة؟ حازم بحمحمة: احم، لاء يا فاروق، ارجع أنت العربية وأنا هجيب مع ملاك هانم حاجات. فاروق بأدب: حازم باشا، ممكن دقيقة على جنب. حازم بتعجب: خير يا فاروق.

فاروق بهدوء: خير يا باشا، موضوع بسيط محتاج حضرتك فيه. حازم لملاك: اركبي العربية، هشوفه وأجيلك. ملاك: حاضر، متتأخرش. حازم ببسمة: حاضر يا ملاك. ثم بعد عن السيارة و... حازم بشك: خير يا فاروق؟ وشك دا مش مطمن. فاروق: ...... حازم بصدمة: أنت بتقول ايييه؟!