رواية احببت مختمره الفصل الأول 1 - بقلم هايدي

عند فهد: يابنى بطل الهباب اللي بتشربوا ده، ده أنت ظابط. فهد: ياحج فكك، وبعدين أنا وصحابي نازلين بالليل، تيجي؟ سليم: يابني بطل بقى، هتتعب والله. فهد: في شوية بنات جايين يا حج، هتندم لو مجتش. زهرة: بغيره على سليم: فهد اتلم. سليم ضحك. فهد: أيوه يا حاجة، بتغيري صح؟ زهرة: اسكت يااض. فهد ضحك ونزل. زهرة: أنا نازلة المدرسة، عايز حاجة يا سليم؟ سليم: تسلمي، أنا نازل الشركة. عايزة حاجة؟ زهرة: لا تسلم. زهرة نزلت مدرستها.

هايدي صحيت الصبح، صلت ولبست خمارها على دريس واسع لايق مع ملامحها. هايدي: ماما، عايزة حاجة؟ يا حبيبتي، أنا نازلة، سما مستنياني. رحمة: تسلمي يا حبيبتي، روحي. وأنا راحة المدرسة. هايدي راحت باست إيديها ونزلت. رحمة نزلت مدرستها. سما: أي يابت، كل ده تأخير؟ هايدي: معلش والله، على ما لبست بس. سما: في حوار. هايدي: أي تاااني؟ سما: هو نفس الحوار، الواد هارون. هايدي: عايز أي سي زفت. سما: يا وليه، بيحبك.

هايدي بعصبية ووشها أحمر: قولتلك مليون مرة، أنا مليش في الكلام الفارغ ده، أنا مبحبش حد. واللي بيحب حد بيخبط على الباب، مش يخش من الشباك. سما: يا عيلة فقرية، بذمتك مش عايزة تتجوزي؟ هايدي: لو الجواز بالطريقة دي مش عايزة. واخرسي بقى. سما سكتت وهي بتكتم ضحكتها على صحبتها اللي بتستفز بسهولة. راحوا الجامعة. راحوا وحضروا المحاضرة ونزلوا. وخرجوا وبقوا يتمشوا. هارون كان ماشي وراها. هارون: هايدي. هايدي مردتش.

هارون مسكها ولفها ليه. هارون: ردي علياااا. هايدي بزعيق: أنت إزاي تلمسني كده أصلاً! أنت اتهبلت ولا إيه؟ هارون: أنا بحبك. هايدي: وأنا مبحبكش، افهم بقى. هارون مسكها جامد. هارون: وأنا مش هسيبك النهارده. هايدي بصويت: ابعد عني. الناس كلها اتلمت. فهد كان معدي. فهد دخل الخناقة وزق هارون جامد. فهد: أنت شايف نفسك راجل، هان عشان تمسك بنت في الشارع؟ هارون: طب اخرج منها أنت يا نجم، متخصكش.

فهد: يعني إيه، أقولك دي عمتي، ابعد عنها بقى. هارون: طب خطيبتي، متخصكش. سما: كداااب، مش خطيبته. فهد: تمام أوي. وضربوا بوكس في وشه. هارون جرى. فهد بصوت عالي: خلاص يا جماعة، كل واحد يروح لحاله، فضيناها. كل الناس مشيت. هايدي بتوتر وعياط: أنا... شكراً، والله شكراً جداً، مش عارفة أقولك إيه. فهد: عادي، ولا يهمك، أنتِ زي أختي. هايدي ابتسمت. فهد: أنا اسمي فهد، ودي شركتي. وشاور على شركته وكانت كبيرة أوي. هايدي: ما شاء الله.

فهد بابتسامة: لو الجبان ده عملك حاجة تاني، خشلي. هايدي: إن شاء الله. فهد مد إيده يسلم عليها. هايدي بكسوف: احم، مبسلمش. فهد عمل إنه بيعدل شعره. فهد بحمحمة: احم، عادي. هايدي ابتسمت ومشيت. روحت ومفكرتش فيه أصلًا. رحمة: أعملك تاكلي يا حبيبتي؟ هايدي: لا يا ماما، تسلمي. هايدي دخلت نامت. عند فهد وصحابه في مكان فيه أغاني وشرب وبنات كتير. بلال صاحب فهد: أي يااض، سرحان في إيه؟ فهد: في بت شوفتها ياض يا بلال، طالعة من عيني.

بلال: بقى كل ده ومش مكفيك؟ فهد: ياعم اكتم. بلال: طب ما تجيبها نتعرف عليها. فهد: ياسطا مش بتسلم، اتوكس بقى، مش عارف أوقعها إزاي. بلال: اهاااا، أنت عايز واحدة متدينة وتيجي هنا، ياعم ده عشم إبليس في الجنة. فهد: مش هجبها هنا، بس عايزها تكلمني على الأقل. بلال: طب اشرب يا خويا، اشرب واستمتع باللي معاك. فهد: ماشي يا خويا. فهد روح. تانى يوم.

رحمة: هايدي، خلصي كليتك وتعاليلي المدرسة علشان هكون جايبة حاجات من السوق يا حبيبتي ومش هقدر أروح لوحدي بيهم، وإخواتك مش راضيين يجوا. هايدي: ماشي يا ماما، هتلاقيني عندك. رحمة: ربنا يجبر بخاطرك يا بنتي. هايدي ابتسمت وباست إيديها ونزلت. ومامتها نزلت المدرسة. في بيت العمرى. زهرة: واد يافهد. فهد: ايييه. زهرة: تعالى ليا المدرسة، زي ما اتفقنا، علشان تشوف بنت المدرسة بتاعتي وتتجوز وتخلص. فهد: افففف، حاااضر.

زهرة راحت المدرسة، وفهد راح وقف قدام كلية هايدي بيتمنى يشوفها تاني، بس مشافهاش. هايدي: بت ياسما، أنا راحة المدرسة، عايزة حاجة؟ سما: لا يا أوختي، ربنا معاكي. هايدي ودعتها وراحت المدرسة. في نفس الوقت كان فهد رايح. فهد قابلها على السلم. فهد: الله الله الله الله، أخيراً شوفتك تاني. هايدي ابتسمت ببرودها. هايدي: معلش، هو أنت هتصاحبني؟ مكنش موقف هو. فهد بتوتر: أنا مكنتش أقصد يعني... هايدي: أفندم، عايز حاجة؟

فهد: لا مش عايز حاجة، جايه أشوف عروسة، رايحة تشوفي عريس أنتِ كمان ولا إيه؟ هايدي: نعم؟ فهد: ولا حاجة. هايدي طلعت وهي بتنفخ من الغيظ. زهرة: أهلاً بحبيبت طنط. هايدي ضحكت وراحت سلمت عليها. فهد: هي دي العروسة ولا إيه؟ هايدي: أفندم؟ زهرة: اكتم ياض، دي لسه صغننة، العروسة هناك أهي، ألقي نظرة. فهد: هي بضاعة؟ ألقي نظرة؟ منك لله يما، أنا كنت فرحت. زهرة فهمت قصد ابنها، بس هايدي مفهمتش. هايدي بصوت هادي: ماما فين يا طنط زهرة؟

زهرة: مامتك أهي يا حبيبتي، خشي ليها. هايدي دخلت باست إيد رحمة وشالت منها الحاجة وروحت. زهرة: ها، إيه رأيك؟ فهد: قرف يا ست الكل، سلاموا عليكوا. وطلع يجري. زهرة: يافهد! الكل روح. فهد نزل سهره. سليم: زهرة، أنا تعبت من الواد ده. زهرة: استهدى بالله بس، إن شاء الله يتعدل. سليم: لا مش هقدر استحمل، أنا هطرده يا زهرة. زهرة: بصوت عالي: لا يابابا، يهون عليك؟ فهد: مهيتاب: ب همس وغرور وغيره: ما تسيبوا يطردوا، أنت هتخسر إيه؟

سالم: اكتمي خاص. سليم: أنا قولت كلمة خلاص.