رواية احببت مختمره الفصل الثاني 2 - بقلم هايدي

في آخر اليوم، كان فهد شارب وحالته متبهدلة. سليم: فهد يابني، أنا ناصحتك كتير وأنت مفيش فايدة. فهد: أيوه أعمل إيه. سليم: يعني ملكش قعاد هنا، فاهم. فهد اتصدم. فهد: بس يابابا... سليم: بلا بابا بلا زفت، اتفضل لم هدومك وامشي من هنا. زهرة كانت منهارة من العياط. فهد دخل يلم هدومه وهو مخنوق. فهد خد شنطته ونزل. فهد كلم بلال. بلال: إيه ياسطا. فهد: أبويا طردني ياسطا. هاجي عندك عقبال ما أشوف مخروبة أقعد فيها. بلال: تنور ياسطا.

فهد راحله ولبس وقعد على السرير. فهد: شكراً ياض يابلال. بلال: بيتي بيتك ياسطا. فهد: هيحححح، البت وحشتني. بلال: أنهي واحدة. فهد اتعدل. فهد: عارف أنا برغم كل البنات اللي أعرفهم، بس هي دي اللي دخلت قلبي ودماغي بجد. بلال: مين يا عم الحبيب. فهد: حوريه، دي أقل ما يقال إنها حوريه. بلال: مين حوريه دي. فهد: يازفت! ما اسمهاش حوريه، أنا بوصفها. تصدق إنك عيل فصيل. غور نام. وضربه بالمخدة ولف ينام. بلال بقى يضحك.

فهد لما لف، بقى سرحان فيها ويتخيلها معاه ونام في الآخر. تاني يوم. هايدي قامت صلت ولبست. ملك: إيه يا زفتة. هايدي: يا بت! جنى: تعالي يابت قوليلي روتين وشك. هايدي: الوضوء يازفتة. غوروا بقى ورايا جامعة. ملك: بزمتك دي معاملة أخواتك. هايدي بضحك: دي طريقتي. ملك وجنى ضحكوا. هايدي سلمت عليهم ونزلت. سما: نفس التأخير. هايدي: بس مش ناقصه وجع دماغ. سما: يلا ياختي. هايدي ضحكت ومشوا. كانوا قاعدين في المدرج.

هايدي كانت قاعدة بترغي هي وسما ومش مهتمين للدكتور. هايدي: كلية الطب دي تشل. صوت من وراها: ودخلتيها ليه. هايدي برقت. سما بقت مبرقة وفاتحة بقها. هايدي لفت لقت الدكتور في وشها. هايدي: والله المجموع يا دكتور. الدكتور: بترغي حضرتك. تقدر تقولي أنا كنت بقول إيه. هايدي: بتتكلم في التشريح. الدكتور: أيوه، بقول إيه. هايدي: ها. الدكتور: اتفضلوا برا. هايدي: بس يادكتور... الدكتور بمقاطعة: برا. سما سحبت هايدي وخرجت. سما: فكك يابت.

هايدي بقت تعيط. سما: ما أنتي دحيحة. أول مرة تطردي. جاية 99 وداخلة طب. هايدي: على أساس أنتي داخلة إيه. سما ضحكت وشدتها. هايدي روحت وهي متضايقة. هايدي بصويت: هو مفيش يوم أصبّح بوشكوا غير لما يحصل مصيبة. ملك وجنى ضحكوا. هايدي دخلت خدت دش وبقت تصلي وعملت قطتين كيوت في شعرها ولبست تيشرت طفولي عليه ميكي ماوس. مراد دخل بحنيته المعتادة. مراد ضمها وباس راسها. هايدي: ميرو. مراد: يابت اتلمي، اسمي أبيه ميرو. هايدي ضحكت.

مراد: ها ياست الكل، أجيبلك إيه النهارده. هايدي: شيبسي وبيبسي وآيس كريم. أهم حاجة الآيس كريم. مراد ضحك. مراد: عيوني ياست الكل. مراد نزل يجيب الحاجة. عدى وقت طويل والباب خبط. هايدي قامت تفتح بشعرها متذكرة إنه مراد، لأن مفيش حد بيجلهم، حتى عيلتها مبتجيش لهم وفيه مشاكل بينهم. هايدي لقت فهد في وشها. هايدي صوتت وقفلت في وشه. فهد: افتحي بسرعة، أخوكي عامل حادثة. Flash Back. مراد كان نازل على باب البيت وعربية جت خبطته.

وكان فهد بيدور على شقة أو فيلا وكان يتجول وشافوا. ولا يوجد في الشارع سوى مراد وفهد والشخص اللي خبطه مشي. فهد جرى عليه. فهد: أنت كويس؟ فيك حاجة؟ مراد: لا، بس دي شقة ماما وشقتي مطلة. نادى أي حد. فهد طلع وخبط. Back. هايدي صوتت. رحمة: في إيه. هايدي بانهيار: مراد عمل حادثة ياماما. رحمة وملك وجنى وهايدي وسلمى جريوا. فهد: أنا جاي معاكوا. وسند مراد حطوه في العربية. كلهم ركبوا مع فهد ومراد. سلمى: حبيبي قووم. مراد ضمها.

مراد: أنا كويس ياسلمى. سلمى: متسبنيش. مراد: اهدى ياسلمى. فهد ساق وهو بيشكر الصدفة ومراد واللي خبط مراد، إنه عرف بيتها أخيراً. وصلوا المستشفى. فهد نزل سنده ودخلوا للدكتور. والدكتور بقى يجبّص له إيده. رحمة: حد يروح يشكر الشخص ده. محدش رد على رحمة. هايدي راحتله لأنه كان بعيد. هايدي: اا.. أنا بشكرك جداً بجد على اللي عملته. فهد: أنا معملتش حاجة، ده واجبي. هايدي: تقدر تروح.

فهد: وأسيبكوا تروحوا لوحدكوا في نص الليل من غير حد؟ طب وهتروحوا إزاي؟ فين أخلاق الراجل المصري الأصيل. هايدي ابتسمت. بلال كلموه. بلال: هنسهر مع شروق، هتيجي. هايدي سمعت ووشها اتغير. فهد: شروق الصباح. بحب لما الشمس تشرق أوي. ماشي، هاجي يابلال. وقفل في وشها. هايدي ضحكت غصب عنها. فهد: ضحكتك حلوة أوي. هايدي بابتسامة هادية: شكراً، ده من ذوقك. فهد: بتحبي الشروق زي؟ هايدي: جداً. فهد ضحك. هايدي مشيت بعيد. فهد كلم بلال.

فهد: منك لله ياشيخ. بلال: مني لله عشان بكلمك. فهد: البت كانت واقفة معايا. بلال: بت مين، من غيري. فهد: يازفت، اللي هي متدينة. بلال: متدينة وخرجت معاك. فهد: يازفت، حادثة. وبقى يحكيلهم. بلال: أهاا، طب هتيجي ولا إيه. فهد: هروحهم وأجيلك. فهد خدّم وروحهم وطلع لبلال. بلال بصوت عالي من المزيكا: أول مرة أشوف حد بيحب ويجي يسهر مع بنات. فهد بنفس الصوت: اللي هناك ترضي القلب، ودول يرضوا العين. فهد وبلال بقوا يضحكوا. روحوا وناموا.

تاني يوم بدري عند هايدي لقت الباب بيرزع. ياترى مين اللي بيرزع وهيحصل إيه والنصيب كاتب إيه... يتبع. انتظروا الفصل الجاي، تفاعل كتير بقى عشان أنزل البارت اللي بعده. وبس بحبكم يابطابيط.