رواية احببت ملاكي الفصل الأول 1 - بقلم ملك يسري

في ميتم للبنات، الساعة 6 صباحًا. الجميع نائم. رن الجرس. نهى: يووووووووووه. لي كدا طيب؟ عايزة أناااام. ملاك: قومي يا كسولة. نهى: نفسي أعرف انتي إزاي كدا. ملاك بضحك: كدا إزاي معلش؟ نهى: بتنامي متأخر وبتصحي بدري وانتي نشيطة. ملاك: عينك دي اللي هتجيبنا ورا. نهى: لي يا بت؟ دا أنا حتى عيوني عسلي وقمر. ملاك: طب يلا قومي علشان ماما رحاب زمانها جاية. نهى: اشطا. وسعي.

ملاك بنت طيبة وهادية خالص، عندها 17 سنة. شعرها أسود، وسط، عيونها بني عادي، قمحاوية. بنت بسيطة في كل ملامحها وتصرفاتها. يتيمة الأب، أمها رمتها في الملجأ واتجوزت بعد موت أبوها بأربع أيام.

نهى بنت شقية، بتحب مش بتحب الهدوء خالص. مش بتعرف تسكت، عندها 16 سنة. مصيبة من مصايب الزمن، بتتخانق مع دبان وشها. عشان كدا مفيش بنت بتحب تتخانق معاها على قد كدا. طيبة وتتحب، وكل بنات الملجأ بيحبوها جدا. عيونها عسلي، شعرها بني طويل، قمحاوية. غمازة بسيطة في الخد الشمال. بتحب ملاك جدا. عمها جابها الميتم بعد موت أمها وأبوها. رحاب ست كبيرة وطيبة، مديرة الملجأ. البنات بيحبوها وهي بتحبهم. عندها 56 سنة. رحاب بابتسامة:

اجمعوا يا بنات. ملاك: خير يا ماما. رحاب: خير يا قلب ماما. نهى: رحوب يا عسل، وحشاني. رحاب بضحك: يا بت اتلمي، احترمي السن. نهى: فشششر. دا انتي عايزة عريس. ملاك بضحك: ها يا ماما، البنات اتجمعوا. رحاب بجدية: بصوا بقاا. أولاً فيه ينوتة جديدة هتنورنا. ادخلي يا شرين. شرين بدموع: هاي. ملاك وحضنتها: لأ الدموع دي لأ. أوعي تنزلي تاني. إحنا هنا أخواتك. شرين بدموع: شكرا ليكي. نهى وحبت تخليها تضحك. نهى:

بت انتي عارفة لو شوفتك بتعيطي عارفة هعمل إيه. شرين ورفعت حاجب: هتعملي إيه يعني؟ نهى وقعدت تزغزغها. شرين بتضحك على جنان البت دي. ملاك حضنت رحاب. رحاب بضحك: مجنونة من يومها. نهى: ها، هتعيطي تاني؟ شرين بضحك: لأ خلاص مش هعيط. نهى: أيوا كدا، ناس مبتجيش غير بالعين الفحلوقي. شرين باستغراب: إيه فحلوقي دي؟ ملاك: دا لون كدا في قانون نهى. رحاب: شرين هتبقى في أوضة ملاك ونهى ونسرين. صح؟ نسرين فين؟ نسرين وهي بتجري: هاي شباب. رحاب:

كنتي فين يا نسرين؟ نسرين: كنت بجري شوية يا رحوبة. رحاب: ماشي يا حبيبتي. دلوقتي الموضوع التاني. نهى: إيه هو؟ رحاب بحزن: بصوا يا بنات، انتوا كلكم بتدرسوا، وأنا لما فتحت الملجأ دا عملت فيه كل اللي أقدر عليه عشان أقدر أسعدكوا. بس دلوقتي الفلوس على القد والحكومة مش بتساعدنا أوي ف......... رحاب الدموع اتجمعت في عيونها. ملاك وحضنتها: متعيطيش يا ماما. رحاب وابتسمت:

مش بعيط يا حبيبتي. بصوا يا حبايبي، عارفة إن الكلام اللي هقوله مش هيعجبكوا، بس إحنا مجبورين على كدا. فيه شركة بتشغل البنات في البيوت وكدا، وأنا اشتركت فيها. وانتوا هتشتغلوا، بس صدقوني لو مش موافقين هلغي كل حاجة. نهى وباست إيديها: بصي بقاا. انتي من واحنا صغيرين وانتي زي أمنا بالظبط. لأ مش زي، انتي فعلاً أمنا وعيلتنا كلها. وأكيد وقت أما تحتاجي مساعدة عندك ولادك يسندوكِ، وإحنا مش زعلانين والله يا ماما. ملاك:

انتي بس تأمري واحنا ننفذ يا ماما. نسرين: وبعدين يا رحوبة يا عسل انتي هو، الشغل حرام أو عيب؟ شرين: بصي أنا دا أول يوم ليا، بس انتي شكلك طيبة أوي وأنا مستعدة أساعد. رحاب: ربنا يخليكوا ليا يا بنات. البنات كلها حضنوها. عمر بيه، يا عمر بيه. عمر بنوم: أيوة يا ماما. نورهان: احم. أنا نورهان يا بيه. عمر واتعدل بسرعة: إيه دا! انتي اتجننتي؟ إزاي تدخلي هنا؟ نورهان بدلع: أصل الست هانم قالتلي أطلع أصحيك. عمر بزعيق:

مالك يا بت انتي بتتكلمي كدا ليه؟ ماتلمي شوية. الباب اتفتح. كريمة: إيه يا حبيبي بتزعق لي؟ نورهان بدموع: جيت أصحيه يا هانم. كان عايز يبوسني ويتحرش بيا. روحت ضربته بالقلم يا هانم. استري عليا أنا غلبانة. كريمة بصدمة: انت عملت كدا يا عمر؟ عمر: ماما، انتي تصدقي إني أعمل كدا؟ كريمة بحدة: قول حصل ولا ماحصلش. عمر: ماحصلش يا ماما. دي كدابة. كريمة: تمام. البس يلا عشان الفطار. وانتي تعالي ورايا. عمر وبعد أما خرجوا نفخ بضيق. عمر:

اليوم باين من أوله. كريمة: اتفضلي. دا مبقاش ليكي مكان في بيتي. نورهان بدموع: يا ست هانم أنا... كريمة بحدة: مبحبش أكرر كلامي مرتين. أنا جوزي مات وعرفت أربي ولادي كويس أوي يا آنسة. وابني أنا عارفة إنه ملوش في الكلام دا. بس محبتش أظلمك وقولت أسأله هو. مش متربي على الكدب وهو مكدبش. أنا بعرف ولادي. اتفضلي دول وربنا يرزقك بشغل تاني بعيد عننا. نورهان خدت الفلوس وخرجت من البيت. عمر البحراوي 20 سنة، كلية هندسة

(مش البطل يا جماعة) . مجنون وبيحب الهزار، بس بيجي عند أمه وإخواته وبيحترم نفسه. شاب ذو ملامح الرجل الشرقي، قمحاوي، عيونه بني، شعر يميل للاصفر. كريمة المحمدي امرأة ذات طبع حاد. بتحب ولادها جدا، طيبة وبتحب الهدوء. 60 سنة. عمر: والله يا ماما ما عملت كدا. كريمة وابتسمت: مصدقاك يا حبيبي. أنا بس محبتش أظلمها. اطلع صحي أخوك وانزلوا يلا. سليم: مش محتاج يصحيني. أنا صحيت لوحدي. كريمة بابتسامة: صباح الخير يا حبيبي.

سليم وباس إيديها: صباح النور يا ست الكل. كريمة: يلا عشان نفطر. سليم: أنا سمعت اللي حصل. وطقم الخدم هيتغير بعد إذنك طبعاً يا ماما. كريمة بقلة حيلة: اللي تشوفه يا حبيبي. عمر: أنا هقوم أروح الجامعة. سليم: وأنا هروح الشركة. عن إذنك يا أمي. كريمة بحب: ربنا يحرسكوا يا حبايبي.

سليم البحراوي 25 سنة. طبع حاد ليس مع الكل. طيب، ليس مغرور تماماً. يدير شركة والده بعد أمه. فـ أمها كانت تدير كل شيء بعد وفاة الأب. عيون سوداء كالصقر، شعر أسود، بشرة تميل للاسمرار. سليم وصل الشركة، دخل المكتب. سليم: ها يا سارة، في أي مواعيد جديدة؟ سارة: أيوا يا فندم. النهاردة عندك اجتماع مع باسم بيه الساعة 2. وبعد كدا في عشاء عمل مع ياسمين هانم بالليل الساعة 8. سليم: ماشي يا سارة. تقدري تمشي وابعتيلي أسر بعد إذنك.

سارة بابتسامة: حاضر يا فندم. بعد شوية. أسر: نعم؟ في مصيبة صح؟ أصل انت مش بتيجي وتحتاجني كدا غير لما يكون فيه مصيبة يا سليم. ها قول، سامعك. سليم بضحك: يابني اديني فرصة. حاضر هقول. أسر: في أي؟ سليم: عايزك تتصل بشركة خدمات. طلب تقديم جديد للخدم. أسر: لي؟ في حاجة؟ سليم وقال كل اللي حصل لأسر. أسر: حاضر يا عم. هتصل. حاجة تاني؟ سليم: صح، هتيجي معايا بالليل نقابل ياسمين هانم. أسر بخبث: بس دي هتزعل من وجودي. سليم:

انت عارف إني مش بحبها تقرب مني. وانت هتنقذ الموقف. خليك صاحب جدع. أسر: حاضر يا عم. سليم: تسلم يا صاحبي. حل بقاا. أسر: واطي يالااااا. بالليل. رحاب: بصوا، الشركة طلبت مني 5 بنات. ملاك -نهى -نسرين -شرين -ندى. نهى: تمام يا ماما. هنروح امتى؟ رحاب: بكرة الساعة 6 ونص تكونوا في الشركة. هتاخدوا اللبس بتاعكوا. وبعد كدا هتروحوا المكان اللي محدد ليكوا. ملاك: ماشي يا ماما. تصبحي على خير. البنات مشيوا. ورحاب اتنهدت. رحاب:

غصب عني يا بناتي. كل واحدة من البنات نامت وهي بتفكر ياترى إيه اللي هيحصل.