رواية احببت ملاكي الفصل الثاني 2 - بقلم ملك يسري

يوم جديد على البنات، يوم مخيف من اللي هيعيشوه، يا ترى هيواجهوا إيه في حياتهم. رحاب بدموع: والله يا بنات غصب عني، أنا لو في إيديا ما أخليكم تعملوا كدا. ندى: رورو عيب كدا، الدموع دي هتفضحنا قدام الأجانب، كده شرين لسه جديدة وهتاخد فكرة إننا ناس كئيبة. نهى: وبعدين يا جميل، أنتِ في قمر يعيط؟ محصلش، صح يا عمري. ملاك باست إيد رحاب: ادعي أنتِ بس، وإحنا بنات وحوش، متخافيش علينا، يلا يا بنات.

البنات خرجوا، واتوجهوا للشركة، خدوا اللبس والعنوان، واتوجهوا للفيلا. نسرين: إيه الجمدان ده يا مان. نهى: هيتنكوا على اللي جابونا، وأنا خلقي في مناخيري. شرين: يلا بس يا بنات. البنات دخلوا، وكريمة استقبلتهم. كريمة لنفسها: إيه العصافير اللي داخلة عليا دي؟ أنا كده فعلاً أولادي هيتحرشوا بيهم. ملاك: حضرتك مدام كريمة؟ كريمة بابتسامة: أيوه أنا يا بنتي. ندى بهمس: شكلها طيبة. نسرين: أيوه. نهى: حضرتك، إحنا طقم الخدم الجديد.

كريمة بابتسامة خفيفة: بصوا يا بنات، أنتوا شكلكم محترمين وطيبين، أنا اللي بيشتغلوا هنا مش خدم، دول مساعدين، وكلنا هنا عيلة مع بعض، ممكن؟ نسرين: ممكن طبعًا. كريمة: أنتوا دلوقتي 5 بنات، في واحدة هتبقى مسؤولة إنها تصحّي عمر ابني، ومسؤولة بكل حاجته. كريمة بتفكير: ممكن، أنتي اسمك إيه؟ نهى: اسمي نهى يا فندم. كريمة: اسمي ماما كريمة، مش فندم، ممكن؟ نهى بابتسامة: ماشي يا ماما. كريمة: عندك كام سنة يا نهى؟ نهى: عندي 16.

كريمة: لسه صغيرة، على العموم أوضة عمر فوق على اليمين. نهى: تمام، هروح أغيّر هدومي وأصحّيه. نهى مشيت وراحت أوضة الخدم اللي وصفتها كريمة. كريمة: دلوقتي في اتنين هيبقوا مسؤولين إنهم ينضفوا الدور ده، ممكن، أنتوا الاتنين اسمكوا؟ نسرين: اسمي نسرين، 17 سنة. شرين: اسمي شرين، 18. كريمة: ماشي يا بنات، أنتوا مسؤولين عن الدور ده بالجنينة. شرين وسرين مشيوا.

كريمة: أنتي بقى هتبقي مسؤولة زي نهى عن ابني التاني، بس هو عنيد وطبعه حامي شوية، سليم ابني. ملاك بابتسامة: أنا هحاول أتجنبه، أنا هقوم بشغلي وبس. كريمة بابتسامة حب: اسمك إيه يا جميلة؟ ملاك: اسمي ملاك، 17 سنة. كريمة: أنتي فعلاً ملاك، أوضة سليم ابني فوق بعد أوضة عمر. ملاك: ماشي يا ماما. ندى بشقاوة: شكلي مليش أكل عيش هنا، هروح أساعد عمو البواب. كريمة بضحك: شكلك شقية، أنتي بقى هتبقي مسؤولة عني، ممكن؟ ندى بحب: أكيد طبعًا.

كريمة: تعالي معايا بقى أعرفك عليا يا ستي. ندى: يلا يا كبير. *** أيوة نعم يا ماما، في إيه؟ يلا علشان هنروح عند مرات عمك. بجد يا ماما؟ أيوه، صحّي أختك يلا. *** نهى لنفسها: قالت أول أوضة على اليمين، يبقى هي دي. نهى خبطت بس مفيش رد، فضلت تخبط بس لا حياة لمن تنادي. نهى بعصبية: إيه الواد ده؟ أكيد عيل صغير رزل. نهى فتحت ودخلت الأوضة، كانت ضلمة بطريقة تخوف. نهى بصوت عالٍ نسبيًا: إيه بيت الرعب ده.

نهى فتحت الستاير وسرحت في شكل الجنينة والهوا، ومحستش باللي كان هيقوم يرميها من البلكونة. عمر: الشكل حلو صح. نهى بتوهان: أوووي، بحب الأشكال دي. عمر باستغراب: أنتي مين؟ نهى: أنا... عااااااااااااااااااااااااا! عفريت ومز وحليوة يا ماما يا ماما. كريمة بخضة: في إيه هنا؟ نهى جريت استخبت وراها: الحقيني، عفريت ومزز وقمر، استغفر الله العظيم يا رب. كريمة بضحك: ده مش عفريت. نهى: أومال مين الأخ ده؟

كريمة بضحك: ده عمر ابني اللي كنت بكلمك عنه تحت. نهى: يخرابي بقى، أنا مسؤولة عن الشحت ده، وأنا اللي كنت فاكراه عيل صغير رزل، لا حول الله. عمر بصدمة: عيل رزل. نهى: آه، بقالي ساعة بخبط على أم الباب والبيه ولا هنا. عمر: ما تيجي تديني قلمين أحسن. نهى: أوعى يا عم كدا، أما أجهزلك الحمام. نهى سابت عمر اللي مصدوم، وكريمة اللي بتضحك. عمر: مين المجنونة دي يا ماما؟ كريمة بضحك: دي نهى المساعدة الجديدة لحضرتك.

عمر: ربنا يستر ومتقتلنيش. عمر وباس إيد أمه: صباح الخير يا ست الكل. كريمة بحب: صباح النور يا حبيبي. نهى شافتهم وابتسمت على حبهم، وكريمة لاحظت وراحت حضنت نهى، نهى عيطت عشان افتكرت مامتها. كريمة بقلق: مالك يا حبيبتي؟ نهى بدموع: أصل ماما وحشتني أوووي. كريمة: وهي فين؟ نهى: أنا والبنات من الملجأ، ملناش عيلة، ولما شفتك أنتي واستاذ عمر كان نفسي يبقى عندي ماما. كريمة حضنتها أكتر وعيونها اتملت دموع على حال البنات دي.

عمر كان واقف وصعبت عليه جدًا. كريمة خدت نهى وخرجوا، وعمر دخل ياخد شاور. ملاك دخلت أوضة سليم بتوتر ووقفت بصدمة. ملاك: إيه الجمدان اللي نايم ده، هو فيه كدا؟ احم، فوقي لنفسك يا ملاك وعيب كدا وغضي بصرك، الله يحرقك. ملاك: سليم بيه. سليم: ... ملاك بدأت تهز فيه لحد ما فتح عيونه، وملاك تنحت. سليم: هي عيوني حلوة أوووي كدا؟ ملاك وبعدت بإحراج: احم، هو يعني بص هو. سليم بضحك: إيه يا بنتي؟ أنتي علقتي، وبعدين أنتي مين؟

ملاك: أنا ملاك، مساعدة حضرتك. سليم: اممممم، ماشي يا ستي. ملاك: ثواني ويكون الحمام جاهز. سليم قام وروّق مكانه وخرج بدلته، بس ابتسم ودخلها تاني. ملاك: إيه ده يا فندم؟ أنا كنت هروّق حضرتك. سليم: أولاً اسمي سليم، عادي، ثانيًا بقى أنا متعود أروّق مكاني، معلش هتعبك، خرجيلي بدلة عشان هروح الشغل. ملاك بابتسامة: ماشي. سليم دخل وهي خرجت بدلة، بس طلعت طقم كاجوال وكوتش أبيض وجزمة سوداء. سليم خرج واستغرب: إيه ده يا ملاك؟

ملاك: طلعتلك بدلة، بس بصراحة الكاجوال أحلى. سليم وابتسم: ماشي يا ستي، شكرًا، بس أنا هلبس البدلة، انزلي وأنا هغيّر وأنزل. ملاك خرجت ولنفسها: عبيطة، فاكرة إنه هيسمع كلامك. *** كريمة: ها يا نادوش، بتعملي إيه؟ ندى بإحراج: آسفة يا مدام، بس كنت بتفرج على البسين. كريمة بابتسامة: هو مش أنا قولت إن اسمي ماما؟ وبعدين أنتوا زي بناتي، تعملوا اللي انتوا عايزينه، تمام؟ ندى بدموع: ممكن أحضنك؟ كريمة وفتحت إيديها وندى اترمت في حضنها.

ندى: أنتي طيبة أوووي. كريمة: طب يلا بقى عشان نفطر. ندى: أيوه، أنا جهزت السفرة ليكي ولأولاد حضرتك، وأنا والبنات في المطبخ. كريمة: تؤتؤ، مطبخ إيه؟ كلنا هناكل مع بعض، يلا يا بت قدامي. عمر وسليم نزلوا وشافوا البنات قاعدين بإحراج واستغربوا، وبصوا لأمهم. كريمة وفهمت ولادها: يلا يا سليم أنت وعمر عشان تفطروا. الشباب ابتسموا عشان فهموا أمهم وقعدوا. عمر باستغراب: سليم، هو أنت رايح الشركة؟ سليم: أيوه، لي؟

كريمة: أصلك يا ابني مش لابس بدلة. سليم وبص لملاك اللي أول ما عينيه جت في عينيها بصت في طبقها. سليم وابتسم: عادي، حبيت أغيّر. كريمة لاحظت إحراج ملاك وابتسامة سليم ليها وفهمت وابتسمت. كريمة بخبث: أتمنى يفضل التغيير ده. سليم وبص لأمه بعلامات استغراب وهي كملت أكل عادي. كريمة: صح يا سليم، مرات عمك وبناتها جايين النهارده. عمر: لي كدا طيب؟ لا حول الله، هي مش ناقصة قرف بقى. كريمة بحدة: عمر، احترم نفسك، أنا ربيتك على كده.

عمر بأسف: آسف يا ماما، عن إذنك. عمر مشي. وسليم بص لأمه بعتاب ومشي ورا أخوه. كريمة اتضايقت وطلعت فوق. نهى: شكلنا وحش بشكل. نسرين: أوووووي يا معلم. ندى: بس شكل مرات عمهم وبناتها مش كويسين. ملاك: باين كدا، عشان عمر اتضايق واتكلم بعفوية، وسليم بص لأمه بصة غريبة وهو ماشي. نهى: شكل الواحد هيستمتع يا أولاد. شرين بضحك: طب يلا يا أختي أنتي وهي، كل واحدة على شغلها. البنات قاموا على شغلهم. *** أدهم: مالك يا عمر؟

عمر: العقربة وبناتها جايين النهارده. أدهم بضحك: طب اهدى بس، مالك متعصب لي؟ عمر: يا ابني متعصبش، اللي خلفوني أكتر ما أنا متعصب، اسرح يا بابا. أدهم: طب يلا يا خويا على المحاضرة. *** سارة: أسر بيه، أستاذ سليم جه وشكله متعصب أوووي. أسر باستغراب: تمام يا سارة، أنا هدخله. سليم واقف عند الشباك ومتعصب. أسر: مالك يا بوب؟ سليم: أنا فعلاً مش فايق لأي حاجة دلوقتي. أسر: مالك في إيه؟ سليم: شهيرة جاية النهارده. أسر: وده اللي معصبك؟

سليم: أنت عارف إن أنا وهي كنا بنحب بعض. أسر: أديك قولت، كنتوا، ماضي وانتهى يا سليم. سليم: مش عايز أشوفها يا صاحبي. أسر: هتعدي، هتعدي، وبعدين قولي إيه اللي لبسك كده؟ سليم تلقائي افتكر ملاك وابتسم. أسر وغمز: بتبتسم ليه يا وله؟ ها؟ وراها إيه الابتسامة دي؟ سليم وضحك: مفيش يا سطا، عادي، حبيت أغيّر شوية. أسر: طيب يا خويا. سليم بجدية: يلا نشوف شغلنا. ***

البنات بيشتغلوا وجهزوا أوض الضيوف اللي قالت عليهم كريمة، وقعدوا مع بعض في المطبخ. فجأة كريمة ندهت عليهم. كريمة بابتسامة: يا بنات، دي تبقى هدى، سلفتي. البنات: نورتينا يا مدام. شهيرة بتكبر: مين دول يا طنط؟ كريمة: دول المساعدين بتوعنا. سمر: خدامين يعني؟ نهى بهمس: عنده حق الواد عمر، ميكونش طايقهم، العقارب دول. كريمة: لاء، مش خدامين، دول بناتي وبيساعدوني، وأتمنى ميحصلش إزعاج. هدى: في إيه يا كريمة؟

وأنتي هتزعقي لبناتي عشان شوية خدامين؟ لو كدا آخدهم ونرجع تاني. كريمة: لاء يا هدى، اتفضلوا، اطلعوا، الأوض جاهزة. هدى خدت البنات وطلعوا. كريمة بأسف: آسفة يا بنات، متزعلوش منهم. ندى: ماما القمر مش بتعتذر أبدًا، على فكرة، كان ممكن نرد بس احترمناكي والله. كريمة بابتسامة: ماشي يا بكاشة. *** باليل وكريمة وهدى وبناتها قاعدين في الصالون، والبنات في الجنينة. عمر جه. عمر بضيق: السلام عليكم.

كريمة وهدى: وعليكم السلام ورحمة الله وبركاته. سمر بدلع: ازيك يا عمر. عمر بحدة نسبيًا: كويس. كريمة: اطلع ارتاح يا حبيبي وانزل عشان ناكل. عمر: نهى فين؟ كريمة: نهى، يا نهى. نهى جت جري: نعم يا ماما. عمر: تعالي ورايا. سمر بضيق: وتيجي وراك ليه؟ هي مش خدامة. عمر بص لنهى وشافها ماسكة نفسها بالعافية. عمر: والله ده شيء ميخصكيش، وهي مش خدامة، ويا ريت تخليكي في حالك، ماشي؟ يلا يا نهى. عمر مشي ونهى وراه. هدى: ينفع كدا يا كريمة؟

اللي ابنك عمله. كريمة: أنا قولت كذا مرة لبناتك، ملهومش دعوة بولادي، فاكرة ولا أحب أفكركوا. وبصت لشهيرة. شهيرة: عن إذنك، أنا طالعة فوق. شهيرة طلعت وسابتهم. *** عمر دخل ونهى دخلت وراه، وقفل الباب، وهو قعد على السرير وغمض عيونه. نهى فضلت ساكتة لحد ما يروق. عمر نسي إنها موجودة وراح في النوم، وهي حست بكدا، قربت منه، وخلعت له الكوتش، وخلعت له الساعة والشراب، وساعدته إنه يفرد جسمه، وقفلّت النور ونزلت، وقابلت سمر.

سمر باحتقار: كنتوا بتعملوا إيه لوحدكوا؟ نهى: قصدك إيه يعني؟ سمر: قصدي إنك واحدة سافلة وقليلة الأدب وتربية شوارع، وبترمى نفسك عليه. نهى محستش بحاجة غير وهي بتضربها بالقلم. نهى بصوت عالي: آخر مرة تتكلمي معايا كدا، مفهوم؟ أنا تربيتي أحسن منك يا زبالة يا قليلة الأدب، وواضح إنك أنتي اللي تربية شوارع، أنا لو كنت سكتلك قبل كدا يبقى عشان أنا بحترم الناس الطيبة اللي بشتغل عندهم، بعد كدا تجنبيني يا حلوة، فاهمة ولا لأ؟

نهى وهي بتتكلم كان عمر خرج، وكريمة طلعت هي والبنات. هدى ومسكت نهى من شعرها: أنتي إزاي يا زبالة تمدي إيدك على أسيادك؟ ولسه هتضربها بالقلم لقت إيد بتمسكها. سليم: أنتي هتعملي إيه؟ هدى: سيبني أعلمها الأدب. عمر: أظن اللي محتاجة تتعلم الأدب هي بنتك. هدى: شايفة ولادك يا كريمة. كريمة وحضنت نهى: إيه اللي حصل يا بنتي؟ نهى حكت اللي حصل. سليم: اعتذري يا سمر. سمر: مش هعتذر من خدامة.

عمر بحدة وصوت عالي: سمررر، قسماً بالله كلمة كمان وهتشوفي مني حاجة مش هتعجبك، اعتذري يلا. سمر: آسفة، حلو كدا. سمر سابتهم ودخلت أوضتها. نهى بصت لعمر ومشيت، والبنات معاها. عمر: ماما أنا جعان. كريمة: ماشي يا حبيبي، يلا يا سليم. سليم: هغيّر وأنزل. *** البنات جهزوا السفرة، وكريمة راضت نهى، وهدى وبناتهم نزلوا، وسليم فوق. كريمة: هو سليم اتأخر ليه كدا؟ روحي يا ملاك شوفيه. ملاك: حاضر يا ماما.

هدى: لاء، استنى، اطلعي يا شهيرة أنتي. شهيرة لسه هترد. كريمة: أنا قولت ملاك، يعني ملاك. شهيرة بصت بغيظ لكريمة، وملاك لسه هتطلع. شهيرة بخبث: ابقي خبطي، عشان سليم بيحب يقعد براحته. ملاك بصتلها باستحقار وطلعت وهي بتشتم فيها، وفجأة خبطت في سليم. سليم: إيه يا بنتي؟ مين اللي معصبك كدا؟ ملاك بغضب: كلبة البحر اللي تحت دي، جتها القرف، استغفر الله العظيم يا رب. سليم بضحك: مين دي؟ ملاك: شهيرة الشريرة.

سليم ضحك بكل صوته وهو نازل، والكل بص له باستغراب. عمر بغمزة: بتضحك لي يا بوص؟ سليم بضحك: هموت، مش قادر. كريمة: مالك يا ابني؟ إيه اللي خلاك تضحك كدا؟ سليم: ملاك دمها سكر أوووي. عمر وغمز لكريمة: اممممممم، ملاك، قولتلي. سليم: أيوه، يلا أنا هموت وآكل. قعدوا ياكلوا، بس البنات مقعدوش. سليم: أومال البنات فين يا ماما؟ كريمة: مرضوش. سليم: إيه الهبل ده يا ملاك؟ ملاااك، تعالي أنتي والبنات. ملاك: خير يا بيه.

سليم: قولتلك اسمي سليم، عادي، ثانيًا يلا عشان ناكل. ندى: معلش، هناكل في المطبخ. عمر: لي كدا بس يا بنات؟ شرين: أصل شهيرة هانم وسمر هانم قالوا ناكل في المطبخ زي الخدامين اللي جايين من الشوارع. سليم وبص لشهيرة بغضب: أنتي قولتي كدا؟ شهيرة: أيوه، ودي الحقيقة. ملاك: عن إذنكم، مش جعانة. ملاك خرجت في الجنينة، والبنات بعد إلحاح عمر وسليم قعدوا. وفجأة سمعوا صوت صويت.