رواية احببت ملتزمة الفصل الحادي عشر 11 - بقلم ملك احمد

زين: معلش أنا تعبان شوية بقالي فترة، ادعيلي. هدى: مش هتاكل؟ زين: لا، عندي شغل كتير. *** بعد مرور شهر. في منزل أميرة أحمد. بسمة: أميرة يا أميرة، آآآه يا آخرة صبري. أميرة بمرح: وه ما خلاص يا حاجة جينا. بسمة: اسمعي يا بت، انتِ قعدتك ما فيهاش فايدة، مش سبتي الشغل؟ من بكرا تدوري على غيره. أميرة بنفاذ صبر: ياا يا أمي، حاضر حاضر، خلاص كده. بسمة: لا مش خلاص، هو انتِ أي هتفضلي قاعدة في وشي كده كتير؟

أميرة: ياربي، قولتلك ده رزق، رزقي لسه مجاش. بسمة: لا جه بس انتِ اللي رافضاه. أميرة: لو قصدك على محمود، والأه لو آخر راجل في العالم ما هتجوزه، ده إنسان مريض. بسمة بنفاذ صبر: أنا عارفة، مش هسلك معاكي، غوري من وشي. *** في شركة زين محمد. مهند: صباح النور. مي: صباح الخير يا فندم. مهند: أستاذ زين موجود؟ مي: آه موجود، عندك معاد؟ مهند ابتسم: ادخلي قوليله مهند محسن الصاوي. مي: تمام يا... إيه انت تقربله؟ مهند: ابن عمهم.

مي: أنا آسفة ليك يا فندم جدا والله، تعالى اتفضل من هنا. في مكتب زين محمد. زين: ادخل. مهند بمرح: أجي يا بيه ولا مشغول؟ زين: مشــ... مهند تعالى يا بني، اتفضل. مهند: تسلم. زين: بقالك كتير مبتجيش؟ مهند: مشغول شويتين، المهم أنا جايلك في موضوع مهم جدا ومحتاج مساعدتك. زين: من العين دي قبل دي، انت تأمر. مهند: الأمر لله وحده، كنت عارف إن ابن عمي جدع. بص يا سيدي، أنا بإذن الله هفتح شركة تجارية. زين: هايل، وإيه اللي مانعك؟

مهند: قصدك محدش مساندني، محدش واقف جنبي. زين: وماله، أنا موجود. عارف يا مهند، أنا بحب جدا الشباب اللي زيك، بحب اللي بيعتمدو على نفسه ويبقى ليهم شأن، عشان كده هساعدك. مهند بفرح: أنا مش عارف أشكرك إزاي، بس أي مبلغ هتحطه أو أي مساعدة هتقدمهالي هتبقى شريك معايا في الشركة. زين: يا بني عادي، مش لازم، إحنا أخوات. مهند: لا لو سمحت يا زين. زين: اللي تشوفه، بس تواجد هناك مش هيبقى كتير عشان الشركة هنام. مهند: أكيد، فهمت. ***

في منزل زين محمد. هدى: مساء الخير يا يوسف. يوسف: مساء النور. هدى: أخبار الشغل إيه؟ يوسف: الحمدلله على كل حال، كله بفضل ربنا ثم بفضل زين، من لما فتحلي المستشفى وبقى ليا دخل حلو جدا. هدى: الحمد لله. محمد: عايزك بقى تقرب من أخوك ومتبعدش عنه تاني، الحمدلله اللي كانت السبب غارت والاوضاع اتحسنت. يوسف: حاضر يا بابا. *** بعد مرور شهر. في مكان بناء شركة مهند. زين: الحمد لله، قربنا نفتح الشركة.

مهند: كله بفضل ربنا ثم بفضلك وبفضل المهندسين الشاطرين، وبفضل أشطر مهندس زين محمد طبعاً. زين ابتسم: أيوه انفخني، انفخني. مهند ضحك: يا بني حقيقة والله. *** في مستشفى يوسف محمد. يوسف: الو. زين: وعليكم السلام ورحمة الله وبركاته. يوسف: إزيك يا زين؟ زين: أنا بخير، المهم، كنت عايز أطلب منك طلب؟ يوسف: أنا عينيا ليك.

زين: في بنت اسمها رضوى، كانت ممرضة أعرفها يعني، سابت المستشفى اللي هيا فيها ومش لاقية مستشفى تشتغل فيها. لو مش هتقل عليك، ممكن توظفها عندك؟ يوسف: أكيد، انت تأمر. زين بامتنان: تسلم، أنا بعتهالك، زمانها على وصول. يوسف: حاضر، سيب الباقي عليا. بعد مرور نصف ساعة. يوسف: ادخل. هبه: مساء الخير يا فندم. يوسف: مساء النور. هبه: في بنت جات تقدم على وظيفة؟ ممرضة!! يوسف افتكر كلام زين وعرف إنها أكيد رضوى.

يوسف: آه آه، دخليها واطلبي اتنين عصير تمام. هبه: حاضر يا فندم. فور أن خرجت هبه ليأتيه صوت أنثوي ناعم: مساء الخير. يوسف نظر إلى ملامحها البريئة وعينيها الواسعة التي يميزها اللون العسلي وبشرتها البيضاء و... وخمارها اللي بيخليها أشبه بالحوريات. يوسف: اتفضلي. بامتنان: جزاك الله خيراً. يوسف: زين كلمني عنك، وطالما زين أخويا كلمني منك، فاعتبري نفسك اتوظفتي، ومن بكرا تنزلي الشغل. بتوتر: بس أنا يعني معــ...

يوسف: أنا فاهم كل حاجة يا رضوى، من غير ما تقولي، قولتلك اعتبري نفسك اتوظفتي. بقلق: بس أنا يعني أنا بصراحة... يوسف مقاطعاً: خلاص بقى، متشغليش نفسك، يلا اتوكل على الله. بعصبية: بس يا أستاذ يوسف، ادينا فرصة أتكلم، أنا مش اسمي رضوى ولا أعرف زين. يوسف بعصبية: ومتكلمتيش ليه من بدري؟ بعصبية: انت ما ادتنيش فرصة أتكلم. يوسف: اومال انتِ مين؟

بجرأة: أنا ملك أحمد، عندي 20 سنة، بدرس في كلية حسابات ومعلومات جامعة القاهرة، وإن شاء الله جرافيك ديزاينر. يوسف: وإيه اللي جايبك تمريض؟ ملك: أنا اشتغلت ممرضة في كذا مستشفى وعارفة التمريض. يوسف بتفهم: امم، فهمت، سيبي رقمك وأنا هبقى أرن أقولك أعرفك لو قبلتي. ملك بامتنان: تمام. *** في منزل أميرة أحمد. بسمة: ها، عملتي إيه؟ ملك: الحمد لله، لقيت وظيفة، بس لسه معرفش هيقبلوني ولا إيه. بسمة: وانتي يا أميرة؟

أميرة: للأسف ملقتش. بسمة: خير خير، بكرا تدوروا تاني، انتوا عارفين حال أبوكم عامل إزاي. *** في صباح يوم جديد. في منزل أميرة أحمد. ملك بنوم: الو. يوسف ابتسم: مين؟ ملك اتنفضت: نعم؟؟ يوسف: قصدي، قبلتي في الوظيفة؟ ملك بفرحة: احلفي. يوسف ضحك: والله. ملك قامت تنططت على السرير: أنا قبلت يا مامااااا، أميرةةة، أنا قبلت. أميرة بفرحة: يارب دايماً يديمك مبسوطة. ملك: تسلميلي يا جميل. أميرة: أنا نازلة يا ماما أدور على وظيفة.

بسمة: ماشي يا حبيبتي. *** في شركة مهند محسن الصاوي. مهند: لا يا زين، متقلقش، أنا بنقي اللي بوظفهم. زين: تمام، أنا بكرا إن شاء الله هبقى عندكم. مهند: تنورني، يلا مع السلامة. بعد مرور ساعة. مهند: حبيبه يا حبيبه. مهند: دخليللي البنات اللي جات تقدم على وظيفة. حبيبه: حاضر يا فندم. دقائق. مهند: ادخل. يأتيه صوت أنثوي ناعم: مساء النور. مهند انبهر بجمالها. يا ترى مين؟ وإيه اللي هيحصل؟