رواية احببت ملتزمة الفصل الخامس والعشرون 25 - بقلم ملك احمد

بعد كده هتقولي يا وحش الكون. زين: انتي مش وحش الكون، انتي الكون كله. أميرة قربت منه: أنا ظلك وضيِّك وأنا اللي بحبك للأبد. شايف الورد اللي في إيدك دول ٤٩ وردة وانتي الـ ٥٠. *** في منزل أميرة أحمد. بسمة: مين اللي هيعمل الأكل؟ أنا جاية تعبانة جداً، فا واحدة فيكم تشد حيلها وتقوم. ليلى: اااه رجلي بتقطعني. أميرة: لا لا لا محدش يبصلي، أنا لا أنا لا، راعوا إن النهاردة كان كتب كتابي. بسمة: قومي يا ليلى.

ليلى: لا أنا فعلاً مش قادرة أقوم. بسمة: انتي على طول مش قادرة. أميرة: خلاص بطلوا صياح، هقوم أنا وخلاص. وبعدين اتكلمت بدلعب: "ماشي، هقوم وأعملوا أكل لوحدكم." ليلى: لسه ممشيتيش وبتتكلمي، أومال بعد الجواز هتقطعينا؟ بسمة: كان نفسي نعمل حنة العروسة، بس الفقر. أميرة بنتي مش عايزة تعمل.

أميرة: يا أمي دي حاجة تافهة، يعني أي نشغل أغاني ونهيص وأحط أنا حنة أنا وصحابي وقرايبي، ويجي زين يرقص معايا شوية تلاتة، وأنا أصلاً بكره الأغاني ومش بحب الحنة، هي فلوس وخلاص، ما سايب ولا انتي فاكرة جوزي مدير شركة. ليلى: أميرة، زين مدير شركة، الدور مش واكل عليكي. أميرة: فكري يا ليلى. بسمة وليلى في صوت واحد: "وبقت بتكلمنا لغات! أميرة بتضحك عليهم. وبعدين دخلت المطبخ تعمل أكل.

كانت أميرة شاردة تفكر في حياتها الجديدة مع زين، ليقطع تفكيرها صوت رنين هاتفها. أميرة: السلام عليكم ورحمة الله وبركاته. زين: وعليكم السلام ورحمة الله وبركاته. أميرة: نعم يا زيزو. زين: إيه ده بقى فيها زيزو وبتاع؟ أميرة بضحك: زيزو بقى، انت خلاص بقيت جوزي، قبل كنت لسه خطيبي، فا غريب عني. يدوب دبلة في إيدي، فا مينفعش منلتزمش بضوابط الخطوبة ونغضب ربنا. زين: حصل يا جميل. أميرة بكسوف: زين بقى. زين: يقلبها.

أميرة بتقليد: إيه ده، ده بقى فيها قلبة وبتاع. زين: لا أنا بقولك يقلبها من زمان. أميرة: عشان انت صايع. زين: أميرة، مش موضوعنا دلوقتي، أنا كنت هكلمك في موضوع تاني. أميرة: لو هيطول، فا شوية كده عشان بعمل أكل، ولو اتحرق أمي هتلحسني البلاط. زين ضحك: لا مش هيطول، متخافيش. أميرة: قول. زين: لو حوريتي فاضية، أنا عازمك بكرة في مطعم خمس نجوم ومحضرلك مفاجأة.

أميرة: خمس نجوم مرة واحدة، ده أنا مأكلتش قبل كده في نجمة واحدة حتى، مش كتير عليا. زين: انتي تستاهلي يا جميل، فاضية؟ أميرة: ولو مش فاضية، هفاضيلك. زين: أنا مش مصدق، أميرة، انتي اللي بتقولي الكلام ده بجد. أميرة بضحك: لا صدق، مش بقيت جوزي. يلا هقفل عشان بعمل الأكل. زين: عقبال ما تعمليه في بيتي. أميرة ضحكت بخجل: في رعاية الله. *** في منزل رضوى. مروان: أنا جيت عشان نحدد موعد كتب الكتاب. رضوى: بس مش كده بدري شوية.

مروان: مش شايف فيها حاجة، أنا جهزت الشقة وانتي جاهزة، ليه نأجله؟ رضوى: مروان، بصراحة أنا خايفة تندم بعدين. مروان: أندم!! رضوى، انتي الحاجة الوحيدة اللي عمري ما هندم إني اخترتها، أنا أول مرة أختار حاجة صح في حياتي أصلاً، أنا واثق ومتأكد إني اخترت صح. فا كتب كتابنا بعد أسبوع. رضوى: مروان. مروان: يقلب مروان. رضوى: لا، بعدك يقلب مروان دي مش هقدر أعترض على خيرة الله. *** في منزل أميرة أحمد. أميرة: باب، بابا.

أحمد: انطقي يا بت، إيه؟ أميرة: أنا خارجة بكرة مع زين، أنا مكنتش عايزة أخرج أصلاً، بس هو أصر وحجز في المطعم، لكن أنا مش عا... أحمد: إيه الخوف ده بقى، جوزك، اخرجي بس متتأخريش، وتلفونك ميتقفلش تمام، لو مجتيش قبل الساعة ٨، متدخليش البيت، مفهوم؟ أميرة بابتسامة: مفهوم. *** في منزل مروان هاشم. رحاب: جايه جايه، متنامش على الباب أوي كده. المندوب: حضرتك رحاب هاشم؟ رحاب: أيوه أنا.

المندوب: البوكس والظرف وبوكيه الورد ده مبعوتين لك يا فندم. رحاب: من مين؟ المندوب: نصيبك. رحاب: نعم؟ المندوب: هو قال لما تسألي نقولك كده، سلام عليكم. رحاب دخلت وفتحت البوكس، كان فيه خمار أبيض وادناء كشمير. رحاب فتحت الظرف وكان مكتوب كالتالي: "إلى عزيزتي رحاب وزوجتي المستقبلية، اتقابلنا صدفة ومكناش متوقعين إن هيبقى بينا اللي بينا، بس حرفياً أحلى صدفة. شايفة الورد اللي في إيدك دول ٤٩ وردة وانتي الـ ٥٠."

رحاب قفلت الظرف وكانت فرحانة جداً. *** في صباح يوم جديد. في منزل زين محمد. زين: لا لا يا جماعة اعذروني، أنا رايح أفطر مع مراتي المستقبلية. يوسف: وبقى بيقولنا مراته وبتاع من أولها، أوعى تنساني أنا يوسف أخوك. زين: يوسف! يا رخما. أسمهان: يعني مش هتدوق الأكل اللي أنا عاملاه؟ زين: عشان خاطرك بس يا أسمهان، هاتي الكباب ده. أسمهان: متعودة على وجودك يا سي زين، معقول خلاص بعد كام يوم هتفارقنا؟ هدى ببكاء: زين ابني هيروح خلاص.

زين: يا أسمهان! فكرتيني أمي ليه منك لله. أسمهان: مكنش قصدي يا سي زين. زين: يا أمي، هو أنا هسافر؟ أبقي تعالي عندنا في أي وقت تحبيه. هدى ببكاء: لا يا بني، برضه، لا، مفيش أغلى م الضنا. زين: لا ده أنا رايح أحارب كده، ي... يقطع كلامه رنين هاتفه. زين: دي أميرة، اتأخرت عليها، يا عم سعيد العربية بسرعة. زين: السلام عليكم. أميرة: وعليكم السلام يا زين بيه، كل ده، لسه متأخر شوية كمان عشان أطلع بيتنا.

زين: لا لا يا أميرة، دقايق وهكون عندك. *** في الشارع تحديداً تحت منزل أميرة. زين: شوفتي متأخرتش إزاي؟ أميرة بعصبية: والله ده أنا على دقيقة تانية وكنت هطلع. زين: خلاص بقى، بس إيه القمر ده. أميرة ابتسمت: بتاكل بعقلي حلاوة. زين: هو في حلو غيرك؟ أميرة مسكت إيده: يلا نروح يا زيزو. زين فتح لها باب العربية. أميرة ركبت. *** في منزل أميرة أحمد. ليلى: السلام عليكم، مين معايا؟ يوسف: كمان مش مسجلة الرقم؟

ليلى: يوسف، لا أنا برد على طول، مش ببص للاسم. يوسف: ماشي، بقولك إيه. ليلى: إيه؟ يوسف: ما تيجي يعني نخرج زي أميرة وزين. ليلى: جوزها؟ يوسف: نعم، مفهمتش؟ ليلى: زين جوزها، لما حضرتك تتشملل كده ونتجوز، أبقى نخرج، غير كده مش عاوزة. يوسف: بس علفكرة إحنا ممكن نخرج ومعانا محرم. ليلى: أيوه، بس نو. يوسف: نو كلام غزل، نو ضحك، نو بص. ليلى: إيه الخروجة اللي تقرف دي. يوسف: دي ضوابط الخطوبة يا أستاذ.

ليلى: لا أنا بقول خليها لما نتجوز أحسن. يوسف: أنا قولت كده برضه. *** في مطعم ماكدونالدز. أميرة: زين، هو المطعم مفهوش ناس ليه؟ زين: أنا حجزته عشان جميلتي. زين سحب الكرسي لأميرة عشان تقعد. أميرة: تسلم. الجرسون: نورتنا يا زين بيه. اتفضل المنيو. أميرة: إيه ده، إيه الأكلات دي؟ ده عك ولخبطة. زين: علفكرة أكلهم يجنن. أميرة: أنا عايزة بيتزا، اللي نعرفه أحسن من اللي منحرفوش. زين ضحك: بيتزا، أول أكل لينا لما كنتي شغالة معايا.

أميرة: آه، كانت بيتزا بتطور بـ ٢٠٠٠ جنيه. زين ضحك: أيوه. جارسون، اتنين بيتزا ومشروم وكباب، وعايز قهوة فرنساوي، وانتي يا أميرة؟ أميرة: هاتلي عصير فريش. بعد دقائق. أميرة: زين يا حبيبي، أنا آسفة بس أنا مبعرفش آكل بالشوكة والسكينة، فا اسمحلي آكل بإيدي. زين: لا يا أميرة، خليكي إتيكيت. أميرة: لا مليش في التكت ده. زين: إيه؟ أميرة: التكت. زين: مبتقالش كده، وكلي بالزفت الشوكة.

أميرة: زين، متتعصبش عليا لو سمحت، أنا مبعرفش أتكيتك. زين: تتكتكي إيه، اسمه إتيكيت. أميرة: يا عم متوجعش دماغي، تكت ولا تكيت. زين بنفاذ صبر: خلاص خلاص، كلي بإيدك. أميرة شمرت إيديها ومسكت البيتزا وبدأت تاكل. أميرة: البيتزا دي ملظلظة. زين: مل مي إيه؟ بتقولي إيه انت؟ أميرة: ملظلظة. زين بنفاذ صبر: رمسنه؟ رومانسية؟ أميرة: يا زين، مفرقتش. زين بعصبية: لا بتفرق، بتفرق عشان هتحبلي الضغط، وسيبي الزفت الأكل وركزي معايا.

أميرة: أهو سبته، احكي؟ زين: احكي! لا ده انتي دبش وش، يعني احكي إيه بقى، الله يسامحك، كلي أحسن يا أميرة.. عوضي عليك يا رب. أميرة: سمعتك، فاكرة، هيعوضك بمين أحسن مني يا زين.