رواية احببت ملتزمة الفصل الرابع والعشرون 24 - بقلم ملك احمد

زين كتب على منديل كتب الكتاب: "إلى حبيبتي المدللة التي تسكن في كتفي الأيسر تحديدًا في قلبي. أحبك." 🤍🫶🏻 Flash back…. بعد مرور أسبوع. في القاعة. رضوى: مبارك يا جميلة. ملك: الله يبارك فيكِ. مروان: مبارك. يوسف: الله يبارك فيكم. مروان: خطوبة رحاب أختي بعد بكرة، وأكيد هتشرفني أنتِ وملك وأميرة وزين وعم محمد، وأكيد طنط هدى. بسمة: إيه يا مروان، ومافيش طنط بسمة وعمو أحمد؟ مروان ضاحكًا: أكيد، أنتوا تنورونا.

زين: بما إن كله بيعزم على كله، كتب كتابي أنا وأميرة بعد أسبوعين، وأكيد كلكم معزومين. هاشم: ده أكيد يا بني، هنيجي من غير عزومة. زين: ربنا يعزك يا عمي. محمد: لو خلصتوا كلام، خليهم يلبسوا الدبل ونخلص. زين بنفاذ صبر: ماشي يا جماعة، يلا عشان هيلبسوا الدبل. والدة يوسف لبست ملك الخاتم. والدة ملك لبست يوسف الدبلة. _🤍🍁. في منزل أميرة أحمد. أميرة: لا، بس كان يوم جميل. ملك: كان يجنن.

بسمة: بس مكنتش عجباني الولية الصفرا هدى هانم. أميرة: حرام يا ماما، أنتِ كده بتغتابيها. بسمة: ما هي فعلاً حرباية. أميرة: برضو حرام! كده بتغتابيها. طيب هسألك سؤال، تحبي تاكلي لحمة معفنة؟ بسمة: لا لا طبعًا، يعع! إيه ده؟ أميرة: "وَلَا يَغْتَبْ بَعْضُكُمْ بَعْضًا ۚ أَيُحِبُّ أَحَدُكُمْ أَنْ يَأْكُلَ لَحْمَ أَخِيهِ مَيْتًا فَكَرِهْتُمُوهُ ۚ وَاتَّقُوا اللَّهَ ۚ إِنَّ اللَّهَ تَوَّابٌ رَحِيمٌ" (من سورة الحجرات -آية 12)

بسمة: صدق الله العظيم. خلاص يا بنتي، مش هجيب سيرة حد. صوت رنين الهاتف يعلن وصول رسالة من الـ messenger الخاص بأميرة. "كاجلين ملاك" كل الحاجات اللي قلتيها دي نصها بتتحل بالفلوس، والنص التاني ممكن نروح لدكتور نفسي وهتحسي بالهدوء والسلام. كلها حاجات ينفع تتعمل على الأرض، مش مغرية خالص. "أميرة" فلوس؟ هتقدري تجيبي لي بالفلوس حياة ما أموتش فيها أبدًا؟ دكتور نفسي؟

إيه أنتِ متناقضة. يعني الدكتور النفسي هيقول لي ارتاحي عادي. مشوفتيش الرسول صلى الله عليه وسلم؟ مش مهم. مشوفتيش عائشة؟ مش مهم. مشوفتيش الله؟ مش مهم. ما أنا مش هقابل ربنا غير لما أموت، ولو قابلته بأعمال محرمة مش هشوفه، حتى هدخل النار. بس. "كاجلين ملاك" "الأهم من ده، نفسك تشوفي ربنا وتتكلمي معاه وتقولي له إيه؟ أنا بس، كفايا عليا شوفته.

هتكلم معاه وهقول له: "يارب أنا جيت لك أهو بعد الأعمال الصالحة اللي عملتها عشان أقابلك بيها، وأنت بتبص لي ومش غضبان عليا يا رب." لكن هيبقى ليا وش أكلمه إزاي لو أنا ما أطعتش أوامره؟ ربنا مش هيكلمني ولا هينظر لي حتى. طب أنتِ متعرفيش عن يوم القيامة وأرض المحشر، يوم البعث؟ أحداث مفزعة هتحصل مستحيل حد يتحملها غير بأعماله الصالحة. شكلك متعرفيش عشان كده بتتكلمي كده.

الفلوس عمرها ما هتعوض. أول ما أدخل النار، ونار مش زي الدنيا دي. نار جهنم، وهأخلد فيها بلا موت. ده إحنا مبنستحملش لسعة كوباية الشاي. هستحمل نار جهنم اللي الشمس متجيش جنبها خمسين في المية. الفلوس يا ترى هتعوض ده لما أخلد في النار بلا موت؟ وساعتها أول ما أشوف جهنم: "وَجِيءَ يَوْمَئِذٍ بِجَهَنَّمَ ۚ يَوْمَئِذٍ يَتَذَكَّرُ الْإِنْسَانُ وَأَنَّىٰ لَهُ الذِّكْرَىٰ" (من سورة الفجر -آية 23)

وإنِّي له الذكرى، هتنفعني بإيه الذكرى ساعتها لما افتكر أعمالي البشعة؟ "يَقُولُ يَا لَيْتَنِي قَدَّمْتُ لِحَيَاتِي" (من سورة الفجر -آية 24) هقول: "يا ريتني قدمت لحياتي"، مش "في حياتي"، لأن دي مش حياتنا الأبدية. شوفي بقى كلام ربنا: "فَيَوْمَئِذٍ لَا يُعَذِّبُ عَذَابَهُ أَحَدٌ" (من سورة الفجر -آية 25) محدش هيشيل عني العذاب ساعتها، وأفضل بقى أتعذب خلود بلا موت.

تياااه، ده أنا مش حمل لسعة النار، هستحمل أفضل خالدة في النار. وكمان ربنا مش هيكلمني ولا هشوفه حتى، ويبقى غضبان عليا ويقول: "جروها في النار". "خُذُوهُ فَاعْتِلُوهُ إِلَىٰ سَوَاءِ الْجَحِيمِ (47) ثُمَّ صُبُّوا فَوْقَ رَأْسِهِ مِنْ عَذَابِ الْحَمِيمِ" (من سورة الدخان -آية 48) ياااه، هيتصب فوق رأسي من نار جهنم. وساعتها بقى أبص كده وأشوف أهل الجنة اللي أطاعوا ربنا في نعيم. "إِنَّ الْمُتَّقِينَ فِي مَقَامٍ أَمِينٍ (51)

فِي جَنَّاتٍ وَعُيُونٍ (52) يَلْبَسُونَ مِنْ سُنْدُسٍ وَإِسْتَبْرَقٍ مُتَقَابِلِينَ (53) كَذَٰلِكَ وَزَوَّجْنَاهُمْ بِحُورٍ عِينٍ (54) يَدْعُونَ فِيهَا بِكُلِّ فَاكِهَةٍ آمِنِينَ (55) لَا يَذُوقُونَ فِيهَا الْمَوْتَ" (من سورة الدخان) مش معقولة الدكتور النفسي هيحل ده. ده أنتِ لو روحتي لدكتور نفسي مسلم هيشتمك ويمشيكي، يقول لك: جنة إيه اللي في الدنيا؟

وأقل حاجة الدكتور النفسي نفسه هيوصفك مجنونة وعقلك فوت، وهيعالجك بس هيعالجك يرجعك لمخك ويعرفك إن الجنة حق والآخرة حق، والكلام اللي أنتِ بتقوليه ده كفر والعياذ بالله. استغفري ربك. ومهما قلتي مستحيل أقتنع بكلامك التخاريف ده. لأن انتي جاهلة أصلًا ومش عارفة تردي عليا. قلت لك: هاتي لي نعمة خلود بلا موت، مش عارفة تجيبيها. أما أختار الدنيا على أساس إيه؟ دنيا زايلة بموت فيها بعد 100 أو 50 سنة؟

ده في أطفال بيموتوا بعد 3 سنين بس. لا لا، دي دنيا مقرفة فعلًا. صدق ربي حين قال: "كُلُّ مَنْ عَلَيْهَا فَانٍ (26) وَيَبْقَىٰ وَجْهُ رَبِّكَ ذُو الْجَلَالِ وَالْإِكْرَامِ (27) فَبِأَيِّ آلَاءِ رَبِّكُمَا تُكَذِّبَانِ (28) (من سورة الرحمن) وأغلقت هاتفها. وما إن وضعته على المنضدة حتى سمعت رنين الهاتف يعلن وصول رسالة أخرى. "حور محمد" إزيك يا أميرة؟

أتمنى تكوني بخير. أنا حور، عندي 14 سنة، كنت عايزة البس الخمار بس أمي منعتني، بتقول لي: "انتِ لسه صغيرة". "أميرة" مفيش حاجة اسمها "انتِ صغيرة". ملك الموت مش بيفرق بين صغير وكبير. وافتكري قول الله تعالى: "وَلَوْ يُؤَاخِذُ اللَّهُ النَّاسَ بِظُلْمِهِمْ مَا تَرَكَ عَلَيْهَا مِنْ دَابَّةٍ وَلَٰكِنْ يُؤَخِّرُهُمْ إِلَىٰ أَجَلٍ مُسَمًّى ۚ فَإِذَا جَاءَ أَجَلُهُمْ لَا يَسْتَأْخِرُونَ سَاعَةً وَلَا يَسْتَقْدِمُونَ"

(من سورة النحل -آية 61) لو مش خايفة على نفسك، خافي على أبوكِ، لأنه مكتوب على باب الجنة: "لا يدخلها ديوث". وبملابسك الضيقة وعدم لبسك للحجاب الشرعي، مش هيدخل أبوكي الجنة! وكل راعٍ مسؤول عن رعيته. وأبوكي وأمك هيتسألوا عليكِ. "وَقِفُوهُمْ إِنَّهُمْ مَسْئُولُونَ" (من سورة الصافات -آية 24) والسلام. _🤍🍁. بعد يومين. أميرة: مبارك. رحاب: الله يبارك فيكِ. زين: مبارك. مهند: الله يبارك فيك. زين، أنا آسف على آخر مرة.

زين: فاهم ومسامحك يا مهند. مهند حضن زين. مهند: أنا آسف يا زين، آسف. زين: خلاص، حصل خير. مهند: ما شاء الله، طالعة أحلى من القمر. رحاب: مهند! مهند: يقلبها. رحاب: يوه، كسفتني خلاص. وبعدين، حد يبقى عيونه خضرة زيك ويقول لي: "أنا اللي حلوة". مهند: ما هو بصراحة، مفيش حلو غيرك. والدة رحاب لبست مهند الدبلة. والدة مهند لبست رحاب الخاتم. في المستشفى. يوسف: ملك، إيه اللي جايبك؟ ملك: بشتغل. يوسف: أنا مش قلت مفيش شغل؟

معقولة تبقي خطيبتي وتشتغلي ممرضة؟ ملك: يوسف، أنا مش هسيب شغلي. وحتى لو مشيت من هنا، هشتغل في مكان تاني. يوسف: لأ، هتسبيه خالص. أنا مش هسمح إن مراتي المستقبلية تشتغل أبدًا. وبعدين، ما أختك أميرة مش شغالة عشان خاطر زين؟ ملك: أنا ماليش دعوة بأميرة. أنا هطلع جرافيك ديزاين وكاتبة. يوسف: ناقص قد إيه وتبقي جرافيك؟ ملك: سنتين. يوسف: لما تتخرجي بعد سنتين، يبقى يحلها ربنا. دلوقتي مفيش شغل. ملك: وأجهز نفسي منين؟

يوسف: أنا هاخدك بشنطة هدومك بس. كده حلو! ملك: طب وهجيب هدوم جديدة منين؟ يوسف: هاخدك كده من غير هدوم. ملك بصدمة: نعمم؟ يوسف: قصدي من غير شنطة هدوم. صفي النية. ملك ضحكت: أنا برضه. _🤍🍁. بعد مرور أسبوعين. زين: شكلي حلو؟ هدى: تجنن. زين: والله ما في حد غيرك يجنني. يوسف: أنا بقالي كتير فعلًا محتار، ألبس أنهي بدلة؟ هدى: ده كتب كتاب أخوك على ما أظن. يوسف: أهو أنتِ قولتيها، أخويا. يعني لازم أظبط نفسي. زين: عشاني ولا عشان ملك؟

يوسف: يا زين، يا رخــم. زين: خلاص، سكتت. ماما، أنا متوتر أوي. أنا مش مصدق إن خلاص أميرة هتبقى مراتي رسمي، أنا فرحان أوي. هدى: ربنا يفرحك دايما. _🤍🍁. في منزل أميرة أحمد. أميرة: يلهوي على التوتر! هنفجر من كتر التوتر. أنا فرحانة جدًا، أخيرًا هبقى مرات زين رسمي. ملك بضحك: أيوه، ويحضنك الحضن المعتاد بعد كتب الكتاب. أميرة بخجل: يحضن مين؟ أنتِ هبلة؟ ده أنا أكسر دماغه. انسى، مفيش الكلام ده بعد الفرح بإذن الله.

ملك بتضحك، وبسمة دخلت. بسمة: انتوا لسه بتضحكوا؟ الناس زمانها مستنيانا. اتحركي يا بت! أميرة: حاضر يا ماما. أهو. بسمة بدموع: واخيراً بقيتي عروسة. ملك بمرح: سيبي لي أنا اللقطة دي، عنكم. أميرة بدموع وتمثيل: واخيراً بقيتي عروسة، كبرتي إمتى بالسرعة دي؟ يعني خلاص هتفارقيني؟ يااااه. ملحقتش تكمل الكلمة، كانت بسمة ادتها قلم. ملك بعصبية: الله! إيه ده؟ بسمة بضحك: أحسن عشان تقلديني تاني. أميرة حضنتها: حقك عليا يا ملوكة.

محمد: يلا يا جماعة، عشان اتأخرنا على الناس أوي والمأذون وصل. _🤍🍁. في منزل زين محمد. إسمهان: زين بيه، العروسة وصلت. زين اتجمد مكانه. يوسف بضحك: إيه يبطل مالك؟ زين: لا، أنا حاسس إني هعيط فعلاً. أميرة هتبقى مراتي رسمي، ياااه، ده حلمي من سنة يا يوسف. يوسف: والحمد لله هيتحقق، يقلب أخوك. زين: الحمد لله. يوسف: طب يلا بينا عشان ننزل. يوسف وزين نزلوا.

زين عندما رأى أميرة، سرعان ما أصبح قلبه ينبض بسرعة كبيرة. كان ينظر لها وكأنه غير مصدق أنها ستكون زوجته خلال دقائق. أميرة كانت خجولة جدًا، وأول ما شافت زين، قلبها بدأ ينبض بسرعة كبيرة وارتبكت. أحمد: زوجتك ابنتي أميرة. زين: قبلت زواجها. بعد دقائق أخرى. زين كتب على منديل كتب الكتاب: "إلى حبيبتي المدللة التي تسكن في كتفي الأيسر تحديدًا في قلبي. أحبك." 🤍🫶🏻 المأذون: بارك الله لكما وعليكما وجمع بينكما في الخير.

تعالى الزغاريط والتصفيق، وها هو زين يتقدم نحو أميرة ويقوم بتقبيل رأسها. أميرة بابتسامة: خلي بالك، بعد كده هتقولي يا وحش الكون. زين: أنتي مش وحش الكون، أنتي الكون كله.♥️ أميرة قربت منه: أنا ظلك وضيِّك، وأنا التي تحبك للأبد.♥️