رواية احببت ملتزما الفصل العشرون 20 - بقلم سلمي فكري

فاتن وابتسام راحوا لرعد المستشفى عشان يشوفوا هيخرج امتى وإيه اللازم. ابتسام: هو يقدر يخرج امتى يا دكتور؟ الدكتور: ممكن أكتب له على خروج بس على شرط. فاتن: إيه يا دكتور؟ الدكتور: الراحة التامة وبلاش حركة كتير. ابتسام: بإذن الله يا دكتور. سلام عليكم. الدكتور: وعليكم السلام ورحمة الله وبركاته. راحت ابتسام ومامتها لرعد ودخلوا لقوا أصحابه قاعدين معاه، أحمد وأدهم. فاتن: ليه تعبتوا نفسكم بس؟

أدهم: تعب إيه بس يا طنط، ده رعد أخونا. أحمد: مفيش تعب، ده على راسنا من فوق. فاتن: ربنا يديمكم لبعض يا حبايبي. ثم وجهت كلامها لرعد: وأنت أخبارك إيه دلوقتي يا حبيبي؟ رعد: الحمد لله يا أمي، أنا بخير. ابتسام: طب استعد بقى عشان هتطلع النهارده وهتروح معانا. رعد بفرحة: بجد يا ماما؟ الدكتور قالك ممكن أخرج؟ فاتن: أيوه يا حبيبي، هتخرج النهارده. أنا هروح أدفع مصاريف المستشفى وأجي. يلا يا ابتسام.

راحت تشوف حساب المستشفى والمصاريف. موظف الاستقبال: الحساب اتدفع يا مدام. فاتن: إزاي؟ إحنا مدفعناش حاجة. موظف الاستقبال: الحساب مدفوع باسم معاذ الشناوي. ابتسام: ماشي، شكراً لحضرتك. وطلعت فوق لرعد. رعد: ها يا أمي، دفعتي الحساب؟ ابتسام: معاذ الشناوي هو اللي دفعه. رعد: جدع جداً وشهم والله. فاتن: بس يا حبيبي لازم نرد له الفلوس دي. رعد: أكيد يا أمي طبعاً. أنا لما أخف بإذن الله هروح له عشان عايزاه في موضوع.

فاتن: ماشي يا حبيبي، يلا نمشي ولا إيه؟ أحمد: يلا يا رعد، خلاص هنوصلك ونروح الجامعة نشوف المحاضرات عشان لما تخف تاخدها مننا. رعد: طب يلا بينا. *** فيلا الشناوي معاذ بفرحة: بابا! يا بابا! يا حج أحمد تعال. أحمد: في إيه يا ابني؟ معاذ: ملك وافقت يا بابا، وافقت! أحمد: مبارك يا ابني. قلت لأختك تفرح وتبارك لصاحبتها. معاذ: تقى تعالي بسرعة. تقى نزلت: في إيه يا معاذ؟ معاذ: باركيلي بقى، ملك وافقت. تقى: بجد؟ مبارك!

هروح أبـارك لها. معاذ: لا، خلينا هنروحلهم بالليل نتفق على كتب الكتاب وكده. تقى: ماشي يا حبيبي. أنا هطلع أرتاح شوية. *** في المكان المجهول بسمة: ها، حددوا معاد كتب الكتاب؟ إياد: لا، لسه هيحددوه النهارده. بسمة: وإحنا هننفذ امتى؟ إياد: أنا اتفقت مع صاحبي وقال لي ماشيين. بسمة: خلاص، ننفذ كمان يومين، أكون استعديت. *** رعد روح البيت وكان قاعد معاهم ومبسوط. فاتن: حبيبي. رعد: أيوه يا أمي. فاتن: اختك وافقت على العريس.

رعد: قصدك بشمهندس محمد؟ فاتن: أيوه يا حبيبي. ابقى اتصل بيه وبلغه. رعد: حاضر يا أمي. *** في فيلا الشناوي معاذ: يلا يا تقى، هنتأخر. تقى: نازلة أهو يا معاذ، اصبر. معاذ: يلا يا بابا. أحمد: يلا يا ابني. وراحوا لبيت ملك وكان في استقبالهم أبو ملك. أبو ملك: نورتونا، واللهم بارك. معاذ: بنورك يا عمي، البيت منور بأهله. تقى: أنا هروح أنادي على ملك، عن إذنكم. ودخلت تقى لملك ونادتها تيجي. تقى: يلا يا عروسة عشان تطلعي.

ملك: بس متوترنيش أكتر، أنا خايفة. تقى: متخافيش، أخويا مش بيعض. ملك: ده أنتِ باردة أوي. تقى: يلا يا أختي، قدام. وطلعوا بره. معاذ: إيه رأيك يا عمي؟ حابب ملك تعيش معانا ولا آخد لها بيت مستقل؟ أبو ملك: اللي تشوفه يا ابني. معاذ: اللي يريحها يا عمي هعمله. إيه رأيك يا ملك؟ ملك: اللي تحبوه. أنا أهم حاجة عندي إنك تعاملني بما يرضي الله وتتقي ربنا فيا.

معاذ: وأنا أوعدك عمري ما هزعلك. خلاص يا عمي، إحنا نعيش في الفيلا بتاعتنا، لو ملك مرتاحتش آخد لها بيت لوحدها. اتفقنا ولا إيه؟ ملك: ماشي، أنا موافقة. أبو ملك: ومعاد كتب الكتاب امتى؟ معاذ: إيه رأيك يا عمي، الخميس ده ولا اللي بعده؟ أبو ملك: مش بدري كده يا ابني، كده مش هنلحق نجهز نفسنا. معاذ: لا يا عمي، أنا عايز ملك بشنطتها. أبو ملك: إزاي يا ابني، مينفعش. معاذ: يا عمي، الفيلا جاهزة. أنا هجهز جناح خاص بينا لوحدنا، متقلقوش.

قعدوا يتكلموا في التفاصيل. *** محمد قاعد في الشركة وتليفونه رن برقم غريب. رن، فرد عليهم. محمد: السلام عليكم. رعد: وعليكم السلام ورحمة الله وبركاته. أنا رعد يا محمد. محمد: أهلاً يا رعد، عامل إيه؟ رعد: الحمد لله بخير، وأنت؟ محمد: الحمد لله بخير. رعد: طبعاً أنت عارف أنا متصل ليه، وأكيد مستعجل على الرد. محمد بضحك: أكيد طبعاً. رعد: مبارك عليك أختي. محمد: وافقت بجد؟ رعد: أيوه وافقت.

محمد: خلاص، أنا هشوف معاد مناسب وأجي نتفق. رعد: تمام، اتفقنا. في رعاية الله. محمد: في رعاية الله. محمد: وعليكم السلام ورحمة الله وبركاته. معاذ: غريبة إنك بتتصل بيا. محمد: عشان تيجي خطوبة أخويا. معاذ: وافقت؟ محمد بغرور مصطنع: أكيد، وهتلاقي زيي فين؟ معاذ بسخرية: مشكلة الثقة بس. المهم، شوف هتحدد المعاد امتى وبلغني. محمد: ماشي يا حبيبي، ربنا يديمك لي. معاذ: يا رب يا أخويا.

وقفل معاه وقال يروح يشوف أخته ورأيها في أسر وهتعمل إيه. خبط عليها ودخل. معاذ: الجميل بيعمل إيه؟ تقى: كنت قاعدة على الفيس شوية وبـأريح. معاذ: قوليلي بقى إيه رأيك في أسر؟ تقى: بصراحة يا معاذ، كده أنا…