رواية احببت ملتزما الفصل الحادي عشر 11 - بقلم سلمي فكري

راح معاذ للمكان اللي الشخص قاله عليه. اتصدم لما لقي اخته مرمية على الأرض ورعد جنبها مش عارف يعمل إيه. معاذ بصدمة: رعد! انت بتعمل إيه هنا؟ رعد: أنا كنت مخطوف مع أختك. معاذ: مخطوفين إزاي يعني؟ رعد حكاله اللي حصل: دا اللي حصل، بس مش فاهم أختك إيه علاقتها بالناس دي. معاذ: أنا برضه مش عارف إيه السبب. راح لمعاذ لاخته بسرعة، شالها وداها المستشفى. رعد راح معاه واطمنوا عليها. معاذ: أنا آسف يارعد، مش عارف أقولك إيه والله.

رعد: إيه اللي بتقوله ده؟ إحنا إخوات يا ابن الناس. معاذ: طب يلا تعالى أوصلك. *** عند ملك في البيت. ملك: يابنتي اهدي ونامي، والصبح هتطمني عليها. ملك: مش ههدي إلا لما أطمن عليها. ورنت عليها تاني. ملك: الوو! تقى؟ انتي كويسة؟ ياحبيبتي، انتي فين؟ قلقتيني جامد. اتصدمت ملك لما لقت معاذ هو اللي رد عليها. معاذ: السلام عليكم. ملك بارتباك: وعليكم السلام ورحمة الله وبركاته.

معاذ: اطمني ي آنسة ملك، تقى كويسة. كانت مخطوفة وأنا مروح بيها البيت دلوقتي. ملك: الحمد لله، شكراً. معاذ قفل مع ملك. وصل رعد لحد البيت. معاذ: شكراً يارعد على اللي عملته مع أختي. رعد: هنعيد ونزيد ولا إيه؟ إحنا إخوات، وأي حد مكاني هيعمل كده. يلا في أمان الله. معاذ: في أمان الله. وروح معاذ البيت. لقي أبوه مستنيه وقلقان. أحمد: خير يابني؟ في إيه؟ أختك مالها؟ معاذ: مفيش يابابا، هي تعبانة ونايمة. هطلعها فوق وأنزل لحضرتك.

معاذ طلع تقى ونيمها على السرير. ونزل لوالده. أحمد: أختك كانت فين؟ معاذ: مخطوفة. أحمد: إنت بتقول إيه يابني؟ معاذ: اللي حضرتك سمعته يابابا. كانت هتتخطف ورعد حاول يلحقها، خدورهم هما الاتنين وخطفوهم. أحمد: هما مين دول يابني؟ معاذ: مش عارف يابابا. لما تصحى تقى. *** في المكان المجهول. مجهول (1) : مش فاهم، إنت سبتهم ليه يمشوا؟

أسيل: لو كنا خطفناهم، كان زمان معاذ باشا قلب عليها الدنيا ووصل لينا. لكن إحنا عاوزين ندمره من غير ما يعرف. مجهول (1) : وتفتكري هو مش هيعرف؟ أسيل: ي غبي! هو مش هيجي في باله أصلاً إني ممكن أعمل كده. مجهول (1) : أما نشوف. *** تاني يوم، تقى فاقت. لقت نفسها في بيتها. فكرت نفسها بتحلم وخلاص. لقت أخوها دخل عليها. معاذ: الجميل أخبارُه إيه النهارده؟ تقى: الحمد لله تمام. معاذ: ملك صحبتك مبطلتش رن عليكي بالتليفون.

تقى: هو تليفوني فين؟ معاذ: معايا من امبارح، من ساعة ما ودّيتك المستشفى. تقى: يعني مكنش حلم؟! معاذ: هو إيه ده؟ تقى: إنت اتخطفت وصاحبك اتخطف معايا لما حاول ينقذني. معاذ: لا، دا حقيقة. احكيلي اللي حصل هناك. تقى حكتله اللي حصل. ومعاذ فهم إن ده حد عاوز يأذيه هو مش أخته. معاذ: طب خلي بالك من نفسك بعد كده ي حبيبتي. هتروحي الجامعة ولا تعبانة؟ تقى: أووووه! إيه ده؟ عربيتي واللبس؟ معاذ: عربيتك جبتها، واللبس في الدولاب. متقلقيش.

تقى: ربنا يديمك ليا ي أحلى أخ. هغير هدومي وأوريك الاستايل الجديد. معاذ: ماشي ياقلبي. ونزل يستنى تقى تحت. وتقى فوق اختارت فستان لونه بنفسجي. ولبست طرحة وطولتها. وكان شكلها شبه الأميرات بالظبط. أول ما نزلت لأخوها. معاذ بانبهار: ملكة بجد. مش ناقصك غير التاج. تقى: بجد حلو ي معاذ؟ تقى: كل بعقلي حلاوة كمان. أنا هروح بقى، أحسن اتأخرت على البنات. ومشت تقى راحت الجامعة. وأول ما راحت لأصحابها استغربوا لبسها.

جداريم وندي بصدمة: هو إنتي تقى بجد؟ تقى بهزار: لا، دا الشبح بتاعي. ندي: غريبة ي تقى، غيرتي استايل لبسك ليه؟ ريم: بس قمر يابت! إيه الحلاوة دي! تقى: قررت أتغير وأقرب من ربنا بجد وأبقى إنسانة تانية. ريم: ربنا يثبتك ياقلبي. وهنا جت ملك وحضنت تقى جامد. ملك: قلقتيني عليكي. حصلك إيه امبارح؟ احكي بسرعة. ندي: في إيه؟ تقى: أصل... وحكتلهم اللي حصل. وفجأة...