رواية احببت ملتزما الفصل الثاني عشر 12 - بقلم سلمي فكري

تقى وهي بتحكي لهم جت عليها أسيل فجأة. أسيل: إزيك يا تقى أخبارك؟ تقى: الحمد لله، أخبارك؟ اقعدي معانا. أسيل: شكراً. ملك: أهلاً بيكي. أسيل بابتسامة مصطنعة: أهلاً. أسيل: إنت كويسة يعني؟ تقى: آه. أسيل: لا بطمن بس. *** في فيلا الشناوي. معاذ: احم، بابا عاوز أقولك على حاجة. أحمد: قول يا ابني، في إيه؟ معاذ: أنا عاوز أتجوز. أحمد: بجد؟ مبارك، مين بقى؟ معاذ: ملك يا بابا، صاحبة تقى.

أحمد: ونعم الاختيار يا ابني، البنت أدب واحترام وأخلاق. معاذ: عشان كده يا بابا اخترتها. *** في الشركة. محمد دخل عند ابتسام مكتبها. ابتسام: خير، في حاجة يا بشمهندس؟ محمد: معاد البريك مش هتنزلي تتغدي ولا إيه؟ ابتسام: لا ميرسي، هطلب من البوفيه. محمد: طب أنا عاوز رقم والدك. ابتسام: أفندم؟ محمد: رقم والدك. ابتسام: تمام، اتفضل. محمد: أوعي تنسي تروحي تاني. ابتسام ضحكت: لا طبعاً مش هنسى. محمد: تعرفي إن ضحكتك حلوة أوي.

ابتسام اتكسفت، وشها احمر وبصت في الأرض. محمد: آسف، مقصدش. عن إذنك. *** معاذ راح لوالد ملك وطلب إيدها، واداله، وقاله يجيب والده بالليل. ولما ملك روحت: ملك: بابتي حبيبي. أبو ملك: حبيبتي بابا، تعالي جنبي. مش بنوتي كبرت وجالها عريس. ملك: عريس إيه يا بابا، لسه بدري. أبو ملك: شوفيه الأول، ممكن تغيري رأيك. هو جاي بالليل هو وأهله. ملك: حاضر يا بابا. ودخلت أوضتها بتفكر ف العريس ده، وحاسة بارتباك وقلبها بيدق بطريقة غريبة. ***

محمد أخد رقم والد ابتسام. محمد: السلام عليكم. إبراهيم: وعليكم السلام، مين؟ محمد: أنا بشمهندس محمد، مدير آنسة ابتسام في الشغل. إبراهيم: خير يا ابني، في حاجة؟ محمد: عاوز أطلب إيد الآنسة ابتسام بنت حضرتك. إبراهيم: تشرفنا يا ابني. محمد: هاجي لحضرتك بكرة بالليل مع معاذ أخويا. *** في فيلا الشناوي. تقى روحت من الجامعة، لسه هتطلع أوضتها. معاذ: تقى استني. تقى: إيه يا معاذ؟ معاذ: باركيلي، هتجوز. تقى نطت حضنته: بجد هتتجوز؟

معاذ: أه، هروح أخطب النهارده، وعاوزك معايا. تقى: مين بقى سعيدة الحظ دي؟ معاذ: مش هتصدقي. تقى: يبقي أكيد ملك. معاذ: مجنونة، عرفتي منين؟ تقى: عيب عليك، دا أنا أفهمها وهي طايرة. معاذ: طب يلا يا فيلسوفة، اجهزي عشان هنروح النهارده الساعة 7. تقى: إيه ده؟ معاذ: إيه؟ تقى: اش تقلق ي صحبي، هكون أحلى من العروسة. معاذ: أنا حاسس إنك سواق توكتوك. تقى: أنا مش هرد عليك عشان مستوايا ميسمحليش.

وطلعت فوق أوضتها تجهز، ونزلت لأخوها ومشوا.