رواية احببت من لا يعرف الحب الفصل الأول 1 - بقلم لمياء رفعت

جاااااامده اوي البنت دي. هو بنات حلوين بالشكل والجمدان ده فالمنطقه؟ كريم بعصبيه: بلاش البنت دي يا طارق. طارق: ليه بلاش؟ البنت جامده اوي. أنا أول مره أشوف بنت بالجمال ده كله هنا فالبلد دي. الواحد على كده ماكنش بيشوف بنات هنا ياأخي. كريم مسك

قميص طارق وشده جامد وبقوة: قولتلك بلاش البنت دي. انت مفيش أكتر من البنات في حياتك، وبدل البنت بتعرف ألف، بلاش البنت دي. حرام عليك يااخي. البنت دي يعتبر طفلة، دي عندها ١٧ سنة يعني صغيرة. افهم. طارق: صغير بس ياحبيبي ههههههه. وبعدين مالك كده ياكريم؟ من امتى انت تعرف الحلال والحرام؟ ولا يمكن الصاروخ ده عاجبك؟ كريم: افهمها زي ماتفهمها. والبنت دي صدقني إن قربت منها أنا هانسى إنك صاحبي ومش هايبقى فيه بينا غير الدم.

طارق: لدرجه دي ياكريم؟ كريم: واكتر من كده. طارق: اعمل اللي يعجبك. البنت دخلت دماغي وما أفتكرش هعرف أخرجها من دماغي... سلام. معتز: صحيح إنه عيل واطي. المصيبة دلوقتي إنه مفيش بنت بيحاول يكلمها إلا لما بيوصلها. كريم: مايقدرش يكلمها. ولو حاول مش هيحصل. طيب وبعدين؟ متنساش يا معتز إن لمار محترمة ومالهاش في جو الشباب.

معتز: عارف يا صاحبي. بس المشكلة إن الواطي ده معروف أهله مين وعامل ابن ناس على صيت أهله. ومفيش بنت بتشوفه إلا لما بيعجبها. عمتا ربنا يسترها. بس قولي إنت مالك كده ياكريم؟ خايف عليها؟ كريم: أنا بحب البنت دي أوي يا معتز. معتز: طيب ماتروح تكلم أبوها. كريم: أكلم مين يابني؟ انت ناسي هي مين وبنت مين؟

معتز: لا عارف. وكلنا بلد واحدة والناس هنا كلها تعرف بعض واحنا منطقة واحدة. وبعدين هما يعني ناس عادية مش لدرجة يعني ياكريم في المستوى المادي. يعني كويسين زي أي حد فينا. كريم: المشكلة مش في المستوى المادي يا صاحبي. المشكلة في إنها متعلمة وأنا مش متعلم. في إن أبوها مركز وأنا ولا حاجة. انسى الموضوع أصلاً. عارف إنها لا ليا ولا أنا ليها. بس ده مايمنعش إني أخاف عليها.

معتز: في بالي معاك حق ياكريم. هو مين أصلاً شاف البنت دي وما عجبتوش؟ البنت دي صاروخ فعلاً. كريم: مالك يا معتز؟ انت مش معايا خالص. معتز: بستغرب يا صاحبي. أصل من شوية كنت نازل في طارق غلط علشان بتاع بنات. مع إن انت كمان بتاع بنات وخايف على لمار ليقرب منها طارق مع إنك بتقول إنك بتحبها. وبرضو انت كمان بتكلم بنات زيه.

كريم: البنت دي مش زي اللي نعرفهم يا معتز. البنت دي بريئة أوي. وحرام كلب زي طارق يقتل طفولتها. انت عارف كويس إيه اللي بيحصل لما بيوصل لبنت. لمار: ماشية في الشارع ورايحة الدرس بتاعها. طارق: شافها وركب عربيته ومشي وراها بدون ما تاخد بالها. لمار: دخلت المكتبة بتشتري قلم. وهي خارجه. شاب راكب فيسبا وماشي جنب لمار بيعاكس فيها: هو في جمال كده؟ طيب اسمك إيه يا جميل؟ لمار: وقفت. مابلاش قلة أدب وامشي في طريقك.

الشاب اللي بيعاكس: بصراحة مقدرش أشوف حد قمر كده وأمشي في حالي. طارق نزل من العربية: إنت ماسمعتش الآنسة قالتلك إيه؟ المعاكس: بصوت عالي وانت مالك؟ انت مين أصلاً؟ والناس اتلمت في الشارع. لمار: حست بخوف خصوصاً إنهم في منطقة شعبية. طارق: أخد باله من نظرتها وخوفها... فحب يلم الموضوع مع إنه كان حابب يضرب المعاكس. طارق: إنا مالي إيه يا متخلف؟ إنت خطيبتي ماشية في حالها وانت بتضايق فيها وبتقولي إنت مالك؟

لمار بذهول: إيييييييييييه؟ طارق: اهدي يابابا مفيش حاجة. الناس: ماتخليك محترم وبلاش تضايق بنات الناس. المعاكس: أنا آسف. حقك عليا يا آنسة. حقك عليا يا أستاذ. السلام عليكم. الناس مشت. لمار: انت إزاي تقول إني خطيبتك؟ طارق: وسند على العربية بإيده. آمال كنتي عايزاني أقول إيه لما قالي انت مالك؟

كنت أكيد عايز أضربه وأقول إني معرفكيش وده عمل بطولي مني لبنت ماشية في الشارع. لكن الخوف والنظرة اللي شوفتها في عينيكي هي اللي خلتني أعمل كده. لمار: بصتله من فوق لتحت بغرور وسابته ومشيت على الدرس. طارق: هههههه. كله وحدة وحدة. أصل مش طارق حسين اللي مفيش بنت ماتقعش فيه لما تشوفه.