رواية احببت منقبة الفصل الثاني 2 - بقلم روان عماد

الشخص رفع إيده وهيضربها. شخص مسك إيده. الدكتور: مش عيب تمد إيدك على بت؟ الشخص: هي قليلة الأدب. حبيبة: كداب يا دكتور، والله هو خبط فيها وكمان شتمها. خديجة: خلاص يا حبيبة، يلا بينا. الدكتور: وأنت لو شفتك بضايق أي بت هنا، اعتبر نفسك اتعرفت من هنا. الشخص: أترفد مين يا دكتور؟ أنت متعرفش أنا ابن مين. الدكتور: حصلنا القرف، يلا غور من هنا. والولد مشي، وحبيبة مشيت. نستعرض الدكتور.

مهند من عيلة محترمة أوي، وعنده شركة بيشتغل فيها مع دراسة الجامعة. عنده 24 سنة، بيحب شغله أوي، جسمه رياضي وعينه خضرا. وصل مهند الشركة في المواعيد. السكرتيرة: أيوه، في معاد الساعة 3. مهند بعصبية: طيب، ومدخليش حد لحد الساعة 3، وهاتيلي قهوة على مكتبي. السكرتيرة بخوف: حاضر. عند خديجة وحبيبة. حبيبة: خوخة، سلام أنا بقى، تعبت أوي انهارده. خديجة: خلاص سلام، وأنا هروح عشان اتأخرت على ماما أوي. حبيبة: سلام.

في مكان تاني عند الأم. فاطمة (الأم) : خديجة اتأخرت ليه كدا؟ يارب استر معاها. خديجة وصلت البيت. خديجة: يا بطوط، أنا جيت يا بطوط. الأم: في إيه يا مجنونة؟ أهدي، واتأخرتي ليه كل دا؟ خديجة في سرها: أنا لو قلت ليها على اللي حصل ممكن تقلق عليا، كدا خلاص مش هقول. الأم: خديجة اتأخرتي ليه كل دا؟ خديجة: يا بطوط، مكنش في مواصلات والدنيا كانت زحمة أوي، وبعدين يا بطوط أنا جعانة. الأم: خلاص روحي أوضتك وصلي واغسلي إيدك وتعالي.

خديجة: حاضر يا بطوط. يا بطوط بقولك. الأم: قولي. خديجة: أدهم رن عليكي انهارده. الأم: لا يا بنتي. خديجة: ماشي يا بطوط، هكلموا أنا. الأم: خلاص بعد الأكل. خديجة: ماشيين. نروح عند مهند. يونس: مهند موجود جوه؟ السكرتيرة: أيوه موجود ومتعصب أوي. يونس دخل عند مهند. يونس: مهند أخويا. مهند: عاوز إيه يا يونس؟ لو جاي عشان تهزر، أبعد عني عشان مش طايق نفسي. يونس: مالك يا ابني؟ في إيه؟

مهند: في واحد عندي في الكلية كان هيمد إيده على بت، والبجح بيقول: أنت مش عارف أنا ابن مين. يونس: طب ما يعمل اللي يعملوا، وأنت مالك؟ مهند بعصبية: أنت عبيط؟ هو أي يعمل اللي يعلموا؟ إزاي أصلاً يمد إيده عليها؟ يونس بخبث: ليه؟ وهي كانت تخصك في حاجة؟ مهند: أيوه تخصني. يونس: أوعاااااااااا، شكلك وقعت يا ابني. احكيلي شكلها إيه؟ مهند: منقبة وعيونها عسلي فاتح، وتحسها مختلفة عن الكل. يونس: والله وجه اليوم اللي مهند وقع فيه.

عند خديجة بترن على أدهم ومش بيرد، وتبعت رسايل ومش بيرد. الأم بقلق: جربي تاني كدا. خديجة بتوتر بس مش عاوزة تبين: مش بيرد برضو. وفجأة الباب خبط. خديجة: بطوووووط تعالي.