رواية احببت منتقبة الفصل العاشر 10 - بقلم ياسر الانصاري

مصطفي. عندك حق في كل ده، بس عاوز تقول إيه؟ صهيب أخد نفس عميق. عاوز أكتب الكتاب النهاردة. الكل في حالة استغراب واندهاش من كلام صهيب. مصطفي. إزاي بس يا ابني، الاستعجال وحش، وبعدين إحنا قولنا للناس إنها خطوبة مش كتب كتاب. صهيب. لأ يا عم مصطفي، الاستعجال في الحلال حلو. وبعدين فين المشكلة؟ الناس نفس الحفلة وهتبقى خطوبة وكتب كتاب. مصطفي. بس يا ابني، والله ما عارف أقولك إيه.

صهيب. أقولك أنا يا عمي. أنا فاهم كويس حضرتك فكرت في إيه، بس أحب أطمنك وأقولك، لأ، اللي بيحارب عشان حد لأ يمكن يسيبه. حضرتك فكرت إني ممكن في أي وقت أقولكم سلام عليكم ومش عاوز أكمل. طبعًا لو مخطوبة الأمر عادي، لكن لو مكتوب الكتاب هتبقى مطلقة وهي لسه بنت بنوت. صح يا عمي؟ مش ده تفكيرك؟ مصطفي. بصراحة أيوه يا ابني.

صهيب. وأنا بقى يا عمي هضمن لك حقوق بنتك كلها، مش أنها بس واحدة مكتوب كتابها ولسه بنت، لأ، كأنها متجوزة بقالها عشر سنين ومعاها ولاد كمان. مصطفي باستغراب. إزاي يا ابني؟ صهيب طلع شيك من جيبه وطلع قلمه ومضى عليه، وإنه الشيك ساري لحامله وساب رقم المبلغ فاضي. صهيب. عمي، ده شيك عياض بإمضتي وساري لحامله في أي وقت. اتفضل حط الرقم اللي يطمنك ويريح قلبك من ناحية حقوق بنتكم.

مصطفي ابتسم. عداك العيب يا ابني. الزهراء، إنتي إيه رأيك في كتب الكتاب الليلة؟ الزهراء. محدش يكره الحلال يا بابا، وانت أكتر حد عارف مصلحتي في. مصطفي. خلاص يا ابني، على بركة الله، كتب الكتاب الليلة. صهيب بفرحة. أيوه بقى، والله العظيم إنك عسلية يا عمي وهبوسك. قام صهيب بالفعل وباسه، وكلهم مبسوطين. مصطفي. الزهراء، خدي الشيك ده. الزهراء بصت لأبوها. مصطفي ضحك. اعملي اللي المفروض يتعمل يا بنتي.

الزهراء أخدت الشيك وهي بتبص لصهيب وقطعت الشيك 100 حتة. مصطفي. بص يا دكتور، أنا أمنتَك على بنتي لحمي ودمي، تفتكر هتفرق معايا الفلوس في حاجة؟ صهيب مصدوم ومبسوط من اللي شافه. ربنا يبارك لك يا عم مصطفي، أنا قولت أضمن حقها مش أكتر. مصطفي. وإحنا خلاص ضمنا حقها بأنها مع راجل بيحبها وبيخاف عليها. محمود. الناس خلصت برا. صهيب. حلو ده، هنطلع نشوفهم ونصلي العصر في الجامع ونشوف هنعمل إيه بعد كده. محمود. عاوزك تشوف لي مأذون.

محمود. من عيوني. صهيب. يلا بينا، جاي معانا الجامع يا عم مصطفي، وانت يا صابر. مصطفي قام هو وابنه صابر. يلا بينا. شافوا الشغل بتاع الليلة وعجبهم أوي. صلوا وخلصوا ورجعوا. صهيب. محمود، بعت الأتوبيسات عند الجماعة عشان يجوا. محمود. آه، بعت أتوبيس وكام عربية عند عيلة أمي وزيهم عند عيلة أبويا. صهيب. فل أوي. يروحوا البيت وكانوا حضروا الغداء، والرجالة أكلت مع بعض والحريم كذلك. مصطفي. ها يا دكتور، عاجبك أكل الزهراء؟

صهيب بضحك. والله يا عمي، الزهراء كلها على بعضها عجباني، جات على الأكل يعني. ضحكوا كلهم، وبعدها جه فون لمحمود من عمه المستشار أبو زيد. أبو زيد. أيوه يا محمود. محمود. عمي، عامل إيه؟ أبو زيد. بخير، بقولك إيه، إحنا في الطريق يا ابني وأنا وراهم أنا والعيال بعربيتي. محمود. في انتظاركم يا عمي. صهيب. إيه، اتحركوا ولا إيه؟ محمود. آه، اتحركوا. مصطفي. مين ده يا صهيب؟ صهيب. ده عمي المستشار أبو زيد أيوب.

مصطفي. تشرفنا بيه يا ابني. هو مستشار في إيه؟ صهيب. رئيس مجمع محاكم القاهرة. مصطفي. ما شاء الله، يا مرحب بيكم يا ابني. ومعاك أعمام غيره؟ صهيب. آه، اللواء فريد أيوب، لواء جيش. ومعايا عم ثالث اسمه ممدوح أيوب، بيشتغل مدير عام في التربية والتعليم. مصطفي. يا مراحب بيكم يا ابني. المغرب كان خلاص على أذان وأهل صهيب وصلوا، طلعوا كلهم يستقبلوهم. مصطفي. هنخلي الرجالة تحت يا صهيب، والستات فوق براحتهم.

صهيب. عمي، بس العدد كبير، أنا بفكر أشوف لهم أي استراحة أو أوتيل. مصطفي. والله عيب تقول الكلام ده، أوتيل وإيه؟ بيتي مفتوح، وبعدين العمارة كلها بتاعتنا ومفروشة وفاضية، يعني متقلقش. صهيب. والله ما عارف أقولك إيه، بس ألف شكر يا عم مصطفي. الناس وصلت والكل بيسلم، وصهيب بيعرف حماته وابنه على عيلتهم. دخلوه جوه يرتاحوا، والستات طلعت فوق، اللي كانوا مبهورين بجمال الزهراء.

هاجر عمة صهيب. تبارك الله، قمر يا بنتي والله، صهيب عرف يختار قمر للعيلة. الزهراء. ربنا يخليكي يا عمتي. الستات هيصت على الآخر، طبل ورقص وغيره. الرجالة تحت بيتكلموا. أبو زيد. وانت يا محمود بيه، مش ناوي تفرحنا ولا إيه؟ محمود. عشر أيام بالضبط يا عمي وهكون لابس الدبلة في وجود العيلة كلها. فريد عم صهيب. ربنا يتمم لك بخير يا صهيب انت ومحمود. المغرب أذن والكل راح يصلي.

خلصوا صلاة ورجعوا، وكانت الزهراء راحت الكوافير والمكان أصبح جاهز والمطعم بعت الوجبات. محمود. يلا قوم البس بقى، متخافش، إحنا مش هنطير يعني. صهيب. إنت شايف كده. مصطفي. كلام محمود صح، يلا قوم بقي. صهيب قام ومعاه محمود اللي فضل معاه في اللبس والتسريحة وكل حاجة. صهيب. إيه رأيك بقى يا ضنايا يا محمود؟ محمود. يا ضنايا؟ هعديها عشان ليلتك بس. ما شاء الله عليك يا صهيب، عريس عريس يعني.

صهيب بضحك. طب ما أنا عارف أخويا قليل ولا إيه؟ محمود. حلوة الثقة في النفس برضه. طب يلا بينا بقى. صهيب ومحمود اتحركوا وقابلوا الستات في وشهم، اللي فضلوا يزغرطوا ويهيصوا وأحضان وبوس لحد لما صهيب فصل منهم وبقى عامل زي حتة قماشة دبلانة. وصلوا تحت عند الرجالة والكل مبسوط. مصطفي. أم الزهراء كلمتني وقالت إنهم خلصوا خلاص. صهيب. جميل أوي أوي. خلاص نتحرك نجيبهم. مصطفي. طيب، هناخد الناس معانا ولا إيه؟

صهيب. والله ما عارف، بس على ما أعتقد لو فضلت هنا هيكون أحسن، ولا إيه رأيك يا عمي؟ مصطفي. عين العقل، كنت عاوز أقولك كده بس خوفت تفهمني غلط. صهيب. عم مصطفي، ممكن بعد إذنك تعاملني زي ما بتعامل الزهراء وصابر؟ هل في تعاملك مع ولادك بتحسب كل كلمة؟ أكيد لأ، خليني أنا زيهم. مصطفي بابتسامة. وأكتر منهم كمان يا ابني، وربنا يعلم. تحرك صهيب ومحمود وصابر عشان يجيبوا الزهراء. أول ما وصلوا الكوافير نزل صهيب وكلم أمه.

عائشة. تعالي يا صهيب خد عروستك. صهيب. لأ يا ماما، خليها تطلع، أنا مش هقدر أدخل في ستات جوة. عائشة. يا حبيبي، مفيش حد، دا قسم مختمرات ومنتقبات، يعني متقلقش. صهيب. حاضر يا ماما، أنا داخل أهو. ودخل صهيب وسلم على أمه وحماته وأخته. وأول ما وصل عند الزهراء كانت مدياله ضهرها، وفجأة بصت عليه. صهيب تاه فيها، مع العلم إنها لابسة النقاب. عائشة. يلا يا حبيبي، خد بإيد الزهراء واركبوا العربية. الزهراء لسه هتعترض، كان صهيب رد.

صهيب. لأ يا ماما، مينفعش أمسك إيدها بصفتي إيه؟ لحوا عليه كتير بس هو صمم، ومش بس كده قال: في العربية هدير هتركب ما بينا، وكلها دقائق وتبقى مراتي، وساعتها، وقام ضاحك بصوت عالي. الزهراء اتكسفت بس مبسوطة أوي أوي. تحركوا وركبوا العربية، وبمجرد ما وصلوا دخلو المكان بتاع الستات. صهيب سابها، ولسا هيخرج. مصطفي. والله العظيم ما يحصل، اقعد جنب الزهراء يا راجل، دي كلها دقائق وتبقى مراتك.

صهيب اتردد كتير، بس شاف بنت صغيرة تبقى بنت ابن عمه، وهو بيحبها، جابها وسلم عليها وباسها وقعدها بينه وبين الزهراء. الزهراء. كل يوم عن يوم بتكبر أوي في نظري وبتثبت لي حبك بالأفعال مش بالكلام. صهيب بابتسامة. وكلها دقائق ويبقى بالكلام والأفعال يا الزهراء. أنا عندي كلام كتير أوي حرمت على لساني أقوله في الحرام، بس كمان شوية هقوله بدون سيئة واحدة.

سابها وخرج. ارفعي نقابك ومتقلقيش، صابر واقف على الباب، ولما المأذون يوصل ونكتب الكتاب هدخلك تاني. الزهراء بفرحة. روح ربنا يكرمك يا شيخ. صهيب بضحكة. ويكرمك يا أختي. صهيب خرج وسلم على الناس وقعد معاهم شوية، كان المأذون وصل. المأذون. السلام عليكم ورحمة الله وبركاته. مصطفي. وعليكم السلام ورحمة الله وبركاته. نورتنا يا عم الشيخ. المأذون. الله يكرم أصلك يا حاج مصطفي. فين العريس والشهود؟ مصطفي نده صهيب ومحمود وصابر.

قعدوا يكتبوا الكتاب، وكانت الستات كلها خرجت بتتفرج، والزهراء كمان. المأذون. أين الشهود؟ صابر طلع بطاقته ومحمود كمان. المأذون لما شاف بطاقة محمود. المأذون وقف. يا أهلا بشوات بلدنا. محمود بيضحك. اقعد يا عم الشيخ، اقعد. المأذون. فين وكيل العروسة؟ مصطفي. أنا يا عم الشيخ. كتبوا الكتاب، وصهيب مضى في الدفتر، وباعتو الدفتر للزهراء عشان تمضي. قبل ما تمضي بصت لصهيب بلهفة ومضت.

المأذون. بارك الله لكم وبارك عليكما وجمع بينكم في خير. محمود خطف المنديل بسرعة. معلش يا جماعة، أنا محتاج كمان عشر أيام. الكل ضحك. صهيب وقف واستأذن من مصطفي. عم مصطفي، الزهراء خلاص بقت مراتي. مصطفي. آه يا ابني، بقت مراتك. روح لها. صهيب. اهدي يا بنتي، أنا عاوز أدخلك جوة، وبالفعل دخلها وضمن إني مفيش رجالة شايفاها. رفع لها النقاب بإيده. وتاه في جمالها وعيونها والكرز (شفايفها)

ومحسش بنفسه غير وهو بياخدها في حضنه أوي أوي لدرجة تكسير الضلوع. الزهراء مكسوفة أوي أوي بس مبسوطة وطايرة من الفرحة. صهيب خرجها من حضنه وبص في عيونها وقالها. ده أعظم انتصار ليا طول حياتي، أنا بحبك أوي أوي يا الزهراء. ولسه بيبص حواليه لقي حوالي 200 ست باصين لهم ومقربين منهم. صهيب اتكسف. طب طب أنا أنا، أيوه يا محمود جايلك أهو، وطلع جري.