رواية احببت منتقبة الفصل الحادي عشر 11 - بقلم ياسر الانصاري

خرجها من حضنه وبص في عيونها وقالها. دا أعظم انتصار ليا طول حياتي. أنا بحبك أوووووووووووي يا الزهراء. ولسا بيبص حواليه لقي حوالي 200 ست باصينلهم ومقربين منهم. صهيب اتكسف. طب طب أنا أنا أيواه يا محمود جايلك أهو. وطلع جري. قابله وهو طالع مصطفي. رايح فين يا عريس! صهيب. أنا أنا أه افتكرت كنت طالع أشرب مياه. مصطفي بيضحك. وعشان تشرب مياه تطلع برا بردو! انتا تطلب واحنا نجيبها لحد عندك. دا انتا عريس النهارده. يلا على عروستك.

وفضل يزوق في صهيب لحد لما وصله على الكوشة. مصطفي بضحك. إيه يا الزهراء من أولها كدا صهيب هيهرب منك! الزهراء مش عارفه ترد من كسوفها ومصطفي سابهم ومشي. الزهراء بقمصة. ينفع كدا جبتلي الكلام. صهيب. وأنا مالي؟ كنتي عاوزاني أعمل إيه في الموقف دا؟ كل اللي جيه في دماغي إني أسيبك وأجري. هما مش بيقولوا الجري نص الجدعنة. (وبيضحك) الزهراء بضحك. بصراحة أقنعتني. صهيب. أمااااااااال. المهم عاوز أقولك حاجة مهمة جدا. الزهراء بلهفة.

حاجة إيه خير؟ صهيب. إني بحبك من أول مرة شوفتك فيها. فاكرة يا زهراء لما خليتك تتكلمي وتعرفي نفسك؟ بعدها ندمت أوووووووووووي. الزهراء. ندمت ليه؟ صهيب. علشان خليت حد غيري يسمع صوتك يا الزهراء. الزهراء بضحكة. لا والله. صهيب. أه والله العظيم. مش عاوزة تقوليلي حاجة كدا ولا كدا. الزهراء بعدم فهم. زي إيه؟ صهيب. يعني عمال أقولك بحبك وبغير عليكي ومش عاوز حد غيري يسمع صوتك. وانتي صمم بكم. الزهراء بضحك. حلوة صمم بكم دي. صهيب.

بتغيري الموضوع؟ ماشي يا عم. الزهراء. صهيب؟ صهيب. معقولة اسمي حلو أوووووووووووي كدا؟ قوليه مرة كمان بالله عليكي. الزهراء بابتسامة. صهيب! صهيب. يخربيت أم جمال اسمي يا ناس. المهم كنتي عاوزة تقولي إيه؟ الزهراء. بص عاوزه تفهمني. أنا في حياتي ما كلمت شاب وبصراحة الموضوع جديد عليا. أنا عارفة إني دلوقتي مراتك قدام ربنا. بس عشان خاطري اديني وقتي ممكن؟ صهيب. ممكن واتنين وتلاتة كمان. أنا هطمع في إيه أكتر من وجودك جمبي أصلا.

الزهراء بفرحة. يديمك ليا. صهيب بلهفة. الله أكبر بدأت تندعي أهي. الزهراء بضحك. بس هتفضحنا. كانت راحت عندهم عائشة. عائشة. ها يا حبيبي مش ناوي تلبس عروستك ولا إيه؟ صهيب. لا طبعًا ناووووي وأووي كمان. عائشة. بس يا صهيب عاوز أقولك حاجة مهمة. صهيب. خير يا أمي. عائشة. أنا ملقتش دبل في العلبة. الزهراء بتضحك. الملتزمين مفيش عندهم دبل يا ماما. عائشة. دا بجد والله؟ أول مرة أعرف.

صهيب فتح العلبة وطلع خاتم كان الماس وهي اتفاجأت بيه. فص ع شكل قلب صغير كدا. بعدها لبسها توينز وكان في عقد بس قالها تلبسه في البيت. مينفعش دلوقتي. وطلع دبلته ولبستهاله الزهراء. الزهراء. الله جميلة أوووووووووووي الشبكة دي يا صهيب. ربنا يخليك ليا. صهيب. ويخليكي ليا يا حبيبي. بس شبكة إيه دي؟ مش شبكة دي هدية. الشبكة لسا هتنزلو تجيبوها على ذوقك. الزهراء. صهيب دا كتير أوووووووووووي. متحملش على نفسك. أنا مبسوطة خالص بدول.

عائشة. يا بنتي والله دي هدية مش شبكة. شبكتك هننزل كمان يومين نجيبها. الزهراء بدمعة فرحة. ربنا يخليكم ليا ويباركلي فيكم يا رب. عائشة حضنتها ونزلت. طلعتلهم هدير. يلا بقي جاهزين عشان ترقصوا سلو. صهيب. نرقص إيه يا أختي! هدير. سلو يا بني آدم. الزهراء بضحكة. إحنا ملناش في الحاجات دي يا هدير. صهيب. بالظبط كدا. ولو لينا هيكون في بيتنا إن شاء الله. مش قدام الناس. هي ناقصة هيافة ومحن. كلهم ضحكو وسابتهم هدير ونزلت.

وكان الوقت اتأخر. صهيب رن على مصطفي وقاله. خلاص كفاية كدا يا عمي عشان الناس تلحق ترجع. مصطفي. عندك حق يبني. ونهو الليلة. وبالفعل الكل بدأ يتحرك ويركبوا الأتوبيسات. وصهيب روح هو والزهراء وهدير وعائشة ومحمود بيت عم مصطفي. أول لما دخلو البيت. مصطفي. ألف مليون مبروك يا صهيب يبني. وانتي يا زهراء مبروك عليكي اللي اختارتيه أبو عيالك. قعدوا يرغوا كتير. صهيب. عمي احنا هنقعد نص ساعة كدا ونتحرك إن شاء الله. مصطفي. تتحرك فين؟

صهيب. نرجع البيت بقي. والحمد لله كل اللي عاوزينه حصل. مصطفي. مينفعش يا حبيبي. انتا تاخد النهارده معانا ومع الزهراء وبكرا كمان. وبكرا آخر اليوم نشوف هنعمل إيه. صهيب لسا هيتكلم. مصطفي. خلاص الموضوع انتهي. كلكم ضيفونا والبيت بيتكم. وعندكم شقتين في الثالث أهم بتوعكم. ولا إيه رأيك يا أم صهيب؟ عائشة. اسمع كلام عمك يا صهيب. صهيب وافق. ومصطفي قالهم يحضروا الأكل. صفاء. الأكل جاهز أهو. بس صهيب والزهراء أكلهم فوق مع بعض.

صهيب بفرحة كان عاوز يقوم يبوس إيد حماته. هو دا الكلام؟ ربنا يخليكي ليا يا ست الكل. واخد بإيد الزهراء واتحركوا ع فوق. بس قبل ما يتحرك مصطفي اتكلم. صهيب يبني. صهيب. نعم يا عمي. مصطفي. بنتي لسا في بيتي يا صهيب. خلي بالك منها. ولو بتحترمني فعلا خلي بالك من الكلمتين دول. بنتي لسا في بيتي. صهيب بابتسامة. متقلقش يا عمي. بنتك لسا في بيتك. واتحركوا ع فوق. أول لما طلعوا شافوا عشا فاخر من الآخر. فراخ وحمام ومحاشي وغيرهم. صهيب.

والله أمك دي عسلية. الزهراء. طبعًا. يلا ناكل عشان أنا ميتة من الجوع. قعدوا ياكلوا وصهيب مش بياكل بس باصص في عيون الزهراء. الزهراء. مش هينفع كدا يا دكتور. انتا باصصلي ومش بتاكل وكدا هتخليني أنا كمان ماكلش. يلا بقي قول بسم الله. صهيب بابتسامة. بسم الله. وبدأ ياكل. وبعد شوية أخد صباع محشي ورفعه ناحية الزهراء. وقبل ما تتكلم كان بياكلهولها. الزهراء بفرحة. كدا كتير بجد. صهيب. مفيش حاجة كتير عليكي. يلا بقي ردي الهدية.

الزهراء بضحكة. أه يا لئيم! بقي عشان كدا بتاكلني؟ ماشي يا عم. واخدت حتت فراخ ورفعتها عند صهيب. قام ماسك إيدها وبيقربها من بوقه لحد لما خلص حتت الفراخ. وبعدين باسها في إيدها بكل حب. الزهراء اتنفضت. أنا مالي بردانة كدا ليه. صهيب بضحك. برد إيه يا بنتي دا الجو حر. الزهراء. البركة فيك. (وبتضحك) خلصوا أكل وقاموا. الزهراء. هنزل أعملك قهوتك مظبوطة صح؟ صهيب. صح. بس أنا مش عاوز قهوة دلوقتي. عاوز أحلي الأول. الزهراء.

من عيوني. هجبلك طبق بسبوسة وكمان.. ملحقتش تكمل كلامها كان صهيب شدها من إيدها عليه ووقعت في حضنه. الزهراء. صهيب يا صهيب. صهيب. عيوني يا حبيبي. هو دا الحلو اللي أنا أقصده. كلمت صهيب ووجودها في حضنه خلاها في دنيا تانية. صهيب بيمشي إيده على خدها وبحرك صوابعه ناحية الكرز (شفايفها) صهيب. تعرفي إن الكرز عندك حلو أوووووووووووي ونفسي أدوقه. الزهراء مش عارفة تتكلم. مفيش كرز هنا. بس ممكن أبعتلك. صهيب. لا موجود وقدامي أهو.

وقرب ناحيتها وقرب من شفايفها وبدأ يقبلها بحب وهدوء وهي تايهة بين إيديه. محسوش غير بدخول عائشة عليهم. عائشة. انتوا بتعملوا إيه؟ صهيب اتوتر والزهراء بعدت عنه بسرعة. صهيب بلخبطة. أنا أنا كنت… أنا أنا أنا مش أنا. (وببغني)