رواية احببت مرات اخويا الفصل السابع والعشرون 27 - بقلم بسمله حسن

كل سنة وأنتم طيبين. البارت الأخير. محمد: تقبلي تتجوزيني يا سارة؟ تقبلي تكوني حلالي؟ سارة بدموع: أنا موافقة أكون حلالكم. محمد أول ما سمع كده قام شال سارة ولف بيها. نور: يارب نفسي في كلب يعبرني. إبراهيم جه من وراها. إبراهيم: وأيه لازمته الغلط ده بس؟ نور بذهول: أنت؟ هو أنت بتراقبني؟ وليه؟ إبراهيم: أيوه علشان أنتي حرامية. نور بصدمة: أنا سرقت منك إيه؟ إبراهيم بحب: سرقتي قلبي من أول ما شفتك. تقبلي تخشي حكم الإعدام؟

نور: أممم، ممكن أقبل بس بشرط. إبراهيم: أي حاجة أنتِ نفسك فيها. نور: مفيش جواز غير لما أخلص دراستي. إبراهيم: موافق طبعًا. اليوم عدى بسعادة كبيرة وإبراهيم اتقدم لي (علي) واتفقوا إن الخطوبة هتكون مع سلمى وسارة في يوم واحد. عدى حوالي عشرين يوم تقريبًا مفيش يوم من غير ما محمد يكلم سارة ويطمئن عليها. آدم كل يوم يحب سلمى عن اليوم اللي قبله. طبعًا مفيش غير جنان نور على إبراهيم.

وجه معاد الفرح. عملوه في فندق كبير. سارة كانت زي القمر بفستانها الأبيض، كانت عاملة زي الأميرات. سلمى كانت جميلة جدًا، فستانها هادي. وكل أب شاف بنته لجوزها. محمد أول ما خد سارة حضنها، مش مصدق إنها بقت مراته. محمد بسعادة: أنا مش مصدقة إنك بقيتي مراتي. سارة: ولا أنا مش مصدقة خالص. محمد: بحبك. سارة أول مرة تقوله: وأنا كمان بحبك. محمد: أنتِ قولتي إيه؟ سارة بدلع: بقول بحبك. محمد: يالهوي، لا احنا نطلع فوق بقى.

سارة بكسوف: بس يا محمد. آدم: أنا أسعد إنسان في الدنيا علشان اتجوزت أجمل وأرق بنت في العالم كلها. سلمى بكسوف: أنا اللي بشكر ربنا إنه بعتلي واحد زيك. آدم: بحبك يا روحي. خلاص الفرح على خير وسعادة وكل واحد طلع أوضة. آدم: بقولك إيه يا حبيبتي، روحي اتوضي عشان نصلي مع بعض. سلمى بكسوف: مش هعرف أقلع الفستان. آدم ساعدها تقلعه الفستان. وصلوا مع بعض وقضوا ليلة جميلة جدًا. محمد أول ما دخلوا الأوضة قرب من سارة.

محمد: روحي اتوضي عشان نصلي مع بعض. سارة بكسوف: أنا متوضية في الكوافير. محمد: طيب تعالي نصلي. وفعلاً صلوا مع بعض ومحمد قال دعاء المتزوجين. محمد بحنية: بتحبيني يا سارة؟ سارة: أنا مش بحبك بس، لا أنا بموت فيكي. أنا كنت فاكرة إني بحب أحمد الله يرحمه، لكن ما طلعش الحب اللي حبته لك. أنا آه حبيت أحمد حب عشرة، لكن انت حبيتك بقلبي، حبك أنت، حب عصبيتك وخوفك وحنيتك عليا. أنا كلمة بحبك دي قليلة قوي، أنا بعشقك.

محمد سمع الكلام ده مش عارف يقول إيه، راح با**ها بكل حنية. محمد: وأنا مش عايز حاجة في الدنيا دي غير وإنك معايا. وشالها وراح لحد السرير. سارة كانت خايفة. محمد شاف كده. محمد: عايزك متخافيش مني في يوم من الأيام، لأنك بقيتي كل حياتي. سارة: وأنا مش خايفة منك. محمد قرب عليها: يعني انتي مش خايفة مني؟ سارة بدلع: تو... محمد قرب أكتر. (وتسكت شهرزاد عن الكلام غير المباح) على الساعة 11 محمد وسارة نايمين في حضن بعض.

حياة نايمة على السرير الصغير بتاع البيبي. لأن محمد رفض إن هبة تاخد حياة. حياة بعياط: أهئ أهئ أهئ. محمد قام بسرعة وسارة ولا هنا لأنها كانت تعبانة خالص. محمد راح لسرير حياة وهمس: هششش، خلاص خلاص، بس مامي نايمة، حرام خليها ترتاح شوية. حياة بعياط: أهئ أهئ أهئ. محمد بابتسامة: طب خلاص خلاص، تعالي تعالي ننزل الجنينة في الهوا يمكن تهدى. محمد شال حياة وخرج من الأوضة بصوت واطي عشان سارة متصحاش. محمد

دخل المطبخ وهو شايل حياة: اممم، يابت يا كوكو نعمل إيه؟ محمد: إيه رأيك أعملك ساندويتش جبنة؟ حياة: لا مش عايزة. محمد: اممم، أطلعلك فراخ ومكرونة؟ حياة: لا بردو. محمد كان بيتكلم بطريقة كوميدية. حياة بدأت تهدى وتضحك. محمد بابتسامة: يلهوي ناس على القمر لما يضحك، الدنيا كلها بتضحك معاه. محمد: طب خلاص عشان أنتي حلوة ومش بتعيطي هجبلك لبن. حياة: فين الببرونة؟ بعد وقت قصير. محمد أخد حياة وخرج الجنينة وكان عملها الببرونة.

محمد قاعد على كرسي وحاطط رجله على كرسي ومنيم حياة على صدره وبيزقيها من الببرونة. سارة صحيت بس قامت مخضوضة لما ملقتش محمد جنبها. بس هديت لما ملقتش حياة كمان، فعرفت إنه أكيد خدها عشان صحيت. لبست سارة إسدال ونزلت دورت عليهم في الفيلا كلها. ملقتهمش. خرجت الجنينة بسرعة. ابتسمت بحب شديد لما لقيت محمد قاعد على كرسي وحاطط رجله على كرسي ومنيم حياة على صدره. محمد كان نام وساند راسه على الكرسي. حياة كمان نامت على صدره.

سارة قربت منه وبصتله بحب. بتسحب حياة منه فاق على طول. سارة بابتسامة: صباح الخير. محمد بيفرك عينه بنوم: صباح الفل. سارة: ما صحتنيش ليه أول ما عيطت؟ محمد بحب: ما هنش عليا أصحيكي. سارة: ربنا يخليك ليا حبيبي. محمد: ويخليكي ليا انتي وحياتي. سارة: طيب يالا نطلع فوق وأنا جاية وراك. محمد: ماشي يا حبيبي. آدم صحي. فضل باصص لسلمى وهي نايمة. سلمى صحيت لقته آدم باصصلها. سلمى بكسوف: صباح الخير. آدم: صباح الخير والسعادة يا روحي.

سلمى: هتفضل باصصلي كده كتير؟ آدم: ماله عيني على أجمل بنت شفته في حياتي. سلمى بكسوف: بس بقى يا آدم بتكسفني. آدم بحب: ما تيجي نعيد اللي عملناه امبارح. (وهنا نسكت قليلًا) سارة حطت حياة في السرير. محمد قرب منها. سارة: معلش يا حبيبي، أكيد حياة تعبتك عقبال ما نامت. محمد: متقوليش كده، حياة بنتي، لو ما تعبتش عشان هتعب عشان مين؟ وكمان هي نامت أول ما نزلت الجنينة. سارة بحب: بحبك، كله صغير عليك، بحب كل حاجة فيك.

محمد: وأنا بموت فيكي. وقرب... وبعد مرور ثلاث سنوات. سارة بتجري ورا حياة. سارة بزعيق: يا بنتي تعالي اشربي اللبن، ارحميني، قربت أولد بسببك. حياة: مش عايزة أشرب اللبن. سارة: لا هتشربي. حياة وهي بتجري اتخبطت في محمد. محمد نزل لمستواها وشالها. محمد: بزعل ماما لي يا حياة؟ حياة بغضب طفولي: مش عايزة أشرب اللبن وماما بتجري ورايا، هي الكورة. سارة. محمد مقدرش يمسك نفسه من الضحك: هههههههه، لا يا حبيبتي ده أخوكي مش كورة.

حياة بخوف وعياط: هي كالت أخويا عاااااااا. محمد بحنية: بس بس، يالا اشربي اللبن وأنا هديكي شوكولاتة. حياة بفرح: ماشي. وشربت اللبن. سارة: هتموتني بسبب دلالك فيها. بقى أنا كورة؟ محمد بيكلم حياة في ودنها. محمد: ماما زعلانة منك، روحي صالحيها. نزلت وحياة جريت على سارة. حياة: آسفة يا ماما. سارة حضنت حياة: ماشي يا قلب ماما. يالا علشان تنامي. حياة: ماشي. سارة نيمت حياة في أوضتها. دخلت عند محمد.

سارة: مش ممكن، بتسمع الكلام. أنت بس مش عارفة طالعة عنيدة لي مين. محمد بضحك: أنا برضو بقول كده، طالعة عنيدة لي أمها. سارة: يعني أنا عنيدة؟ محمد: لا خالص، أنا اللي عنيد. يالا علشان ننام. سارة ب**ل: لا أنا مش هنام معاك. مش أنا عنيدة. محمد عرف هرمونات الحمل اللي كل يوم تطلع عليه. محمد قرب منها: لا يا حبيبتي، أنا مقدرش أقول كده، ده أنتي روحي. يالا علشان ننام. سارة: ماشي. وناموا مع بعض. على الساعة تلاتة بالليل.

سارة بوجع: محمد قوم، مش قادرة. محمد بنوم: نامي يا سارة. سارة بوجع: مش قادرة، هولد، اااااااااه. محمد قام مفزوع: بجد هتولدي؟ سارة: ااااااااااااااه، مش قادرة يا محمد. محمد شالها وجرى بيها على المستشفى. سارة بعياط: خلي بالك من عيالنا يا محمد. محمد بخوف: متخافيش، هتكوني كويسة. سارة دخلت أوضة العمليات. وأهل سارة جم وهبة وادم وسلمى ومعاهم طفل صغير. سعاد: طمني يا محمد. محمد: لسه يا ماما في أوضة العمليات.

عدى حوالي ساعة لحد ما سمعوا عياط البيبي. الممرضة خرجت بالبيبي: مبروك، ولد زي القمر. محمد: سارة عاملة إيه؟ الممرضة: كويسة، ها ننقلها أوضة تانية. من بعد ما نقلو سارة في أوضة تانية وكلهم دخلوا يطمنوا على سارة. محمد قرب منها: حمد الله على سلامتك يا روحي. سارة بتعب: الله يسلمك يا حبيبي. محمد: ها تسميه إيه؟ سارة: هسميه أحمد. محمد حضنها: أنا بحبك أوي. سارة: وأنا كمان بحبك. تم الحمدلله.