رواية احببت مربية الزواحف الفصل الحادي والعشرون 21 - بقلم زينب زكريا

هاجر: ها، تبقى إيه، قول الله يخليك. عمار: تبقى صديقتي وجارتي ومسؤولة مني. هاجر في سرها: غبي، كان استغل الفرصة السعيدة دي. اجت ملك ووراها الشاب اللي هو معتز. ملك: إيه يا جماعة مالكم؟ دي البت هاجر قالت لي إنكم فاضل لكم تكة وتمسكوا في شعر بعض. هاجر: سوسة. هنا: مش للدرجاتي يا لوكة يعني. هاجر: مالك متنرفزة كده ليه؟ ملك: اسكتي، اتخبطت في واحد مشفتش في قلة ذوقه ده، ما شافش نص ساعة تربية.

معتز: مش عيب برضو إنك تجيبي في سيرة حد وهو مش موجود؟ ملك: 😠 معتز: شفتي عفريت وأنا معرفش؟ ملك: أكتر يا خوي. عمار: خلاص بقى انتوا وهو، وانت يا سي معتز، مش هتيجي تسلم عليا؟ معتز: هو ده يحصل؟ تعالى في حضن أخوك. عمار: حبيبي والله. هاجر: طب أسيبكم تسلموا، وأنا رايحة أشوف جوزي. هنا: خديني معاكي، أبارك لمنة. معتز: مش هتسلمي على أخوكي؟ هنا: ازيكم يا معتز، عن إذنكم. ملك: خديني معاكي، في ناس هنا تسد النفس.

معتز: أنا مش راضي أرد عشانك. عمار: انت تعرف ملك إزاي؟ معتز: حكاله. عمار: عشان كده مش طايقين بعض. هو انت لسه محكتش لهنا إنك عملتها اليوم ده ليه؟ معتز: مش لازم تعرف. عمار: لازم يا غبي تعرف، عجبك يعني وهي مخصماك كده؟ معتز: مش عاجبني، بس مش لازم تعرف. وبقولك إيه، تعالى نرقص مع اللي بيرقصوا، وأبقى نتكلم في الموضوع ده بعدين. عمار: شكلك عايز تتعالج زي الأول. معتز: يا دي النيلة، هتخليني أندم إني حكيت لك.

عمار: خلاص خلاص، هي مسيرها تعرف. معتز: يلا بقى. وعمار ومعتز قعدوا يرقصوا. وبعد سلامات من عيلة معزز وعمار والبنات، هنا حكت لهم هو ليه قال أخوكي، وقعدوا يغنوا ويتصوروا كتير، انتهت الخطوبة بقى. أمجد: كل ركب، بس مقعدشي غير هنا وهتروح مع عمار. الأم: لا، عمار هيرجع البيت. عمار: معلش يا ستي الكل، بكرة إن شاء الله هقضيه معاكي، بما إنه إجازتي. الأم: ماشي، عشان توصل هنون بس. هنا: حبيبتي يا طنط. وبعدين هنا ركبت مع عمار.

وهما ماشيين. هنا: على ما أظن إن جه الوقت إنك تقول لي. عمار: أقول لك إيه؟ هنا: إنك إزاي اتعرفت على عمو مثلاً؟ عمار: آه، القصة وما فيها إن عمك كان صاحب بابا، ولما فتح الشركة دخل بابا شريك، وساعتها أنا روحت الافتتاح واتصاحبت على معتز، وساعتها كان... هنا: كان إيه؟ عمار: أبقى هو يحكيلك أفضل. هنا: على أساس إني مقلتلكش قبل كده إننا متخاصمين؟

عمار: بس اللي أعرفه إنكم أكتر من أخوات، وأنا متأكد مفيش كام يوم وهترجعوا تتكلموا، وهيحكيلك. هنا: انت واثق كده ليه؟ عمار: عشان عارف إن هنون قلبها طيب. هنا: على العموم، وصلنا ولا لا؟ عشان عايزة أنام. عمار: كتلة فصلان. هنا: ......