رواية احببت مريضاً الفصل الأول 1 - بقلم حبيبه الشهيد

كانت جملة قادرة تحطم حياتي. أن الإنسان اللي بقى جوزي عنده 60 سنة! أكبر من أبويا كمان، جاي يتجوز واحدة قد أحفاده. فضلت أعيط جامد قوي. الجواز جه بسرعة قوي، دا أنا حتى معرفوش. أعرف مين دا؟ رجله والقبر. مريم اللي أحلامها كلها وقعت في دقيقة من جوازها من راجل عجوز! كنت في أوضتي وسامعة الزغاريط وأنا نفسي الأرض تتشق وتبلعني. = يلا يا مريم عشان مستني برا. = أبوس إيدك يا بابا مترمينيش كده. = أنا عملت كده عشانك.

= أنت كده بتعمل غلطة عمرك صدقني. أبوس إيدك متسبنيش. مش عاوزة أتـجوز أنا. = كل اللي في سنك متجوزين ومخلفين. مينفعش تفضلي قاعدة كده. = متجوزين ناس من سنهم مش... بابا أنا طالعة وشكراً قوي على اللي عملته. فضلت أعيط ولميت هدومي. حتى مودعتوش! كان

نفسي أترمى في حضنه وأقوله: لا، اللي بتعمله دا غلط. أنت كده بترميني وبتبيعني. بس هو أكيد عارف الكلام دا كويس. كان نفسي في شاب زي ما كنت بحلم زي باقي البنات في سني. شاب أبدأ معاه حياتي ونعيشها بالحلو والوحش بس نكون سوا ومبسوطين. ركبت العربية. كانت كبيرة قوي وبسواق. ركبت ورا وهو ركب جنبي. كنت خايفة قوي ومش عارفة أعمل إيه. طب أرمي نفسي من العربية وأقول: مكنش قصدي! = ليكي نفس تهزري؟ أنا أنا مني لله والله.

= مالك خايفة وبتترعشي لي؟ = مـ مفيش. = أنا عارف إن كل حاجة جت بسرعة. = بسرعة بس! = بسرعة قوي. بس أنا مش هنسالك اللي عملتيه دا وإنك وافقتي. = ... = ومش عاوزك خايفة وكل اللي نفسك فيه هيجيلك وكله تحت أمرك. ابتسمت. شكله طيب قوي. لا طيب جامد. وملامحه طيبة. بس إيه يخليه يتجوز في السن دا!! روحنا البيت. أو بمعنى أصح الفلة. كانت كبيرة قوي وفضلت متنحة وفاتحة بوقي. يا جماعة فين العشة اللي هعيش فيها؟

متهزرش، دا أحلى من بيت أحلامي بكتير. بكتير قوي. أدخل ولا أهرب طيب!! = دخلت لي بقى عشان أنت مهزأة. كان نفسي أعيط على حظي. كان نفسي في شاب ونبدأ حياتنا سوا. بس كل أحلامي بقت على الأرض، سابع أرض. = ادخلي. = داخلة. جيت أشيل الشنطة لقيت خادم جه يشيلها. ثواني يا جماعة. نفهم. هو فعلاً كل الناس دي بتشتغل هنا!

دا فاتح بيوت ناس كتير. طباخ وجنايني وشيال وشغالة وسواق وناس تانية. كان فيه أول ما سلمت صور لست حلوة قوي. كان البيت فخم وجميل قوي. = عجبك المكان؟ = آه، قوي. = كويس. كويس قوي إنه عجبك عشان تعيشوا معايا! رفعت حاجبي. = طب اطلع فوق بقى عشان جوزك. = بصدمة = جوزي مين يا حاج!!