رواية احببت مريضاً الفصل التاسع 9 - بقلم حبيبه الشهيد

كانت تمر الأيام وهو فعلاً يستحق أني أحبه. نجح يبقى صاحبي وملجأي الوحيد. أنا بفضل أقول الكلام ده في نوتة، طب ما أقولهاله هو بدل الدبش اللي بيطلع قدامه ده. أنا؟ أنا منى لله والله. صباح الخير يا حلوة. صباح النور. يلا ننزل نفطر. أحمد، أنا قررت أعمل كيكة النهاردة. لا إله إلا الله. طب أنا عملت إيه طيب؟ نعم يا عسل. عاوزة تعملي كيك ليا، جاوبيني بصراحة، كوثر قصرت في حاجة؟ أحمد، خلاص أنا قررت. طب أبويا مش هياكل منها؟

حمايا حبيبي، لا طبعًا هياكل. يا ابني متخافش، أنا اسمي الحقيقي مريم كيكة. يسلام. طبعًا. طب انزلي وأمري لله. فطرنا والحاج عماد قعد في الكنبة وأنا وهو كنا في المطبخ. مريم، انتي بتعملي إيه؟ ببحث عن طريقة العمل على اليوتيوب. احيه يا مريم. إيه الألفاظ دي! المهم هدوق أحلى كيكة النهارده. أتمنى أن ميبقاش فيه حالة تسمم النهارده. أنا يبني!

يجماعة متحسسونيش إني لسه مكتشفة المطبخ صدفه، مهو كلنا بنستعين بصديق اللي هو اليوتيوب. بغض النظر يعني إن الكيك ده لعبني. وبعد ما حطينا الدقيق نحط البيض. يجدع. بالله، بس متقولش لحد على السر بقى. طب كملي. بعد ساعة خلصت. وبعد ما نخلص نحطها في الفرن على درجة حرارة 360. مريم، كده هتتحرق. شششش، اخرس. ماشي. إيه عرفك انت؟ دا عشان ناكلها بسرعة. خلصت في ربع ساعة. أنا عبقرية، هل أنا عبقرية؟ افهم بس!! شوفتي، أهي اتحرقت.

غبي جاهل، دي بالشوكولاتة لازم تبقى كده. فضلي برري لنفسك. دوق بس، خلي بالك من صوابعك. مالها صوابعي؟ أصل هتاكل صوابعك وراها. يجدع بس. مسكت السكينة وقربت منه. ها، إيه رأيك؟ هي محروقة بس حلوة، مش مستوية من جوا بس حلوة. كنت حاسة إنها هتعجبك. !!! يلا بقى هندوق باباك. لا يا مريم، أنا عملت كل حاجة غلط في حياتي إلا إني أسبب الأذى للراجل ده. خلصت؟ أيوه. يلا بقى ندوق باباك.

خدت الكيكة على طبق كبير وأطباق صغيرة وروحت حطيتها على الطربيزة الصغيرة اللي قدام الحاج. اتفضل يا بابا، دوق. لا يا بابا، متدوقش. برقت. بتقول حاجة يا حبيبي؟ دوق يا بابا قبل ما تبرد. ألاه!! كل وضحك. تسلم إيدك يا بنتي، انتي بس تدربي كذه مرة وهتبقي أحلى من اللي بيعملوها كمان. شوف شوف الناس الذوق، شوف! مكنتش اتجوزك، انت أجدع. علقت الاتنين بيضحكوا. جاله عماد بيه فون فرد عليه. أيوه، تمام تمام، إن شاء الله الاجتماع النهاردة.

قفل الفون وفضولي خدني أسئلة. اجتماع إيه يا حاج؟ اجتماع في الشركة. إيه دا، انتوا عندكم شركة؟ أمال أحمد مش بيشتغل فيها ليه؟ لقيته بص لأحمد. طب أنا هطلع فوق أعمل حاجة. استغربت، هو طلع لي ده!! هو أحمد مش بيشتغل فيها ليه؟ مش راضي. مش راضي إزاي؟ انت كبرت ولازم ترتاح، أمال مين ماسك الإدارة عندك؟ مدير أعمالي. إيه يا حاج، دا يحاج! لا هخليه يروح إن شاء الله. بجد والله. ثق فيا وانسى البقع.

هه، كل شوية وبتثبتيلي إنك فعلاً أحلى حاجة في البيت ده. آه صحيح، انتي خريجة إيه؟ تجارة. بجد؟ بالله يا حاج، تجارة. طب دا كويس، امسكي حسابات الشركة. للدرجادي عاوز تخسر؟ هه، لا، واثق إنك هتعملي اللي عليكي وهتحافظي على فلوس جوزك، وتبقوا مع بعض، وأهو تشتغلي بتأهيلك. بس أنا مش عارفة هشتغل إيه بالظبط. هتفهمي واحدة واحدة الشغل. وانتي ذكية ما شاء الله. خلصانة، موافقة وهقنعه. طلعت فوق لقيته ماسك كتاب. أحمد. إيه! اسمها إيه؟

نعم يا مريم. هتيجي معايا الشغل بتاع بكرة ده صح؟ شغل إيه! في شركة باباك يا أستاذ أنت. لاء. أحمد، انت لازم تشتغل بقى وتشيل المسؤولية عن باباك، باباك لازم يرتاح بقى. أنا مش هينفع أروح الشركة دي تاني. ليه يا أحمد!! عشان، عشان... متقول يا ابني، انت علقت. عشان سلمى. نعم يا با!!!