رواية احببت مصارع الفصل الحادي عشر 11 - بقلم يوستينا سامي

نور بفرحة: ماشي. نور لنفسها: هو أنا فرحانة أوي ليه كدة؟ علشان هشوفه وهو نايم؟ طب ليه وأنا مالي بيه أصلاً! فوقي يا نور، ده لو في عدو ليكي هيبقي هووو. فهد: يلا يا نور ادخلي. وفعلًا نور دخلت الأوضة. نور شافت يوسف نايم بتيشرت كت (مش فانلة بلاش عفانة) وبنطلون شروال رصاصي، وكان شكله حلو أوي. بدأت تبص عليه بحب وتأمل أوي. نور في سرها: يخربيت جمالك! أي ده يا أخي بقى! بصتله بحسرة: يا خسارة يا يوسف بجد يا خسارة.

وبدأت تطلع هدومها، وهي بتطلع هدومها حست بإيد بتتحط على وسطها، اتخضت أوي، وفجأة يوسف حط إيده على بوقها. يوسف بنظرة حب: جاية عندي برجلكِ، ليه؟ نور بتبص في عينيه: أنت كنت صاحي مش كدة؟ ده مش شكل حد نايم. يوسف بيقرب من ودنها: هو أنا عارف أنام؟ أنا من ساعة ما شوفتك والنوم طاير من عيني. نور بهدوء: يوسف، ابعد عني. يوسف بوجع: لسه خايفة مني يا نور؟

أنا مكنتش في وعي صدقيني، أنا يومها كان معمول عليا فخ علشان أخسر المباراة، ووقعتي أنتِ في طريقي. والله يا نور أنا عمري ما عملت كدة، ويوم ما أحاول أعتدي على حد هأعتدي على طفلة. نور اتوجعت أوي لأنها افتكرت اللي بتحاول تنساه. وزقت يوسف بكل قوتها: ابعد عني يا يوسف، ابعد. يوسف قلق من رد فعلها: نور اهدي. نور بحدة: أوعى أنا عايزة أخرج، وعلفكرة أنت كنت صاحي، يا كداب أنت وصاحبك. يوسف مسك إيديها جامد ورا ضهرها.

نور بتحاول تبعده: أوعى يا يوسف أنت اتجننت ولا إيه؟ سيب إيدي. يوسف: لا يا نور وللآخر مرة بقولها لك أنتِ لازم تسامحيني. نور بتريقة: لازم! ليه بقى إن شاء الله؟ يوسف: أيوة لازم. لازم يا نور علشان أنا مظلوم. نور أنا من يوم ما جيت وشوفتك وأنا حاسس إني أعرفك. نور أنا بحس... أعاااااااا. نور ضربته برجليها. يوسف بوجع: يا بنت...

نور بفرحة: معلش بقى يا دنجوان زمانك، الكلام ده يتقال لحد غيري، حد ممكن يصدقك فعلًا. جتك القرف. آه وعلفكرة الضربة دي يا شبح علشان تفكرك بيا هااه. نور خرجت من الأوضة وسابت يوسف بيتوجع يا عين أمه، وراحت البلكونة لفهد. نور: أنت عارف إنك واطي شبه بالضبط، بقى بتقولي إن هو مش صاحي وأدخل ألاقيه مستنيني أصلًا يا كداب. فهد بكدب: لا والنبي يا شيخة قولي كلام غير ده. نور مسكته من التيشيرت: ولاه أنت كداب يلا.

فهد: ما تهدي يا شبح صلي في قلبك، الواد كان عايز يتناقش معاكي. قوليلي بس لو ضايقك والله أفرمه. نور: هههه ادخل اطمن على صاحبك، أنا رايحة أنام. إلهي وأنت جاهي أصحي ألاقيكوا أنتُوا الأتنين اتقلبتوا جوز شبشب يا رب. فهد بصوت واطي: يا رب لا. يوسف الواد تلاقيها بلعته والله. في أوضة يوسف: يوسف بوجع: لا متفقناش على كدة يا نور، حرام عليكي كان نفسي في عيل يشيل اسمي. أعااا.

فهد: يوسف أنت عايش الحمد لله. مالك يا واد أنت كويس ولا إيه؟ بنت المجنونة دي عملت فيك إيه؟ يوسف بوجع: غشيمة أوي يا فهد. فهد فهم قصده: ههههه كاراكتر نور دي بجد. يالهوي دي الساعة ٤، عجبك كدة يا عم الحنين؟ اخلص بقى أنا رايح أجهز علشان أجيب شموستي. يوسف: ياه هتلاقي حد بيبيع شمسيّات دلوقتي. فهد رمى عليه المخدة: خفة دم أمك دي مش مستحملها يا أخي ممكن أموت منك. وفعلًا فهد جهز نفسه، وكانت نور خرجت من أوضتها بتعمل فطار ليها.

فهد بخضة: يا ماما! نور: إيه يا عم شوفت عفريت؟ فهد بضحك: طبعًا أنتِ كمان بتسألي؟ غريبة. نور: فهد خد بالك من نفسك أحسن تحصل صاحبك هااه. فهد فهم قصدها: طب ليه ما الطيب أحسن، ده أنا حتى وحيد أبويا وأمي. علفكرة يا نور ليكي عندي مفاجأة هتعجبك أوي. نور: لا بجد إيه؟ يوسف بغل: أنا هقولك. نور بخضة: أنت! أفففففف. فهد بضحك: طب أسيبكم أنا بقى. وفعلًا فهد نزل وما فيش حد معاهم. يوسف برخامة: أعمل فيكي إيه؟

نور بتوتر: بقولك إيه هزعلك، خاف مني. وبتحاول تجري لكن يوسف بيمسكها وبيشدها لأوضته. نور: أوعى يا يوسف أنت موديني فين؟ أوعى سيبني بقولك أحسن والله أضربك. يوسف قفل الباب بالمفتاح: مش هتخرجي من هنا يا نور غير لما تسامحيني غير كدة لااااااااا. وكمان هتتعاقبي على اللي حصل من شوية وأظن فكراه. فجأة طق طق. عمر: يوسف، اصحى يا ابني يلااااااا. نور: 😲😲😲😲😲 يوسف: 😜😂

فهد كان مستني شمس تنزل، وفعلًا نزلت وهي لابسة النقاب، وكان شكلها ملائكي أوي، انبهر بيه جدًا. شمس كانت ماسكة العكاز وبتحاول تمشي بيه وخصوصًا إنها أول مرة تنزل الشارع. فهد: تعالي حسبي، على مهلك. شمس: إيه اتأخرت عليك؟ أنا آسفة بس والله مش عارفة ألبس النقاب. شكلي كويس؟ فهد بعدم وعي: أوي، أقصد أيوة حلو. شمس بكسوف: ميرسي يا فهد. فهد تليفونه رن: ألو. علي: ألو يا فهد فين يوسف؟ فهد: يوسف في البيت في أي مالك يا واد؟

علي: أصلي بكلمه من بدري ومش بيرد يا فهد، أوعوا ترجعوا مصر، جوز أم البنت اللي يوسف بعتلي اسمها قدم بلاغ وهيوقفوكم ومش بعيد يقبضوا عليكم. فهد بصدمة: إيييييه! طيب يا علي تمام اقفل دلوقتي. شمس بخوف: إيه يا فهد مالك؟ إيه حصل؟ فهد: شمس أنتِ لازم تتجوزيني. شمس: إيييه!

فهد: زي ما أنتِ سمعتي، جوز أمك قدم بلاغ وكدة هيجيبوكي بسهولة جدًا وأنا مش هقدر أعمل حاجة، لازم تبقي قدام الحكومة مكتوبة على اسمي حتى لو في الحقيقة مش كدة، فاهمة يا شمس؟ شمس بخوف: بس أهلي مش هيسيبوك يا فهد، أنا خايفة عليك أوي. فهد بابتسامة: متخافيش عليا يا شمس. المهم أنتِ موافقة؟ شمس بفرحة: آه موافقة يا فهد. وفجأة. شمس بخضة: حاسب يا فهد.