رواية احببت مسلمه الفصل الرابع عشر 14 - بقلم ياسمينا

ليو بتوتر: احم أنا ليو وهو جاك. عدنان بسخرية: دول أسماء أدوية ولا إيه؟ جاك بضيق: يا سلام على أساس عدنان الضبع ده اسم. عدنان بغضب: قول مش عاجبك كده عشان أقطع لسانك. جاك بخوف: لا أهده، ده أنا بهزر معاك يا عدودة. عدنان بقرف: عدودة! أنتوا رجالة؟ أنتوا المهم جايين ليه؟ ليو: احم شهاب هو اللي دلنا عليك. عدنان قرب منهم وقال: اممم تبع شهاب، طيب اتفضلوا ادخلوا. جاك: احم هو أنت هتعمل في ناس دي؟

عدنان بغضب: واحد جاسوس بيتجسس على ناس يستاهل قطع إيده. جاك بهمس: هتتشعلق يا معلم، يلا مريم تنفعك. عدنان: وتاني بتاع نسوان، هخلعلُه عينه إن شاء الله. ليو بهمس: هنتشعلق قصدك، مش لوحدي. عدنان بحده: يلا ادخلوا. ليو وجاك مشيوا ورا عدنان ودخلوا القصر. عدنان: هنا في قوانين، يعني مثلاً مش أي حاجة هتتعمل، هتشتغلوا مع رجالتى. الرجالة بيصحوا الصبح الساعة ٥. جاك بصدمة: ده عند أمك. عدنان بغضب: نعم؟ جاك بص لـ

ليو وقال: ده عند أمك يا ليو. جاك بص لـ عدنان وقال: هو حضرتك بتحسب إن قصدي عليك؟ عدنان بضيق: آه. جاك: لا غلطان صدقني. عدنان: ورايا يلا أوديكم أوضتكم. عدنان طلع السلم. ليو: ممكن تهدا؟ جاك بغضب: ده هيصحيني ساعة ٥، ده عند أمك وأمو. عدنان بصوت عالي: في حااااااجه؟ جاك بخوف: لا وراك أهو، في ديلك. جاك وليو طلعوا وراه ودخلوا أوضة كان فيها سريرين. جاك بضيق: أنا بحب أنام جمب أخويا.

عدنان بقرف: شهاب قالي إنكم من أمريكا، بس مقلش إنكم استغفر الله. ليو بصدمة: لا طبعاً، يخربيتك شوهت صورتنا قدامه. جاك بضيق: مش قصدي يا حج، أنت دماغك بس اللي فيها حاجات وحشة. عدنان بغضب: نعم؟ جاك: ونبي بلاش صوتك ده، بيرعبني. عدنان: ده شكل راجل ده؟ ده المرة أرجل منك. ليو بهمس: تستاهل اتهزأت، ماتسكت على ما يمشي. عدنان: ٥ دقايق وتكونوا جهزتوا عشان تروحوا تنضفوا مكان الخيل.

جاك بغضب: إلا ده بقا، اسكت على كله، بس أنضف ليه يعني؟ شايفني الخدام الخصوصي بتاعكم؟ عدنان مسك مسدسه وصوبه ناحية جاك. عدنان: بتقول حاجة؟ جاك: دقيقتين وتلاقيني قدامك. عدنان بابتسامة: برافو، يلا أسبكم. عدنان خرج. ليو بضحك: بتكش أهو يا أخويا. جاك بغضب: اخررررس، أنت سبب منك لله، عمري ما حبيت مريم دي، وش فقر. ليو بغضب: اتكلم عدل وقوم البس. جاك بغضب: متخيل أنضف مكان الخيل؟ إيه القرف ده؟

أنا جاك اللي مجنن كل البنات ولي الفلوس في إيدي زي الرز، أروح أنضف؟ اسكت اسكت يا عم. عدنان دخل وقال: أنا قولت إنك مش هتيجي بسهل. جاك: أنت قفوش أوي يا حجوج، أنا قايم أهو. عدنان بص له بضيق وبعدين خرج وجاك قلع التيشيرت بتاعه. ليو: هنلبس جلابية. جاك بغضب: هات. جاك لبس الجلابية وكانت واسعة عليه أوي وطويلة. جاك بسخرية: عجبك منظري يعني؟ بذمتك راضي على نفسك وأنت ممرمطني معاك كده؟ ليو بضحك: والله قمر.

ليو غير لبسه ولبس جلابية وكانت واسعة عليه، وفجأة سمعوا صوت ضرب نار وليو وجاك جريوا برا الأوضة. عدنان بصوت عالي: كل ده بتغيروا؟ انزلوا. ليو وجاك نزلوا على السلم. جاك بهمس: حسبي الله. ليو: اسكت ليسمعك. جاك وهو بينزل على السلم اتكعبل وكان هيقع، بس ليو مسكه في آخر لحظة. جاك بغضب: امسكني عدل هقع ياحمار. ليو ساب جاك وجاك وقع وليو بص له بضيق وقال: أنا حمار؟ طب ألبس. عدنان بغضب: أنت راجل أنت؟ جاك بغضب: رجعووووني أمريكا.

عدنان: قوم فز يا عرة الرجالة. جاك قام ورفع الجلابية وقال بغضب: مسمحلكش تشتمني. عدنان بص له بغضب وقال: نعمممممم؟ جاك: عادي على فكرة، أنا معنديش كرامة، اشتم براحتك. عدنان: ورااايا. عدنان مشي وجاك وليو مشيوا وراه. جاك بهمس: ونبي لنفخك، استنى عليا. ليو: امشي وأنت ساكت. عدنان وصل الإسطبل اللي موجود في القصر. عدنان: هتنضفوا هنا. جاك بضيق: طيب. عدنان: عندكم جردل ميه فيه صابون وخيشة. جاك بضيق: جردل إيه وخيشة إيه؟ مش فاهم.

ليو: يابني اسكت أنا فاهم. جاك: أنت كنت بتيجي مصر من ورايا صح يا ليو؟ ليو بضيق: اسكت. عدنان: يلا نضفوا ومسمعش صوتكم. عدنان خرج من الإسطبل. جاك: يعني كده هنبقى رجالة؟ ليو: احتمال، اشتغل يلا.

ليو كان مستعد يعمل أي حاجة عشان ينجح في الاختبار ده، وبعدين مسك القماشة اللي كانت في جردل المية وبدأ يمسح، وجاك كان قرفان وبدأ يشغل مع ليو. وبعد ربع ساعة جت بنت كانت لابسة نقاب، كانت شايلة جردل فيه ميه، حطته قدام جاك وليو وشالت الجردل الفاضي. جاك بسخرية: إيه حكاية النقاب معاكم؟ ليو: عشان دول ناس محترمة. جاك: ممكن تجيب لنا ميه؟

البنت هزت راسها بمعنى ماشي، وجاك قرب منها، بس كان فيه ميه في الأرض وزحلق ووقع في الأرض، والبنت وقعت معاه. البنت بغضب: مش تحاسب؟ جاك حط إيده على ضهرها وقال بوجع: لا، الصوت ده مش غريب عليا. ليو: أيوه صح. البنت قامت بسرعة، بس جاك مسكها من الجلابية. جاك بغضب: استني. البنت حاولت تبعد عنه بس معرفتش، وهو قام وقرب منها. ليو: شيل النقاب. البنت زقت إيد جاك بغضب، بس جاك قرب منها تاني وشال النقاب واتصدم. جاك بصدمة: انتييييييي...