رواية احببت مسلمه الفصل الثامن عشر 18 - بقلم ياسمينا

ايه بصت لجاك وقالت: يا حبيبي يا جاك، قتلت إسلام علشاني. جاك بصدمة: نعم يا روح أمك؟ ايه قربت منه وقالت: بجد ما كنتش أعرف إنك بتحبني لدرجة دي. جاك: اخرسي، هتدبسيني في مصيبة. ايه وقفت قدام عادل وقالت بغضب: إسلام يستاهل لأنه آذاني كتير، وجاك هو حب حياتي وأنقذني منه. جاك كتم بوقها وقال: اسكتي يابنت المجنونة، اسكتي! ليو: حضرتك، الكلام ده غلط. جاك ما قتلش حد. جاك: آه والله ما قتلت حد، أنا غلبان. عادل بغضب:

والله مش شغلي، مطلوب مني أقبض عليك. عدنان بصوت عالي: أكيد طبعاً لازم تقبض عليه، بس البيوت ليها حرمة. جاك بسخرية: والله ما شفت حرمة واحدة عدلة من ساعة ما جيت. عادل بضيق: إحنا هناخدوه وهنمشي. عادل مسك إيد جاك وكان هيحط الكلبش في إيده، بس فجأة سمعوا صوت ضرب نار. عادل: إيه ده؟ عدنان بهمس: اجري وخد مراتك وامشي. جاك: تمام. جاك مسك إيد إيه وقال: يلا. ايه: فين؟ جاك بغضب: اخرسي يابنت المفضوحة، فضحت أمي.

جاك جري هو وإيه، وعادل طلع مسدسه وصوب ناحيتهم، بس عدنان زق إيد عادل وقال: اسندني يابني، هقع. عادل بصدمة: نعم؟ عدنان سند على عادل وفضل يمثل عليه إنه تعبان. أما جاك وإيه طلعوا من القصر، وليو وقف عربيته قدام القصر. ليو: اركب يلا بسرعة. جاك وإيه ركبوا العربية وليو اتحرك. ايه: الحمد لله قدرنا نهرب. جاك بص لها بغضب وقال: عايز أقولك إني هكون أول عريس يطلق مراته يوم الفرح. مريم بضحك: معلش، هي متسرعة شوية. جاك بغضب:

دي لبستني القضية. ليو بسخرية: كله بسبب قرفك. جاك بسخرية: قرفي هو اللي قتل إسلام ياعنيا. ليو بضيق: مش كدا، بس ده تخليص ذنوب مش أكتر. جاك بغضب: أقسم بالله لرمي نفسي من العربية، ما أنت رايق يا أستاذ، مش متهم بقضية قتل زي. ليو بضحك: اهديه يابني، كلنا جنبك. ايه: احم، يعني مش أنت اللي قتلته؟ جاك بص لها بغيظ: يخربيتك، أنا عملت إيه عشان أتجوز واحدة دماغها جزمة. ايه بغضب: يعني أنت مش قتلته علشاني؟ جاك حط إيده على وشه وقال:

صبرني يارب، أنا غلبان يارب. يعني مش معنا أنا! ما ليو والله كان مقضيها مع البنات وكل شهر يصاحب بنت. مريم بغضب: ده بجد ده؟ ليو: احم، ده ماضي وخلاص راح. جاك: أيوه هو ماضي، ليه أنا أتحاسب عليه؟ مش معنا أنا! قولي قوووولي، مش معنا أنا! هتجنن! مين بيعمل فينا كدا؟ ليو: اهديه ياحبيبي، أنت كدا هتتحن. مريم بغضب: رد عليا، مين البنات دول؟ جاك بصوت عالي: اقعدي على جنب كدا ونبي ياحجة، مش وقتك. مريم بضيق: بكلم جوزي، مالكش دعوة.

جاك بص لها وقال: بذمتك أنت عندك دم؟ أنا مستقبلي بيضيع. ليو: اهديه والله مش هيحصل حاجة، أنا عارف مين بيعمل كدا ومش هرحمه. جاك بص له بضيق: مين؟ ليو بص لمريم وقال: أمير. مريم بصدمة: أميرررررر! ليو بضيق: آه، وع فكرة هو مش أعمى. أنا هكرت كل الأجهزة بتاعته، ده هكر شاطر. جاك: أوباااا، هكر! الله يرحمك يا جاك، كنت طيب والله. ليو: إيه مش واثق في أخوك؟ أنا هعرف إزاي أوقعه في شر أعماله. ايه: تعرف، كنت واثقة إن أمير ده مش كويس.

مريم بحزن: طب هو ليه يعمل كدا؟ جاك: لا، السؤال الأهم: لييييه أنا؟ ليييييه؟ ايه بضيق: مهو قالك بسبب قرفك. جاك بغضب: شلوها من عليا عشان أطلقها. ليو بضيق: العربية مش عارف مالها. ليو وقف العربية وبعدين حاول يدورها، مدرتش. جاك بسخرية: كملت يامعلم. ليو بص على الطريق لقى فاضي ودنيا ضلمة جداً. ايه بخوف: إيه الأصوات دي؟ جاك بص لها وقال: حد قالك قبل كدا إنك نحسة؟ ايه بغضب:

مهو كل ده بسبب قلة أدبك، لو كنت محترم ما كانش كل ده حصل. مريم بخوف: ليو، أنا خايفة أوي. ليو بضيق: معرفش، ده حظ مين المنيل ده. جاك: حظي يا أخوياااا، حظييييي! أنا إيه اللي نزلتني مصر؟ ايه بخوف: ججج... جاك: إيه يابنتي، هو اسمي صعب لدرجة دي؟ مريم برعب: بصوا قدامكم. ليو وجاك بصوا قدامهم لقوا شخص واقف قدام العربية ولابس قناع ولبسه كله أسود وفي إيده فاس. ليو بصدمة: إيه ده؟ جاك بحسرة: مهو ده ناقص أموت كمان.

الشخص شال الفاس وكسر إزاز العربية بالفاس.