رواية احببت مسلمه الفصل السابع عشر 17 - بقلم ياسمينا

عند أمير. كان قاعد قدام لاب توب بتاعه وعلى وشه ابتسامة خبثه. "يا حرام محدش هييجي في رجالين غير جاك. يا إما عدنان يقتله، يا إما البوليس يمسكه. حالته صعبة." أمير مسك تليفونه ورن على شخص. "قدامك ٥ دقايق تكون حطيت الشاشات في بيت عدنان." أمير قفل التليفون مع الشخص ده وشغل أغنية وفضل يبص في اللاب توب. كان شايف قصر عدنان من جوه. *عند جاك* "حبيبتي يا آية، لدرجة دي بتحبيني؟ آية بصدمة: "نعم؟

جاك بخبث: "مكنتش أعرف إن الحادثة هتعمل كدا ليها مفعول فعلاً." آية بغضب: "نعم؟ جاك: "مانتو الستات بتعشقوا الراجل اللي يخونكم ويعذبكم وغيره وغيره." آية بغضب: "صبري خلص." جاك غمزلها وقال: "آيه عايزة إيه يعني؟ آية بصدمة: "مش طبيعي." جاك: "طب هقولك مثال وأنتي تحكمي." آية: "لسه هنرغي؟ جاك: "أوبا! بنات مصر بحسبهم بيتكسفوا طلعوا غير كدا، خلاص عندك حق مفيش وقت للرغي." آية مسكتُه

من هدومه وقالت بغيظ: "دماغك دي عايزة تتنضف. عيب الكلام ده، أنا قصدي إني عايزة أشرحلك." جاك: "يا حبيبتي أنا عارف كل حاجة، تشرحي إيه؟ آية بصريخ: "صبرني يا رب." جاك بضحك: "خلاص بهزر يابنتي، على فكرة مبحبش النكد، تمام؟ آية: "تمام، اسمع بقى." جاك: "أيوه، يلا اسمع." آية ابتسمت وقالت: "والله ما هعرف أشرح كدا." جاك بصلها وقال: "إيه يا حبيبتي، عيني بتسحرك ولا إيه؟

صحيح أنا بقيت جوزك صح، يبقى لازم تغنيلي. ليه بنادي الناس باسمك وببقى خايفة إني أخاصمك، حاسة إني بقيت بقسمك بالهوا اللي بعيش عليه." آية بضحك: "والله أنت مجنون." جاك بابتسامة: "عينك بتقول إنك موافقة على الجوازة دي." آية بتوتر: "يعني... جاك قطعها وقال: "على فكرة أنا موافق جداً، يعني." آية بسعادة: "أحلف؟ جاك غمزلها وقال: "والله العظيم. بس إيه رأيك في العباية اللي أنا لابسها ديا؟ آية بضحك: "شبه الأطفال والله."

جاك بضيق: "من هو لله اللي كان السبب؟ عدنان من برا بصوت عالي: "سامعك على فكرة." جاك بصدمة: "نهار أسود! ده لسه بره؟ جاك قرب من الباب وقال: "عيب على فكرة كدا." عدنان: "يا شيخ اتنيل، وأنت شبه البنات كدا." جاك بغضب: "ماشي، امشي بقا عايز أبقى مع عروستي لوحدنا." عدنان: "عارف لو مفتحتش هكسر دماغك." جاك فتح الباب وعدنان دخل وزقه وقال: "ماشي، تعالي يا آية هنا." جاك: "استنى بس كدا، آية دي بتاعتي."

عدنان وقف وسطهم وقال: "اخرس، ده أنا هموتك." جاك بص لآية وقال: "بنقرب كتيرررر وبنبعد اووووي، وبنحلم نطير بجناح مش أوي." عدنان بغضب: "أنت هتغنيلي؟ جاك: "مانت موقف المراكب السايرة وبتبعدنا عن بعض." عدنان بصله بضيق وآية ضحكت. عدنان مسك أيدها وجايين يطلعوا من الأوضة. جاك: "استنواااااا." عدنان وآية بصوا لجاك. جاك حط إيده على قلبه وقال: "ليه مستنتيش؟

لو قولتلك حبك خلاص متصدقيش، جوايا عايز يحضنك، جواكي شئ بيردني، جوانا صوت عايز يعيش." عدنان بص جنبه لقى فازة مسكها وقال: "هخليها تحضنك حاضر." عدنان رماها على جاك وجت جنبه. جاك ابتسم وقرب من آية ومسك إيدها وقال: "من دلوقتي أنا هكسب وقتي، ولازم أبدأ أفوق. أيوا، كفاية أبص ورايا، ولازم أبص لي فوق." آية بضحك: "هيموتنا." عدنان مسك مسدسه وضرب نار جنب جاك. جاك برعب: "قطعتلي الخلف كدا يا عدودة! أنا زعلان منك."

عدنان بغضب: "هتجنني." جاك: "معلش، حمادة هلال لحس دماغي. اتفضل خدها." جاك زق آية على عدنان وعدنان بصله بضيق وطلع من الأوضة. *** *عند ليو* ليو بضيق: "يعني كل دي لعبة؟ مريم بابتسامة: "بس بقيت مراتك." ليو: "متثبتنيش." مريم بضحك: "خلاص بقيت مراتك ياليو، مش مهم اتجوزنا إزاي." ليو ضحك وقال: "وأنا اللي كنت بقول إنك مبتحبنيش." مريم ابتسمت وقالت: "أنا بحبك أوي." ليو بصلها بصدمة وقال: "على فكرة دي أول مرة تقوليها."

مريم قربت منه وقالت: "وهقولها كل يوم، لأنك خلاص بقيت جوزي وحلالي. شوفت الحلال حلو قد إيه." ليو بص حواليه وقال: "هو أنا لو حضنتك ممكن ألاقي عدنان طلعلي من أي حتة؟ مريم بضحك: "لا متخافش." ليو حضنها وقال: "يبقى أحضن بضمير بقى." فجأة الباب اتفتح وجاك دخل. جاك: "أنت لسه بتحضن؟ ده أنا قولت هاجي ألاقيك خلفت مروان." ليو بص له بغضب: "اخرس ياسافل." جاك

قرب من مريم وزقها وقال: "حبيبتي لازم تعرفي إن ده أخويا شقي، يعني ولا مليون مريم يقدروا ياخدوا مكاني، تمام؟ مريم بضيق: "على فكرة ده جوزي." جاك قلد مريم وقال: "على فكرة ده أخويا، وأنا اللي هشيل نعشه مش انتي." ليو: "يخربيتك، بتفول عليا." جاك: "بعد الشر عنك، بس بفهمها بس مكانتها." مريم بضيق: "بص حضرتك ده جوزي، مالكش دخل انت، تمام؟ جاك بغضب: "جوزك مين يامرة؟ ليو بصدمة: "نهار أسود! إيه الألفاظ دي؟

جاك: "البت عايزة تاخد مكاني ومفكراني هسكت لها." ليو: "لا تسكت لها إيه! تيطلع صفيحة الزبالة، صح؟ جاك لم نفسك ونبي، لغيت لما نمشي من هنا." جاك بضيق: "طيب، ما أنت اتجوزت خلاص، نسيت أخوك اللي من لحمك ودمك عادي جداً، على فكرة ندل وراح." ليو: "أنا ندل، ماشي." فجأة سمعوا عدنان وهو بيقول بصوت عااااالي: "رناااااا." ليو: "ماله؟ جاك: "مش عارف." جاك وليو ومريم طلعوا من الصالون. أول ما جاك طلع لقى حد حاطط المسدس على راسه.

جاك بصدمة: "في إيه؟ رنا نزلت من على السلم وبصت على جاك بصدمة، لقت نادر حاطط المسدس في راس جاك. ليو بغضب: "نزل الزفت ده." عدنان قرب من رنا ومسكها من طرحتها. عدنان بغضب: "حطيتي راسي في الطين." رنا برعب: "إيه يابابا، في إيه؟ عدنان بغضب: "كنتي تعرفي جاك وبتلعبي معه؟ رنا بصت لجاك بصدمة. جاك غمض عينيه بحزن.

فجأة فيديو اشتغل تاني على شاشة اللي أمير ركبها. كان أمير مراقب كل ده. والكل بص على الشاشة لقوا رنا واقفة مع جاك في النادي، والغريب إن رنا كانت لابسة حجاب وجاك حط إيده على كتفها وطلعوا من النادي. أمير اتصدم من الفيديوهات دي، مش الفيديوهات الحقيقية، وكمان مقصوصة. ليو ابتسم بخبث وقرب من أخوه وقال بهمس: "جهز دورك، انقذ الموقف." جاك ابتسم وقال: "متشكر يانيوتن." ليو غمز له وقال: "أنا موجود معاك دايما."

جاك: "كدا يا حج، والله زعلان منك. أنا فعلاً عارف بنتك. وفي اليوم ده بنتك كانت تعبانة جداً، وكله باين في الفيديو. سندتها وطلعتها برا النادي، وهي أصرت تمشي لوحدها." رنا بسرعة: "أيوا بالظبط، ده اللي حصل. وحضرتك عارف إن عندي السكر، فجالي هبوط يوميها." عدنان بصدمة: "بجد يابنتي؟ رنا بدموع: "أيوا." عدنان نزل مسدسه وقال: "معلش يابنتي، والله مكنش قصدي." شهاب: "قولتلك يا عدنان اسمع من بنتك، بس مسمعتش الكلام."

نادر نزل المسدس وقال: "أنا آسف يا رنا بجد." رنا زاد صوت عياطها. هي مش بتعيط عشان شكوا فيها، هي بتعيط عشان شكهم كان صح. بتعيط عشان ضيعت نفسها وشرفها. أما جاك كان ندمان على كل لحظة قضها مع رنا. حب عدنان أوي وحاسس إنه خانه. عدنان بص لجاك وقال: "أنا آسف يابني." جاك قرب منه وقال: "أوعى تتأسف، أنا اللي آسف." عدنان: "انت عملت إيه بس؟ أنا اللي راجل متسرع وهمجي." جاك مسك راس عدنان وباسها وبعدين قال: "خلي بالك من بنتك بس."

جاك مشي من قدامه وليو مشي وراه. وآية كانت واقفة وهي مضايقة، أو بمعنى أصح غيرانة. جاك طلع جنينة القصر، مكنش قادر يستحمل كمية الكذب اللي كانت بتحصل. ليو من وراه: "كنت لازم أغير في الفيديوهات، لأن الفيديو كان جايبكم سوا." جاك بضيق: "آه." ليو: "وطبعاً سهل أخليها تلبس حجاب ومحتشم وأقص مشاهد بينكم." جاك بغضب: "خلاص ياليو، عرفنا."

ليو حط إيده على كتفه وقال: "تعرف يا جاك، الستر حلو وربنا عايزها تنستر. وكل ما تقع في مشكلة ربنا بيستر عليها، يعني متحسش بذنب." جاك بغضب: "حاسس إني بخون عدنان." ليو: "أولاً، كله كان بمزاجها. ثانياً بقا، أنت مكنتش تعرف إن ده غلط، ولما عرفت أهو حاسس بذنب وندمان، وده في حد ذاته حاجة حلوة." جاك: "بتحبني أوي كدا يا ليو؟ ليو: "أوي أوي يا جاك." جاك: "أنا ولا مريم؟ ليو بضحك: "يخربيتك ياشيخ." جاك بضيق: "رد."

ليو بابتسامة: "الحب بيتعوض، إنما الأخ مستحيل. أعرف إنك أكتر شخص بحبه في حياتي وممكن أعمل المستحيل عشانك." جاك ضحك وقال: "طب قابل." مريم بغضب: "الحب بيتعوض هااا؟ ليو بص لجاك بضيق وقال: "أهااا يا واطي." مريم بغضب: "طلقني." ليو قرب منها وقال: "يا حبيبتي والله بهزر." مريم بضيق: "أنا أتعوض ياليو، أنا أتعوض." ليو بضحك: "لا طبعاً، دانتي قلبي." آية قربت من جاك وقالت: "حلو أوي صورتك مع رنا." جاك بخبث: "بجد عجبتك؟

آية بضيق: "جداً." جاك بسخرية: "واضح." آية بغضب: "على فكرة كدا مش عدل." جاك: "هو إيه؟ آية بضيق: "أنت هتبقى أول شخص في حياتي، بس أنا مش أول واحدة." جاك بضحك: "وإسلام ده كان إيه؟ آية بغضب: "إحنا لازم نطلق." جاك بضحك: "معنديش حاجة اسمها طلاق ياروحي. مش هقولك غير كلمة واحدة." آية بغضب: "إيه؟ جاك بحب: "هو أنا آه كان في حياتي بنات كتير أوي ومن صغري، بس عمري هااا، ركزي، عمرررري." آية بزعيق: "عمرك إيه؟

جاك بحب: "عمري ما حبيت حد قدك." آية بصدمة: "أحلف؟ ده بجد؟ جاك بضحك: "يلهوي، دانتي واقعة يابنتي." آية بغضب: "فصلتني." جاك بحب: "عمري ما حبيت غيرك." ليو بضيق: "شوفتي خرب بيتنا، وأهو رايح يعمر بيته." مريم بضيق: "اسكت، أحسن لك، مش طايقاك." ليو قرب منها وباسها في خدها وقال: "طب وكام؟ مريم بصدمة: "هي وصلت لكدا؟ ليو: "وأكثر كمان." مريم جايه ترد بس فجأة سمعوا صوت عربيات بتقف قدام القصر. ليو بسغراب: "في إيه؟

فجأة عساكر كتير دخلوا القصر ودخل وراهم عادل. عادل: "استنوا، مدوروش. جاك شكله قلبه كان حاسس إننا جايين ناخدوه، فمستنينا في جنينة." ليو بغضب: "نعم؟ إيه الكلام ده؟ جاك بسخرية: "هو أنا مال حظي زفت كدا؟ عادل بحده: "مطلوب القبض عليك." جاك بضيق: "والتهمة إيه؟ عادل: "قتل اسلاااام." الكل بصدمة: "إيييييه؟