رواية احببت ولائي الفصل الثالث 3 - بقلم ولاء صقر

ولاء صحيت على رنة هدى. "الو." "اي ي هدى." "انتي لسا هتقولي الو؟ اصحي ي ولاء لسا قدامنا مليون حاجة نعملها. بتهزري ي ولاء، يلا هنتأخر." "طيب طيب قايمة أهو. روحي انتي على الكوافير وأنا هجيلك على هناك، يلا باي." "ماما ماما." "اي ي حبيبتي صباح الخير." "صباح النور ي ماما. اي سبتيني أنام دا كله ليه؟ دي هدى عاملة تصوتلي في الفون."

"ما انتي كنتي تعبانة قولت مفيهاش حاجة لما تريحي شوية. يومك لسا طويل. يلا ي حبيبتي خدي دش على ما أحضرلك سندوتشات كدا تاكليها بسرعة قبل ما تمشي." "ماشي ي حبيبتي، ربنا يخليكي ليا ي ست الكل." خدت دش وخلصت، وخدت الفستان معاها عشان بعد ما تخلص في الكوافير تلبسه هي وهدى ويروحوا سوا على المكان بتاع عيد الميلاد عشان ميتاخروش.

"يلا ي حبيبتي أنا نازلة. هروح لهدى، هروح لها على الكوافير بعد كدا هنروح على عيد الميلاد وإن شاء الله مش هتأخر. خلي بالك من نفسك وانتي رايحة لخالتو. باي باي ي حبيبتي." "الو." "ايوا ي بنتي أنا في الكوافير، انتي فين؟ "أنا قدامك أهو ي بنتي، أهو أهو." "ايوا ايوا شوفتك." "اتاخرتي لي؟ يلا بسرعة شوفي هتعملي شعرك إيه. هنتاخر، زمان الناس قربت توصل." "ايوا الناس، ايوا. عارفة أنا الناس الطويلة أم شنب دي."

"طيب يلا ي بت ي رخمة انتي من هنا." فون عمر بيرن. "الو." "اي ي اسلام، خلاص بطل زن نازل أهو." "اخلص ي عمر بقا، انت لو عريس مش هتتأخر كدا." "خلاص ي عم الزنان قولت نازل أهو، بدل ما والله أقلع وأنام." "لا خلاص، يلا بقا ي عمر وحياة أمك." عمر نزل وشاف إسلام آخر شياكة، فراح يروش عليه شوية. "أوبا! إيه ي عم الشياكة دي؟ مكنتش أعرف إن المزة هتخليك تقلب تامر حسني كدا." "دي أقل حاجة عندي ي بني، أنا بس مبرضاش أقطع عليك."

"طب يلا يلا ي أخويا عشان منتأخرش وتنكد عليك وتقرفني أنا طول الليل." عمر وإسلام ركبوا العربية واتحركوا. "هاا خلصتي ي ولاء؟ ي لهوي عليكي، هو عيد ميلاد مين فينا ي بنتي؟ اخلصي اتاخرنا." "ايوا أيوا خلصت أهو، بس الفستان كان معلق." "إيه إيه إيه! إيه ي عم الحلاوة دي؟ دا انتي هتغطي عليا بحلاوتك دي." "بس ي بت ي بكاشة انتي. وبعدين دا انتي قمر مشاء الله عليكي." "وبعدين قالت بمكر: والله خسارة فيه."

"حرام عليكي والله دا كيوت ي بنتي. وبعدين إحنا لسا يدوب مجرد إعجاب. اطلعي انتي منها ي بومة." "أنا بومة! طيب يلا بينا بقا بدل ما أوديكي عيد ميلادك محولة." ضحكوا الاتنين وطلبوا أوبر ومشوا. "يلا بينا ي بنتي ندخل، مستنية إيه؟ "استني ي بنتي، هو خلاص على أول الشارع وهندخل سوا." "طيب ي ست سعاد حسني." "أهو وصل." "ازيك ي هدي؟ كل سنة وانتي طيبة وعقبال مليون سنة. إيه الحلاوة دي؟ طالعة قمر مشاء الله، شكلك حلو أوي انهاردا."

"والله انهاردا بس!! "لا طبعاً، انتي قمر طول الوقت، بس انهاردا قمرين. حلوة زيادة عن اللزوم. تعالي عاوزه أعرفك على صحبي." "وأنا كمان عاوزه أعرفك على صاحبة عمري ولاء، تعالي أعرفك بإسلام." "أهلاً، ازيك ي إسلام؟ اتشرفت بمعرفتك." "أنا أكتر والله. ثواني أعرفكم بصاحب عمري أنا كمان عمر، تعال." "أعرفكم المهندس عمر صاحبي." "أهلاً بيكم. اااااانتي؟! "انت.....