رواية احببت ولائي الفصل الثاني 2 - بقلم ولاء صقر

المحاضرة خلصت أخيراً. يخربيت الدكتور الرغاي، صدعني والله. هدى: ضحكت أوي. خلاص يستي، روّقي دمك كدا. تعالي أعزمك على سندوتش بطاطس، إنما إيه عجب. ولاء: أومال لو عزماني على ماك. يلا يلا يختي عشان عاوزة أشرب قهوة عشان أفوقلك. هدى: المحاضرة الجاية دي مش مهمة أوي. ما تيجي نروح المول نشوف فستان حلو لعيد ميلادي. ولاء: والله محد هيسقطنا غيرك يهدى. وبعدين حد يجيب فستان عيد ميلاده قبله بيوم؟ يابحاجتك ياشيخة.

هدى: معلش بقا، مانتي عارفة إني اتسحلت ومركزتش. المهم إنك مش هتروحي انهاردا غير لما نجيب حاجة حلوة. ولاء: طيب استني بقا لما أكلم ماما عشان متقلقش عليا. ها: يلا يختي، هنروح على فين؟ واه صح، ماما بتسلم عليكي وبتقولك كل سنة وإنتي طيبة. هدى: وهي طيبة، روح قلبي دي. ونبي ما أعرف الست القمر دي جابت بت معفنة زيك كدا إزاي. ولاء: أنا معفنة؟ طب وريني مين هيعبرك وييجي معاكي يامعفنة إنتي.

هدى: يووه ي ولآء، بهزر. يلا بينا، يلا بينا. ولاء: طيب يلا يازنانة، امشي. راحوا المول وفضلوا يلفوا كتير أوي. ولاء: حرام عليكي ياشيخة، أنا تعبت أوي. إنتي حلوفة. أنا مليش في الشوبينج والفرهدة دي. هدى: ضحكت. طب بس شوفي الفستان التحفة دا. ودخلت قاسته وعجبها وجابته. وصممت إن ولاء كمان تجيب فستان. ولاء: أنا عارفاكي لما بتعوزي حاجة مش بتبطلي زن. فمش هخلص من زنك غير لما أجيب. حاضر يهدى. وجابت وخلصوا اليوم أخيراً.

ولاء: أخيراً خلصنا لف ياشيخة. تعبتيني. أنا هطلب أوبر عشان أروح، تعبت أوي. هدى: خلاص ماشي. معلش يروحي، تعبتك معايا. ربنا يخليكي ليا. ولاء: بس ياعبيطة، دا إنتي أختي. يلا باي، أشوفك بكرة. وصلت البيت وبتنادي على مامتها. ولاء: ماما، يامدام القصر، أين أنتي؟ إيمي: وهي بتضحك. أنا هنا أيتها العبيطة. ولاء: الله الله، لي بس ي ست الكل الغلط دا؟ هو يعني عشان بحبك ياقمر إنت ياقمر.

نورا: كلي بعقلي حلاوة يابنت عشان سايبني طول اليوم لوحدي. وكمان كلت لوحدي عشان الهانم أكلت برا مع هدى. ولاء: معلش ياحبيبتي، بس مانتي عارفة إن بكرة عيد ميلاد هدى. وكان لازم أروح معاها عشان تشتري فستان. وفضلت تزن. خليتني أجيب واحد ليا أنا كمان. بت فظيعة، بس ياماما شكلها يجنن في الفستان، بجد كانت قمر. إيمي: ربنا يخليكو لبعض ياحبيبتي. دا إنتو عشرة عمر. وريني بقا فستانك أما أشوف القمر اللي أنا مخلفها أنا كمان.

ولاء: يوووه، متكسفنيش بقا. وبعدين هجيب الحلاوة منين؟ مانتي عارفة إني طلعتلك ياقمر. المهم، هتروحي بكرة تقضي اليوم مع خالتو عشان متقعديش لوحدك تاني. إيمي: آه ياحبيبتي، إن شاء الله. ولاء: طيب كويس. أنا هموت من التعب، ينفع أنام دلوقتي وتشوفي الفستان عليا بكرة. إيمي: طيب ياحبيبتي، خلاص. روحي نامي. تصبحي على خير ياقلب ماما. ولاء: وإنتي من أهله. بحبك ياروحى. جرى إيه ياعم عمر؟ هنبات هنا ولا إيه؟

ما يلا نروح ياعم، أنا تعبت. وكمان عندنا مشوار مهم بكرة، عاوزين نلحق ننام ونبقى فايقين. عمر: دا على أساس إني وافقت خلاص إني هروح معاك يعني. إسلام: خلاص بقا ياعمر، تعال معايا ياعم. إنت مش بتنزل من البيت غير للشغل. فك بقا شوية ياقفل. عمر: طيب خلاص ياعم. إنت هتعيط؟ هاجي معاك، يمكن أكسب فيك ثواب. إسلام: ماشي يابويا. يلا بينا بقا، يلا...