رواية أحببت رئيس العصابة الفصل السادس عشر 16 - بقلم الكاتبة الاء فرج

فتحي بخبث: هيهيهيهي مالك يا جدو في أي، أصل مراد حبيبي طلق رودينا وهيتجوزني. مراد بغضب: أنت بتقول أي، دي مرات أحمد. أحمد بصدمة: نعم! الجد بغضب: أنا بردوا قولت قليلة الأدب دي مرات أحمد، هي طيور بتقع على أشكالها، أي القرف ده، طلعهم يا مراد من البيت حالا. أحمد بغضب: استنى بقا كده يا مراد، في أي يا جدوووووو مالك قارش ملحتي كده ليه، ولو سمحت ما تتريقش عليا وعلى المدام.

فتحي بغضب: مدام في عينك يا حيوان أنا مش مراتك، أي التخلف ده. أحمد بغضب: أنت تطولي يا معفنة. الجد بزعيق: أي اللي بيحصل هنا ده وفين رودينا، أي المهزلة دي. الجده: أي ده يا مراد بتجيب بنات البيت في غياب رودينا، أخص عليكم.

مراد بضيق: اهدوا شويه هفهمكم، اهدوا، دي تبقي مرات أحمد والبت اللي هناك دي اخت مرات أحمد، ورودينا راحت قبلنا على العربية عشان رايحين نخرج كلنا، في حاجة، وعيب كل شويه تفضل تهزق في مراد ده راجل متجوز برودا ما ينفعش نهزقه قدام مراته. أحمد بهمس: وحياة أمي هوريك يا مراد الكلب. الجد بأحراج: أنا كنت جاي بس أقولك أنت ليه حجزت ليا تذاكر لتركيا، أنا مش عايز أسافر.

مراد ببرود: الطيارة كمان ساعة ولازم تروح، مش أنت نفسك تسافر أي بلد، سافر بقا لمدة شهرين بس وبعدين ارجع. الجده بأبتسامة: أنا نفسي أروح يا ابني بس جدك مش راضي ومش موافق. مراد: ليه يا جدي، مش أنت عايز تسافر، سافر أهو، يلا سلام بقا عشان ورايا مشوار مهم، نورتوا. بص الجد يمين وشمال وفضل يبص على الشقة بتركيز. مراد بتركيز: في أي يا جدي. الجد بتوتر: ها لأ ما فيش حاجة، سلام أنا بقا، أنا هروح المطار دلوقتي، سلام.

خرج الجد والجده وركبوا عربية ومشيوا ناحية المطار. في شقة مراد. رودينا بتركيز: هو جدو عرف المكان ده منين، ده بيت في الجبل، إزاي عرف. مراد بشرود: دي أصلاً شقة جدي، كان مديهالي في عيد ميلادي هدية عشان هو عارف أني بحب البيوت اللي في الجبال زمان، الشقة دي حبيتها جداً وبقيت بختفي فيها وما حدش يعرف يوصلي غير جدي بس اللي معاه مفتاح الشقة. رودينا: آه صح، مش أنت كنت بتشتغل في شركة جدو، بقالك كتير ما روحتش الشركة.

مراد: ما ينفعش أروح الشركة لأن ورايا عمليات كتير لازم أخلصها، أنا أخدت أجازة من جدي لمدة شهر عشان لسه متجوز وهو وافق، وأنا الأيام دي بحاول أستغل الوقت وأخلص كل العمليات. فتحي بضيق: أنت بتبص كده ليه يا أحمد عليا، لم نفسك الله يخربيتك. أحمد بتصفير: جامدة جمدان يا طنط أم إحسان. فتحي بغضب: أي قلة الأدب، بطل سفالة. مراد بزعيق: بسسس، اسكتوا، وأنت يا رودينا أنت وفتحي اعملوا الخطة كويس، الغلطة بموت، مفهوم.

رودينا وفتحي بضيق: مفهوم. مراد وهو يضع السلاح في جيبه: كده تمام، أنا هروح على شقته، وأنتوا روحوا على الكباريه مع أحمد، يلا سلام. After 30 Minutes. في عربية أحمد. أمام الكباريه. فتحي بضيق: استغفر الله العظيم يارب منك لله يا مراد يا كلب. رودينا بضيق: البروكة عمالة تتزحلق. أحمد بغضب: مش حطاها عدل ليه يا معفنة. رودينا بضيق: الاه هو أنا يعني حطيت بروكة قبل كده، دي أول وآخر مرة.

فتحي بضيق: الفستان ده ضيق قوي عليا، مش قادرة أتحرك. أحمد بغضب: أنا قولت، قولت لمراد دول ما ينفعوش يعملوا العملية، وهو صمم، منكم لله. فتحي بغضب: أنت بتدعي علينا ليه يا معجون الأسنان أنت، هو حد كلمك أو جه جمبك. أحمد بصدمة: أنا معجون الأسنان يا معفنة يا بلطجية، دا أنت صوتك عامل زي حمو بيكا. فتحي بغضب: شايفة يا رودينا، أهو بيغلط أهو، عشان لما. أحمد بهمس: هششش، وطي صوتك، بصي الشامي داخل الكباريه أهو، يلا انزلوا.

نزلت رودينا من العربية ومعاها فتحي، ونزل وراهم أحمد. أمام الكباريه. أحمد بهمس: مش عايز حركة غباء، وأنت يا رودينا اوعك تهربي، هموتك. رودينا بخبث: أنا أبداً مش ههرب خالص. أحمد بضيق: أنت يا جربانة يا معفنة بطلي هرش في شعرك. فتحي بضيق: رأسي بتأكلني، حاسة في حشرات، أنا عايزة أقلع البروكة دي. رودينا بغضب: وأنا كمان عايزة أقلع الجزمة الكعب، عورت رجلي من ورا، بص في شبشب أبو وردة، هاتوا من العربية، حطاه في العربية احتياطي.

أحمد بزعيق: أنتوا متخلفين، أي الهبل ده، اتقمصوا دور الأنثى ولو لساعة، بطل قرف بقا، يلا ادخلوا جوا ومش عايز أي غلطة. في الكباريه. دخلت رودينا ومعاها فتحي، ودخل وراهم أحمد. رودينا بدلع: هيهيهيهي، هنقعد فين يا اختشي. فتحي بضيق: احم، مش عارفة يا قلبي، تعالي نقعد على الترابيزة دي. كل ده حصل والشامي مركز معاهم أوي، وبعدين أبتسم بخبث. راحت رودينا وفتحي يقعدوا على الترابيزة اللي جمب ترابيزة الشامي.

ومراد قعد بعيد شوية بس قادر يسمع كل حاجة من السماعة اللي مركبها في ودنه. فتحي بهمس: هو ده خال مراد، ده صغير أوي. رودينا بهمس: عنده 30 سنة، هو فعلاً شكله صغير، هو عمال يبص علينا كده ليه. فتحي بهمس: فخادنا اللي باينة دي مضيقاني، بقولك. سحب الشامي كرسي وابتسم بخبث: أهلاً بالمزز، أخباركم. فتحي بضيق: وأنت مال أمك. الشامي بصدمة: نعممم! أحمد بصدمة وهو بيكلم في السماعة: الله يخربيتك، اتعدلي واضحكي، ضحكة وادلعى.

فتحي بضيق: هيهيهيهي، مش قصدي، كنت بهزر معاك يا قلبي. الشامي بخبث: وماله، من حق الجميل يدلع، وراح غمز. فتحي بهمس: يارب تولع في نار جهنم يا بعيد. "بهوايا أنت قاعدة معايا، عنيكي ليا مراية، يا جمال مراية العين 🎶 خليكي لو هتمشي أناديكي، أنت ليا أنا ليكي 🎶" الشامي بأبتسامة: ما تروحي ترقصي. كانت فتحي بتشرب مياه، وأول ما قال كده رجعت المياه على وشه. الشامي بغضب: أنت اتجننتي، أي القرف ده.

فتحي بصدمة: معلش، ما كانش قصدي، أصل أنا مش بعرف أرقص. الشامي: ولا يهمك يا جميل، قومي بقا ارقصي. "= أي ده فتحي، فينك يا كوتش، أي اللي عملاه في نفسك ده." الشامي بصدمة: فتحي وكوتش، أنت مين يا بت. فتحي بهمس: يلاهوي يلاهوي، اتفضحت. فتحي بتمثيل: بيبي شيل الحشرة دي من هنا، ده واحد وحش بيكدب عليك يا حبيبي. "= أنا مش بكذب، حتى الشلة كلها هنا، يا مازن يا حسن يا علي، تعالوا شوفوا، مش دي الكوتش فتحي."

"= أيوه هي، ازيك يا كوتش، أي اللي عملاه في نفسك ده." "= أي ده، أهلاً، أي اللي أنت عملاه في نفسك ده يا فتحي." فتحي بصدمة: اتفضحـت. أحمد بغضب وهو بيتكلم في السماعة: الله يخربيت معرفتك، اعملي أي حاجة، الشامي بدأ يشك، اخلصي. بصت فتحي حواليها، وجتلها فكرة وابتسمت بخبث. قامت فتحي بسرعة من مكانها وقامت شدت الشامي من على الكرسي.

فتحي بدلع مصطنع: هيهيهيهي، ما نيجي نرقص، وسيبك من كلام العيال دي، أنا أصلاً مش عارفاهم، يا حبيبي أنا مصدقني صح. الشامي بأبتسامة: طبعاً يا بطل، مصدقك، يلا نرقص. فتحي بضيق: منك لله يا بعيد، هتروح من ربنا فين، أنا مش بعرف أرقص أنا. الشامي بغضب: ما ترقصي بقا. فتحي بخوف: حاضر أهو، هرقص دلوقتي. After 5 Minutes. "شيك شاك شوك 🎶 شيك شاك شوك 🎶 شيك شاك شوك 🎶"

كانت فتحي واقفة على المسرح وعمالة ترقص بحركات هبلة وتطلع بجسمها وتنزل وتتنطط وتزغرط وتسقف جامد، كان شكلها مسخرة 😂😂😂. الشامي بصوت عالي: أنت يا بت تعالي اقعدي هنا، خلاص، أنا أسف أن أنا قولت قومي ارقصي، يا ريتني ما قولت، أبو شكلك. نزلت فتحي من المسرح وهي بتنهج من كتير التنطيط، وراحت ناحية الترابيزة. فتحي بدلع: حبيبي، عايزة أدخل الحمام عشان مزنوقة.

الشامي بقرف: مزنوقة في بنت بتقول أنا مزنوقة، ادخلي الحمام وتعالي بسرعة يا مزة. فتحي بهمس: يخربيت قلة أدبك، راجل سافل. في الحمام. دخلت فتحي الحمام وهي بتبص يمين وشمال، ما لقتش حد، راحت اتكلمت مع أحمد في السماعة. فتحي بهمس: أحمد، أنت معايا. أحمد بغضب: أيوه معاكي، أي القرف اللي أنت عملتيه على المسرح ده، كنتي عاملة زي الصرصار المقلوب، الله يقرفك.

فتحي بغضب: هو ده اللي عندي، هعمل أي دلوقتي، ده الشامي شكله عجبته وعمال يتكلم معايا. أحمد بضيق: مراد لسه ما اتصلش عليا بقاله نص ساعة، خايف لتكون حصل حاجة، المهم روحي دلوقتي واقعدي معاه وحاولي ما تخليهوش يقوم من مكانه أو يروح البيت. فتحي بهمس: حاضر، سلام. خرجت فتحي من الحمام لقيت الشامي بيتكلم مع رودينا، وأول ما جت عليهم اتوتروا وسكتوا. فتحي بشك: أنتوا كنتوا بتقولوا أي. رودينا بتوتر: ما فيش حاجة.

بصتلها فتحي بشك وحست في حاجة غريبة، بس طنشت. الشامي بخبث: ما تشربي. فتحي بضيق: مش بشرب يا أخويا. الشامي بأبتسامة: طب عشان خاطري، خودي اشربي بق واحد، هيعجبك أوي. فتحي بهمس: خاطرك مين، أنا لسه عرفاك من كام دقيقة. أحمد وهو بيتكلم في السماعة: اشربي يا فتحي عشان ما يشكش في حاجة، وما تشربيش كتير. فتحي بضيق: هات أشرب الكوبايه. الشامي بخبث: وأنت كمان اشربي. رودينا بخوف: حاضر.

شربت رودينا وفتحي الويسكي وسكروا وما كانوش حاسين بحاجة. فتحي بهلوسة: هيهيهيهي، هات كوباية كمان. رودينا بهلوسة: مراد، مراد هيقتلني، أنا خايفة أوي. الشامي بصدمة: مراد! في نفس الوقت أحمد راح الحمام يغسل وشه لأنه كان نعسان، ما سمعش هموا بيقولوا أي. رودينا بهلوسة: أصل أنا متجوزة مراد النبراوي، علطول بهرب منه، وهو عايز يقتل خاله، اسمه أي، آه اسمه الشامي، وباعني أنا وفتحي عشان نشغلك عبقال ما يسرق الأوراق اللي عندك في البيت.

فتحي بهلوسة: أيوه، أيوه، كلام رودينا صح، عارف أحمد معانا هنا في الكباريه، عامل عليك خطة، هههههه، بص أهو أحمد. كان أحمد خارج من الحمام وبينفض في هدومه، بص لقى فتحي جايه عليه. قامت فتحي وقفت وهي سكرانة وبتتطوح مش واعية، ومسكت أحمد من إيده اللي بيبصلها بصدمة. فتحي: أهو أهو، هو ده أحمد، حتى، بس هو متنكر. ومرة واحدة شالت فتحي القناع اللي مركبه أحمد، اللي بيبصلها بصدمة.

بان شكل أحمد الحقيقي وكل اللي في الكباريه بصوا بصدمة عليهم. الشامي بغضب: أحمد!