رواية أحببت رئيس العصابة الفصل الثالث عشر 13 - بقلم الكاتبة الاء فرج

قامت رودينا وبصت على مراد بحزن وبصت على البت بشر. وفجأة كسرت عليها كوباية المياه وشدت مراد من إيده وخرجت من المطعم. خارج المطعم في الشارع. مراد بغضب: انت اتجننتي؟ البت اغمى عليها، سيبى أيدي انت متخلفة! رودينا بشر: عايز تتجوز عليا يا مراد؟ ومين القطة الشقرا دي؟ هتتجوزها ليه ها؟ انطق! مراد بخبث: غيرانة. رودينا بغضب: غيرانة إيه وزفت إيه على دماغك؟ تخ تخ تخ تخ تخ (صوت ضرب نار بالمسدس) مراد بخوف: احسبي يا رودينا!

رودينا ببكاء: يلاهوي مين دول يا مراد؟ دول ضربوا علينا نار قصد. مراد بغضب: اركبي العربية بسرعة. رودينا بخوف: والبت اللي جوه؟ مراد بغضب: سيبك منها دلوقتي، اركبي العربية بسرعة. في العربية. اتصل مراد على أحمد. مراد بغضب: الو يا زفت انت فين؟ إيه صوت الأغاني دي؟ على الجهة الأخرى كان أحمد مشغل أغاني وبيسرح شعره وبيلبس الكوتشي. (أحمد ده في الروقان 😂) أحمد بصوت عالي: في حاجة يا سيد الناس؟

مراد بغضب: يا ابني اقفل أم الأغاني دي وركز معايا، الله يخرب بيتك. أحمد بضيق: آهو قفلت الأغاني، في إيه بقا؟ مراد بغموض: خرجت من المطعم أنا ورودينا وكنا بنتكلم في الشارع قصاد المطعم، وفجأة طلعت علينا عربية سوداء كبيرة وخرج منها شاب بس كان مغطي وشه وضرب علينا نار بس كان بيهوش بس، وضرب النار جه في زجاج المطعم، هو كان قصده يهوش بس. وأنا أخدت رودينا بسرعة وركبنا العربية ورايحين على الفندق أهو. انت فين؟

أحمد: أنا كنت بلبس ونازل أقعد على البحر شوية. مراد: مالك؟ أحمد بحزن: لأ ما فيش، أنا هروح أقعد على البحر شوية، سلام يا صاحبي. قفل مراد مع أحمد التليفون واتنهد بحزن. رودينا: ماله أحمد؟ مراد بضيق: ما فيش، مالكيش دعوة، يلا وصلني. رودينا بضيق: نينينيي، مالكيش دعوة انت بارد. طلع مراد في الأسانسير ومعاه رودينا. بعد دقايق. لسه هيفتح مراد الأوضة لقى في حركة غريبة في المكان. رودينا بملل: افتح الباب بقى. مراد بتركيز: استنى كده.

كان في ٥ شباب لابسين الماسك الأسود وماسكين صناديق سوداء وبينقلوها للاسانسير. مراد بتركيز: رودينا ادخلي الأوضة بسرعة. دخلت رودينا الأوضة بسرعة، وراح مراد ناحية الشاب وهما خافوا وجم يركبوا الأسانسير بسرعة ونزلوا، بس مسك مراد واحد منهم وطلع المسدس وحطه على دماغه. مراد بفحيح كالأفعى: انت مين وبتعمل إيه هنا؟ الشاب بخوف: أمراد بغضب: انطق!

الشاب بخوف: أصل الباشا باعتنا ننقل البضاعة دي في أوضتك واتصل بالبوليس عشان يجي ياخدك ويلاقي عندك مخدرات في الأوضة. مراد بحدة: مين اللي قالك تعمل كده؟ الشاب بخوف: الشامي باشا. مراد بغضب: حطيت حاجة في الأوضة؟ الشاب بخوف: أيوه. ضربه مراد بالمسدس والشاب مات، والمسدس كان كاتم للصوت. بص مراد يمين وشمال لقى كاميرات، خبط بإيده على الحيطة بغضب. بص لقى رودينا واقفة على باب الأوضة وبتترعش وبتعيط في صمت.

مراد بغضب: أنا مش قلت ادخلي جوا؟ واقفة ليه؟ رودينا ببكاء: ا... ن.ت قتلته ل. ي. ه؟ مراد بغضب: هش! ادخلي لمي هدومك بسرعة، البوليس زمانه على وصول. رودينا ببكاء: مش عايزة أروح في حتة، سيبني بقى، حرام عليكم. مراد بفحيح كالأفعى: والله يا رودينا لو صوتي أو عملتي أي حركة غدر، هدَفنك صاحية، فااااهمة؟ رودينا ببكاء: ح.. ا. ض.. رش.

شدها مراد من إيدها وخد شنطة حط فيها كل الهدوم بتاعتهم وحاجتهم كلها، ومسك المسدس في إيده وراح جري على الأسانسير واتصل على أحمد. مراد بغضب: الو أحمد استنى على أول الشارع بالعربية بتاعتك بسرعة، ما فيش وقت، اخلص! نزل مراد من الأسانسير وخرج من الفندق كله وهو ساحب وراه رودينا اللي عمالة تعيط في صمت، ركب مراد في عربية أحمد وركب وراه رودينا، وساق أحمد العربية. في عربية أحمد. أحمد: إيه اللي حصل؟

مراد بغضب: ما فيش وقت، الشامي يا أحمد مش عايز يسيبني في حالي، وأنا لو كنت عامل حساب إنه خالي مش هعمل حساب بعد كده، هقتله هو ونادر. أحمد: اهدي يا مراد، إن شاء الله هنلاقي حل. مراد: أحمد صح، في مهمة هنطلعها بكرة أنا وانت ورودينا. أحمد بضيق: ما بلاش رودينا، دي غبية وهتبوظ العملية. مراد بخبث: دي هي الكل في الكل وهي أهم حاجة، هههههه، أومال أنا اتجوزتها بس عشان الورث؟ تؤتؤ، عشان العمليات برضه.

رودينا ببكاء: مالكش دعوة بيا، أنا مش هعمل عمليات تاني. مراد بغضب: اقف هنا يا أحمد. وقف أحمد العربية ونزل مراد منها وشد منها رودينا بغضب. نزل أحمد بملل من العربية يتفرج على الخناقة اللي هتحصل. مراد بغضب: رودينا هتعملي العملية غصب عنك، فاهمة؟ رودينا ببكاء: لأ مش هعمل العملية معاكم، انتوا أي ما عندكوش دم. = أي ده؟ الحق يا واد مش ده مراد رئيس العصابة اللي البوليس بيدور عليه؟ _أيوه هو، تعالي نصوره بسرعة ونوديه للبوليس.

صور الشاب مراد وكل ده مراد مش واخد باله، وبعدين بص لقاه بيصور. أحمد بغضب: الحق يا مراد في ولد صورك وجرى. مراد بغضب: اقف مكانك وهات التليفون. الشاب وهو بيجري: مش هديك حاجة. مرة واحدة ضرب مراد نار على الشاب واللي معاه ووقعوا في الأرض. رودينا ببكاء: يلاهوي يلاهوي. مراد بغضب: الحق يا أحمد في بت شافتني وأنا بقتل الشاب. أحمد: تعالي هنا يا بت. = يلهوييييي، الحقوني الحقوني يا نااااااس، اوعي إيدك يا مجرم! أحمد

وهو يضع السلاح على دماغها: هش، صوتك يبقى واطي يا حلوة بدل ما أموتك، ساااااامعة؟ = لأ مش سامعة، اوعي المسدس ده، فاكرني مين؟ ده شكله مسدس مياه، كخ يا بابا كخ. ضرب نار أحمد بالمسدس جنبها بالظبط. = يلهوييييي، ده مسدس حقيقي! لأ يا بابا فوق، أنا ولا حكومة تهزني ولا بوكس يلمني. أحمد: عااااااااا يا عضاضة، هجيبك تعالي هنا يا بت. = سيبني بقولك سيبني. أحمد بوجع: آه يخربيت سنانك، إيه ده!

شالها مراد على العربية وكتم بقها بإيده وبرقلها وهي خافت. في العربية. = طب انت خطفتني ليه ها؟ هتقتلني زي اللي قتلتهم من شويه؟ طب أنا غلبانة، سيبني أعيش. مراد بغضب: تعرفي تسكتي ولا أسكتك بطريقتي؟ البت بخوف: آهو سكت. بصت البت بخوف لقيت بت جنبها عمالة تعيط. = يلاهوي مالك؟ حد فيهم ضربك؟ رودينا ببكاء: أنا بكرهك، يا رب تموت، منك لله يا مراد. البت بزعيق: مراد بقا البغل ده اللي ضرب نار اسمه مراد؟ مراد بغضب: أنا بغل؟

طب تعالي بقا. مسك مراد المسدس وصوبه ناحية البت، راحت البت بحركة سريعة وقعت منه المسدس ومسكته وصوبته عليه. البت بغضب: هقتلك.