رواية احببت صعيدية الفصل التاسع عشر 19 - بقلم وفاء يوسسف

معقولة. وبعدين قامت وأخذت هدوم من الدولاب ودخلت الحمام. بعد شوية. مسك خرجت من الحمام وكانت لابسة فستان طويل بنفسجي ضيق من الخصر وواسع من تحت وحجاب بنفسجي طويل وعاملة بشكل إن الحجاب يكون لورا. *** خرجت مسك وعلى أوضة أسر على طول. عند أسر كان قاعد سرحان يعمل إيه عشان يخلص من كل ده. مسك تليفونه رن على شخص. أسر: الو يا فندم. _الو يا أسر، في حاجة أخبار جديدة؟ أسر: للأسف مفيش أي أخبار، وبصراحة كده أنا مش عايز أكمل يا فندم.

_إيه اللي أنت بتقوله ده، أنت عارف ده يعني إيه؟ أسر: مهمة خطيرة جداً وأنت أكتر واحد ممكن تعملها. _أسر، اعقل. أسر بعصبية: ما هو يا فندم أنا خسرت أغلى حاجة بسبب المهمة دي ولسه مفيش أي حاجة، أنا تعبت. _اهدي يا أسر ومتتسرعش كده، دي مهمة خطيرة ولازم تنفذها، مش هينفع تسيبها خالص. أسر بعصبية: أهدى إيه أيييه، أما مراتي هتسيبني بسبب المهمة دي وأنا بحبها، ومش هخليها تسيبني أبداً مستحيل. وفي هذا الوقت تدخل مسك واستمعت لكل شيء.

مسك ببكاء: يعني أنت مجبور؟ وقامت حضنته وهو حضنها وقفل السكة. أسر: مسك صدقيني أنا. مش بحب سما، سما دي مجرد وسيلة عشان أوصل لتجار مخدرات. مسك ببكاء: طيب ليه مقولتليش من الأول؟ كنت فهمتك، ليه توصلنا لكده؟ أسر: مكنش ينفع، وصدقيني أنا مكنتش هطلقك لو على جثتي. مسك: طيب احكيلي الحكاية من الأول. أسر: بصي يا ستي، الحكاية إن سما دي فرض من أفراد عصابة مخدرات وتجارة أعضاء في الصعيد. مسك بتوتر: إيه الصعيد؟ آه كمل كمل.

أسر: وطبعاً إحنا اكتشفنا ده، فكان لازم إن نوصل لحد، وإحنا موصلناش غير لسما، واضطريت إني أعمل نفسي بحبها وكده، وطبعاً هي مش هتفوت فرصة إنها تكون مرات ظابط لأن ده هيحميها، وإحنا دلوقتي بندور عليهم بس مفيش أي حاجة عنهم. مسك بتوتر: أنت متأكد إنهم في الصعيد؟ طيب ما ممكن يكون لأ، يعني؟ أسر بشك: مسك، أنتِ متوترة كده ليه؟ أنتِ تعرفي حاجة؟ ولتنهار من البكاء مسك. أسر بخضة: مسك، مالك؟ مسك ببكاء: أسر، أنا عارفة مين دول.

أسر بصدمة: إيييه؟ أنتِ فيه حاجة في عقلك؟ مسك، لا مش اللي في بالي. مسك: لا طبعاً، أنا مش معاهم بس أنا عارفاهم لأنهم أقرب ناس ليا. أسر: مسك، مين دول؟ قولي ها مين. مسك ببكاء: بابا يا أسر، بابا. أسر: أنتِ عارفة بتقولي إيه؟ أنتِ شايفة بتقولي إيه؟ مسك ببكاء: وربنا يا أسر أنا مش بكذب، أنا عرفت ده لما. فلاش باك. كنت جاية من أوضتي ورايحة أوضة بابا وفجأة سمعته هو بيقول. _يعني إيه مقدرتش توصلوا البضاعة دي؟

فيها مخدرات تساوي ملايين، لازم نتصرف في أسرع وقت. وفي اللحظة دي دخلت على بابا وأنا ببكي. مسك: بابا، معقولة أنت تاجر مخدرات؟ _آه أكبر تاجر كمان، وأعضاء بردوا، هههههه، ده إذا كان عجبك يا ست يا شريفة، وإذا مكنش عجبك نتصرف. ومسكني وفضل يضرب فيا جامد. ومن يوميها وهو بيضربني. باك. مسك: كان كل يوم بيعذبني ويضربني علشان كان خايف لأقول لأي حد.

أسر بصدمة وخدها في حضنه: اشششششش، اهدي، وربنا لأنتقم منه وأخليه يندم على كل ده، وحق كل واحد أدمن ومات. مسك ببكاء: بس يا أسر، ده بابا. أسر بعصبية: أنتِ عاقلة؟ إزاي تخلي واحد سبب في موت ناس أبرياء. مسك ببكاء: أسر مش قصدي. أسر: خلاص اهدي اهدي. أسر بجدية: أنتِ لازم تعملي اللي هقول عليه، فاهمة؟ بصي، هتعملي إيه. *** مسك: لا لا مستحيل.