رواية احببت صعيدي منفصم الشخصية الفصل الثالث عشر 13 - بقلم دعاء احمد

في أوضة صقر. جويريه: صقر، معاد الدوا. صقر: والمقابل؟ جويريه: هتكون كويس. صقر: تؤتؤ، مين قالك إني مضايق كدا؟ أنا عايز مقابل تاني. جويريه بابتسامه قربت منه وباستُه من خده. جويريه: دا اللي عندي، ياله خد. صقر بابتسامه ساخره: بخيله. جويريه: اه، ياله خد بقى بالشفاء. صقر أخد علاجه وحضنها وحط راسها على صدره. صقر بصرامه: مخبيه إيه يا جوري؟ جويريه بخوف غمضت عينيها.

جويريه: اللي لازم تعرفه إنّي بحبك يا صقر، مش مهم أي حاجة دلوقتي. اتأكد إنّي عمري ما هاذيك ولا هسيبهم يأذوك، أنت وأختي. مش هسمح لحد يقربلكم لأنكم أغلى ما عندي. بعد ما فقدت كل حاجة، مش هسمح لهم ياخدوكم مني أنتم كمان. بس على الأقل لو مشيت، نفسي تكون بقيت كويس. على الأقل أكون عملت لك حاجة كويسة قبل ما أمشي. عارفة إنك هتتوجع مني، بس والله غصب عني. أنا والله بحبك أكتر من روحي، أنت الوحيد اللي عملتني كويس.

فاقت لنفسها وقامت بسرعه، لكن هدت لما لقيت صقر نام من أثر الدوا. ابتسمت بهدوء وقربت من ملامح وشه وبقت تملس على وشه وطبعت بو*سة على خده. جويريه: ياترى إيه اللي هيحصل يا صقر لما تعرف كل اللي مخبيه عنك؟ لو حكيت لك هتفهمني وتفهم اللي حصلي؟ هتجيب لي حقي؟ هتعرف هي مين أختي؟ هتسامحني! ولا هتقت*لني على اللي حصلي من غير ذنبي؟ أنا والله مش ليا ذنب. نفسي أحكيلك، بس مش هقدر. أنا خايفه على أختي. حضنته بقوه ونامت. عند فاتن.

عدنان: استنى بس، هتسافر الصعيد دلوقتي؟ فاتن: اومال، هفضل مع شخص غريب لوحدي؟ عدنان بتلقائيه: هو إحنا هننام سوا؟ فاتن: أنت! أنت! عدنان بسرعه: لا، دماغك متبقاش شمال. أنا قصدي أنتِ هتنامي في أوضتك وأنا في أوضتي. فاتن: لا طبعًا، مينفعش. وبعدين ده غلط. بعد إذنك. عدنان: استنى، هقولك. أنا هطلع أنام في مبنى الخدم، وأنتي ياستي اقفلي أوضتك بالمفتاح. إنما سفر دلوقتي غلط. فاتن: هتنام في مبنى الخدم؟ عدنان ببساطه: وإيه المشكلة؟

كلنا ولاد تسعه. وبعدين هم واخدين عليا، يعني متقلقيش. نامي ومتخافيش. تصبحي على خير. فاتن بابتسامه: وانت من أهل الخير. عند احمد. قاعد قدام سرير عطر وبيتأمل ملامحها الهاديه. عطر بتبدأ تفوق وبصوت واطي: أنا فين؟ احمد: حمدلله على السلامة. انتي في المستشفى. عطر: أنت تاني؟ عايز مني إيه؟ أنا تعبت. احمد: تفتكري لما تحاولي تنت*حري هترتاحي يا عطر؟

عطر بدموع: أنا فقدت كل حاجة وكنت هبيع نفسي عشان أنفذها، بس دلوقتي خالص. هي ما*تت وسابتني لوحدي. أنا وهي مالناش غير بعض. لو طلعت للدنيا، كلهم هيبقوا عايزين ينه*شوا فيا زي الكلاب المسعوره، وأنت أول كنت منهم. أنت كنت هتاخد شرفي لولا إرادة ربنا. كنت هبقى عا*هـ. أنا خسرت نفسي، وعشان بعدت عن ربي بقيت مك*سوره. بس أنت كنت بتعمل كدا عشان أمي، وأهي ما*تت. هعمل إيه دلوقتي؟ إزاي هطلع للدنيا وأنا كدا؟ أنا مهمشه من جوايا.

احمد: بس ربنا اسمه غفور رحيم ودود. عطر: بتتكلم النهارده عن ربنا، وأنت امبارح كنت في كبا*ريه. احمد بهدوء: جايز ده كان قدري عشان أقبلك. عطر بصدمه: تتجوزيني؟ الصبح. صقر صحي ملقاش جويريه. سمع صوت المايه في الحمام ابتسم وقام. جويريه بتطلع وهي لفه فوطه على جسم*ها وشعرها مبلول بتنشفه. صقر أول ما شافها انصدم من جمالها وشكلها الأنثوي. وبسرعه شدها من وسطها لحضنه. بقيت تبلع ريقها بتوتر، بص في عيونها الزرقاء وابتسم.

صقر: صباح الورد. جويريه: صباح النور. صقر هز راسه بلامباله وباس*ها بحنان، وايديه بتتح*رك على جسد*ها بجر*اءه. وبحركه سريعه شد الفوطه وكانت بملا*بسها الدا*خليه. جويريه بسرعه بعدت عنه وجابت الفوطه بسرعه ولفتها على جسم*ها. صقر بصدمه: إيه دا؟ جويريه بتلالاء دموع: إيه؟ صقر بقوه شد الفوطه ودايرها له، واتصدم لما شاف الحرو*ق والتشو*هات اللي في ضهرها، وبحمده ممزوج بخوف: ضهرك إزاي كدا؟ مين عمل فيكي كدا؟ إزاي كدا؟

جويريه بدموع: صقر، لو سمحت سيبني أغير عشان ننزل. صقر بغ*ضب: جويريه، لو اتساهلت معاكي فدا عشان بحبك، لكن قسما برب الكعبه لو كد*بتي عليا مره تانيه هدفعك التمن غالي أوي. إيه الزفت اللي في ضهرك دا؟ جويريه بخوف ودموع وبتحاولي تغير مجرى الموضوع: إيه مش عاجبك شكلي؟ اتقرفت من شكلي؟ مش عاجباك إيه يا صقر؟ كنت فاكرني مزة وأنا خيبت ظنك. صقر بصدمه: انتي بتقولي إيه؟ انتي سامعه نفسك بتقولي إيه يا جويريه؟

صقر بـحـده: انتي شايفه ضهرك عامل إزاي؟ ودا واضح إن حد عملك كدا في ضهرك، مش من حر*وق. وبغ*ضب: مين اللي لم*سك بالطريقه دي؟ انطقي. جويريه بسخريه وتمثيل: هتفرق معاك؟ صقر بقى واقف مصدوم. مسك ايديها بقوه وراح ناحيه المرايا. صقر بحده: شايفه دا! دي حر*وق حد عملهالك. مين اللي لم*سك بالطريقه دي يا جويريه؟ جويريه بدموع وانهيار: صقر، أنا تعبت. لو سمحت ممكن تسبني؟ أرجوك. ابو*س إيدك.

صقر: مخبيه كتير يا جويريه، بس انتي اللي اخترتي وحطتِ بينا سد اسمه أسرار. والاسرار دي هتهد العلاقه بينا. وسابها ومشى. جويريه: بكرا تفهم وتعرف إنّي محبتش غيرك، واني بجد محتاجه حضنك دلوقتي أكتر من أي وقت. لابست هدومها ومسحت دموعها ونزلت. قبلت روح على السلم. نسخه واحده قلوب مك*سوره. روح بحزن: صباح الخير. جويريه: صباح النور يا روح. روح: مالك؟ في حاجة؟ جويريه بابتسامه مزيفه: لا أبدًا، مفيش.

روح بتعب: أنا محتاجه أتكلم، ممكن تسمعيني؟ جويريه بوجع: اتلم المتعوس على خايب الرجا، ياله بينا. في أوضة روح. جويريه: احكي لي يا روح، مالك؟ روح بدموع: أنا واقعة في ورطة يا جويريه، في مصيبة ومضطرة أتجوز واحد بك*ره. جويريه بخوف: في إيه يا روح؟ احكي لي. روح بخوف: مش عايزة صقر يعرف حاجة عن اللي هقوله لك دلوقتي. جويريه: سرك في بير. روح بدأت تحكي لها كل حاجة من أول مرة شافت فهد لحد طلب أنه يتجوزها.

جويريه بصدمه: نهار أبو*ه أسود، عمل كل دا؟ روح بدموع وانهيار: أنا خايفه أوي يا جويريه، خايفه. جويريه: لازم صقر يعرف. روح: مش هينفع يا جويريه، لو الورقة دي وصلت لأي حد وأهل البلد عرفوا، هتبقى فضي*حة. عارفه يعني إيه جواز عرفي وتحر*يض على الدع*اره؟ يعني مستقبل ضاع وسمعة بقت في الأرض. جويريه بثقه: بس صقر أكيد هيقدر يحل الموضوع.

روح بحده: أنا وفقت أتجوز فهد بس، ورب العزه لأعلمه الأدب وأعلمه يعني إيه يكس*ر قلب بنت. هخليه يندم على كل وجع عشته. أنا وفقت عشان عايزة أكس*ره، عايزة أحط*م قلبه. هعمل كل حاجة عشان يحبني. وفي اللحظة دي، وهجيب سك*ينه ألمه وأقط*ع قلبه ألف حتة. هخليه يعرف إن الله حق وإنه ظلم. جويريه بخوف: وليه تخسري قلبك النقي في حر*ب زي دي؟

روح: عشان أنا تعبت يا جويريه، أنا بقيت مك*سوره أوي. وزي ما قلبي نز*ف، هخلي قلبه ينز*ف. عارفة إني هخسر كتير أوي، وجايز لحد ما أخليه يحبني أكون خالص انتهيت. بس وقتها هقوم وأضر*به في قلبه. جويريه لنفسها: الدنيا دي غريبة أوي، كل مشاكلنا ليها علاقة بقلوبنا. ياترى إحنا رايحين على فين؟ جويريه: انتي حكيتي لي ليه يا روح، مادام ناويه تعملي كدا؟ روح بدموع: عشان مش قادرة أشيل الحمل ده كله لوحدي، مش قادرة أفضل ساكته يا جويريه.

جويريه: متخافيش، أنا جنبك. ياله بينا ننزل. صقر بحده: فرح صافية وروح هيتم في نفس اليوم، يوم الخميس إن شاء الله. روح بصدمه: بعد خمس أيام؟ صقر بغ*ضب: إيه؟ مش انتي متمسكة بيه أوي حتى بعد اللي عرفتيه عنه؟ ومع ذلك مصممة؟ بس خلي في علمك، لو حسيت يوم إنه جه عليكي، همحيه من على وش الدنيا. ومتزعليش مني وقتها. صافية بلا مبالاة وبصت له بحزن: هتفرق في إيه يعني؟ بعد أسبوع، بعد شهر، حتى لو دلوقتي، هتفرق في إيه؟

في النهاية برضه هنت*فن بالحيا. جويريه: صقر، أنا... صقر بغ*ضب: مش عايزة أسمع صوتك، انتي فاهمه؟ جويريه بدموع: صقر، لو سمحت. احمد دخل وهو ماسك في إيد عطر. احمد: أحب أعرفكم مراتى. الكل اتصدم. العمري بغ*ضب: عايز جويريه. تكوني عندي، هي لو مش عايزة تجيب الورق بمزاجها، يبقى غصب عنها. وصقر بنفسه اللي هيجيب الورق. رفعت: البلد كلها مالهاش سيرة إلا على فرح روح على فهد الشرقاوي، وصافية على زين الورداني يوم الخميس.

العمري: قبل التسليم بيوم حلو أوي. عايزك تجيبي جويريه تحت رجلي يوم الفرح. رفعت: هتقولها مين أختها؟ العمري: أنا أصلاً معرفش أختها مين. رفعت: اومال مين اللي يعرف؟ العمري: البوص هو الوحيد اللي عارف أخت جويريه. رفعت: ومين البوص؟ العمري: تؤتؤ يا رفعت، مينفعش تسأل. ولا نعرف مين هو. المهم جويريه تبقى عندنا، ودي أوامر البوص.