رواية احببت صعيديه الفصل الرابع عشر 14 - بقلم هناء عادل

الظابط : سوف يتم حبس المتهم على ذمة التحقيق بسبب تهجمه على زوجته رهف وسوف يعرض على النيابة العامة. رهف : ممكن أستأذن حضرتك أكلم فهد. الظابط : اتفضلي. رهف : شكراً. وقربت ناحية فهد وبضحكة: "تعرف إنك أنت السبب." فهد : "إزاي؟ عشان بتكلم عن الحقيقة؟ رهف : "عشان ما ادتنيش حقي." فهد : "حق إيه يا أم حق؟ دي أملاك بابا، وأنتي سرقتيها." رهف : "كلامك ده مالهوش أي لازمة." فهد : "تعرفي لو وقعتي تحت إيدي مش هرحمك يا رهف."

رهف : "ما تخافش، هكون قدامك ومش هتقدر حتى تبص لي." فهد : "هو انتي جايبة الثقة دي كلها منين؟ دا أنا اتخدعت فيكي، حتى إخواتي ضحكتي عليهم." رهف : "لا، إخواتك هما اللي باعوا نفسهم." فهد : "مستحيل يعملوا كده، أنا عارف." رهف : "دي نفس الثقة اللي كنت مديها ليا أنا، وشوفت عملت فيك إيه." فهد : "علشان انتي واحدة طماعة متربتيش."

رهف بعصبية: "بس بس لحد هنا وكفاية. هسيبك هنا في السجن لحد ما تعفن، وأبوك مش هدفع له أي مصاريف وأخليه يموت عشان أنت واحد قذر." فهد : "انتي بتقولي إيه؟ كله اللي أبويا؟ والله اقتلك يا رهف." رهف باستفزاز: "أنا ممكن أطلعك من هنا بس عندي شرطين." فهد : "إيه هما؟ رهف : "الأول هتعرفه دلوقتي، والتاني لسه مجاش الوقت اللي هقولك عليه فيه." فهد : "ولو ما وافقتش عليهم؟ رهف : "خليك هنا في السجن. وطبعاً أبوك عايز مصاريف ومين هيجيبه؟

أنا مستحيل أدفع مليم واحد لعلاج أبوك." فهد : "لعبتيها صح. إيه هي شروطك؟ رهف : "أول شرط إنك ما تقربش ليا وأنا زوجتك، مفهوم؟ فهد : "هو ده شرطك؟ دا انتي واحدة رخيصة، ومستحيل أفكر إني أقرب من واحدة زيك. إيه هو بقا الشرط التاني؟ رهف : "مش دلوقتي هتعرف. بعدين شرطي التاني." رهف خرجت إلى الظابط ثم قالت: "أنا عايزة أتنازل عن القضية بشرط إنه يتم إمضاء الأستاذ فهد بعدم التعرض لي." فهد : "دا شرطك التاني؟ رهف : "تؤ تؤ."

فهد : "أومال إيه ده؟ رهف : "أهم حاجة لازم أأمن نفسي منك عشان أنت متتأمنش." وتم الانتهاء من القضية ورجعوا البيت. رهف : "حمزة، آدم، رنا. تعالوا الأكل جهز." نزلوا كلهم على السفرة، ثم خرج فهد من الغرفة وهو يرتدي بنطلون أسود وقميص أسود مفتوح منه زرارين يظهر عضلاته البارزة وكوتش أبيض وشعره الأسود الذي يتطاير. رهف : "أبويااا على الجمال." آدم : "احم احم. بتقولي حاجة يا رهف؟ رهف : "ملكش دعوة، خليك في الأكل."

حمزة : "تعالى اتغدى معانا يا فهد." فهد : "عندي شغل مهم لازم أخلصه." رهف : "إيه هو الشغل اللي يمنعك إنك تتغدى معانا؟ فهد : "قولوا للست دي تسكت بدل ما أقص ليها لسانها. أنا ماشي." رهف : "وديني لأندمك." ركب سيارته وهو في الطريق تعطلت، فتصل بشخص ليأتي علشان يصلحها له. بعد كام ساعة من الانتهاء في تصليح السيارة. الشخص : "خلصت يا أستاذ." فهد : "أوكي. هو في مكان هنا لصرف الفلوس؟ الشخص : "أيوة موجود هنا قريب."

فهد : "تمام. تعالى معايا علشان أعطيك فلوسك." _يا فندم الفيزا بتاعت حضرتك متوقفة، مفيش صرف فلوس ليك. فهد : "إيه؟