رواية احببت صعيديه الفصل الثاني 2 - بقلم هناء عادل

فهد داق الأكل وبصوت عالٍ. فهد بعصبية: مين اللي عمل الأكل ده؟ رهف بخوف: أنا. ليه ماله؟ فهد: مين انتي وإيه اللي جابك هنا؟ مين دي يا بابا؟ محمد بجمود: دي رهف. فهد بعصبية: يعني إيه رهف؟ إيه اللي جابها هنا؟ محمد: بنت واحد صاحبي. بتسأل ليه؟ وإيه الأكل، ما حلو أهو. آدم بإعجاب: طعمه جميل، تسلم إيدك بجد يا ست البنات. فهد بينظر بنصف عين لآدم: والله. حمزة: أيوه والله، دي بتعرف تعمل أكل.

محمد: رهف دي كبيرة البيت. ولو يوم سمعت حصلها حاجة بسببكم، ولا هي جات اشتكت، انتوا متعرفوش هعمل إيه، مفهوم؟ فهد وآدم وحمزة: حاضر يا بابا. وبيبصوا لرهف بغيظ. في صباح يوم جديد تشرق الشمس بأحداث جديدة. في قرية الصعيد. محمد: متعرفوش حاجة عن البت يا ولاد؟ عمان: لأ يا أبوي، ابت هربت ومنعرفش ليها طريق. محمد: أنت عيل مقصر، لازم أنا قلت البت دي لازم نحبسها. إبراهيم: وانت عايز الناس تقول علينا إيه؟

ولاد عيلة عجب معرفوش يربوا البنت. عمان: بس اللي عرفته يا أبوي إن بنتك مقصوفة الرقبة هي اللي هربتها. محمد: أنت بتقول إيه يا ولد؟ لازم حدودك. عمان: وه يا أبوي، أنا قلت حاجة، اللي عرفته. محمد: ماهي اللي هتشيل الليلة كلها، هتتجوز الراجل الخايب ده. إبراهيم بعصبية: أنا عايز أتجوز بتك للراجل المايل ده. محمد: بس يا واد، أنا قلت كلامه وهيتنفذ على طول. إحنا معندناش بنات ترفض الكلام ده. عمان: وه يا أبوي، البت لسه صغيرة.

محمد: ماهو انت لو لقيت اللي جابت لينا العار مكنتش اتجوزته. عمان: هنجيبها ومهنسيبهاش، ده عمي معرفش يربي بتهم. محمد: أنا قلت اللي عندي، البت دي لازم نجيبها هنا وتاخد عقابها ومش عايز كلام ماسخ تاني هنا، مفهوم. إبراهيم وعمان: حاضر يا أبوي. واقفه في المطبخ لابسة بجامة سودة ورابطة شعرها لفوق. آدم: هو انتي إزاي صعيدية وبتتكلمي مصراوي أوي ولبسك مش صعيدي؟

رهف: الصراحة أنا كنت عايشة هنا وخلصت الكلية هنا، بس آخر كام سنة نزلت الصعيد لظروف. آدم: بس مش معقول واحدة في جمالك كده مش مرتبطة دلوقتي. دخل فهد المطبخ وفتح باب الثلاجة وخرج المياه. رهف: مهو أنا قلت ظروف بقى. حمزة: القمر عامل إيه النهاردة؟ رهف بابتسامة خفيفة: تعرف لو إنك كبير كنت عقبتك على الكلام ده، بس بيطلع من بقك زي العسل مش زي ناس. رش فهد المياه وفضل يكح. جري عليه آدم. آدم: مالك فيك إيه؟ فهد سابهم ومشي.

وجهزت رهف الفطار ومشوا. راح آدم الكلية هو وحمزة. ومحمد راح الشركة. فضل في البيت فهد. رهف: أعملك حاجة تشربها؟ فهد: لا. رهف: طب أعملك حلويات؟ فهد: هو انتي متفهميش؟ رهف: أنا قلت إنك تعبان من الشغل. قام فهد وبيقرب منها وهي تبعد. رهف: إنت بتعمل إيه؟ فهد بيقرب أكتر وأكتر وهو موطي لعندها. فجأة دخل محمد. محمد بعصبية: أنت بتعمل إيه؟