رواية احببت شخصا مجهولا الفصل العاشر 10 - بقلم فرح

دخل باباها وقال: حبيبتي اختاري حاجات بسيطة ولو في حاجة عجبتك تعالي قوليلي وننزل بكرة نجيبها، عشان بس متحرجيهوش. مع إنه والله قالي اللي هي هتختاره أنا هجيبه وأنا مغمض. فريدة حضنته: حاضر يا حبيبي، ربنا يديمك ليا يارب. قاطعهم مامتها وهي بتقول: إنتي لسه منزلتهوش؟ الراجل واقف بقاله ساعة. فريدة: حاضر يا ماما، نازلين. يلا يا سلمي. نزلوا فريدة وسلمي تحت لقوا محمد واقف عند العربية ومستنيهم. فريدة وسلمي: السلام عليكم. محمد:

وعليكم السلام. ركبوا العربية وراحوا يجيبوا الشبكة. فريدة اختارت دبله وخاتم وسلسلة وتلت غوايش. محمد بحب: احم، ممكن تختاري الدبلة بتاعتي؟ فريدة بكسوف: حاضر. اختاروا لمحمد دبلته. بعدين راحوا على أتيليه فساتين. دخلوا وفريدة اختارت فستان أحمر وخمار أوف وايت. محمد حاسب وطلعوا. محمد: احم، ممكن نروح نتغدى سوا؟ فريدة بكسوف: بس... ولسه هتكمل تليفونها رن وكان باباها. باباها: الو؟ السلام عليكم يا حبيبتي. فريدة:

وعليكم السلام يا بابا. باباها: حبيبتي، خلصتوا؟ فريدة: أيوا يا بابا. باباها: حبيبتي، محمد مستأذن مني تروحوا تتغدوا إنتي وسلمي معاه. فريدة: ماشي يا حبيبي. باباها: يلا يا حبيبتي، مع السلامة. خلوا بالكم من نفسكم. فريدة: حاضر، مع السلامة. قفلت وبصت لمحمد بمعنى "ماشي هنروح نتغدى". ركبوا العربية وراحوا المطعم. طلبوا الأكل وكلوه. محمد وصلهم ومشي. طلعوا فوق. فريدة قاست الفستان وكانت فرحانة بيه. راحت أوضة أخوها توريه الفستان.

سليم بحب وحضنها: ما شاء الله، إيه الجمال ده يا فري. فريدة بفرحة: بجد حلو؟ سليم بحب: قمر والله. فريدة: حبيبي حبيبي، هروح أوريه لبابا. سليم بحب: ماشي يا عيوني، روحي. دخلت أوضة باباها وقالها إن الفستان قمر عليها. راحت أوضتها وكانت سلمي مستنياها وقالتلها: فري، أنا همشي وهجيلك بقا بكرة من الصبح. فريدة: تمشي فين؟ ماما كلمت طنط وقالتلها إنك هتباتي معايا. سلمي بصدمة: أبات فين يا بت؟

مينفعش عشان أخوكي، وغير كده معيش لبس. هلبس إيه بكرة؟ فريدة: هديكي الفستان الجديد، والله لسه ملبستوش. مش خسارة فيك يا فواز ياخوي 😂😂. سلمي: منك لله يا فريدة. فريدة: شكراً شكراً 😂. وقعدوا يهزروا لحد ما جه الليل. اتعشوا في أوضة فريدة. باباها ومامتها دخلوا ناموا وفضل سليم وسلمي وفريدة صاحيين يظبطوا الشقة لحد ما تعبوا وسابوها يكملوها الصبح. دخلوا ناموا. الصبح قامت فريدة على صوت

رسالة من محمد مكتوب فيها: "صباح الورد يا ست الحُسن، عاملك مفاجأة أتمنى تعجبك" ❤. فريدة ابتسمت وصحّت سلمي وقاموا كملوا تحضير الشقة. جه الليل. فريدة لبست الفستان وظبطت الخمار وعملت ميكب بسيط جداً عشان مامتها ضغطت عليها تحط ومكنتش عايزة تزعلها. دخل أخوها وباباها. باباها: ما شاء الله، إيه القمر ده؟ ربنا يحفظك يا حبيبتي ❤. سليم: اللهم بارك، جمال ودلال والله ❤. فريدة بكسوف: ربنا يديم وجودكم ليا يارب. باباها:

يلا، أنا هطلع وإنت هاتها يا سليم. سليم باحترام: حاضر يا بابا. يلا يا ست فريدة. فريدة: يلا. وطلعوا بره. فريدة بصت بصدمة...